ରିପୋର୍ଟ : ଶିବ ବିଶୋଇ
ଲମତାପୁଟ, (୧୪/୦୫) : ରାତି ଅଧରେ ମାଲକାନଗିରି ପୁଲିସ ର ଚଡାଉ । ଚଡାଉ ସମୟରେ ଗାଁ ଲୋକଙ୍କ ହାବୁଡ଼ରେ ଜଣେ ପୁଲିସ କର୍ମଚାରୀ ଆହତ ହୋଇଛନ୍ତି । କୋରାପୁଟ ଜିଲ୍ଲା ମାଛକୁଣ୍ଡ ଥାନା ଅନ୍ତର୍ଗତ ମାଟିଖାଲ ଗାଁରେ ମାଲକାନଗିରି ଜିଲ୍ଲା ପୁଲିସ ଚଡାଉ କରିଥିଲା ।
ରାତି ଅଧରେ ମାଲକାନଗିରି ପୁଲିସ ଗଞ୍ଜେଇ ରେଡ଼ କରିବା ନିମନ୍ତେ ଗାଁ ଭିତରକୁ ପଶିଥିଲା । ପ୍ରଥମେ ଗାଁ ର କିଛି ଲୋକଙ୍କ ଘର ର କବାଟକୁ ବାଡାଇ ଥିଲେ ଏବଂ ଘର ଭିତରେ ପଶି ଲୋକଙ୍କୁ ଭୟଭୀତ କରିଥିଲେ । ପୁଲିସ ଚଡାଉ ନେଇ ଗ୍ରାମବାସୀ ଆତଙ୍କିତ ହୋଇ ପଡିଥିଲେ । ପରେ ଗାଁ ସମସ୍ତେ ଏକତ୍ରିତ ହୋଇ ଅସ୍ତ୍ରଶସ୍ତ୍ର ଧରି ପ୍ରତିବାଦ କରିଥିଲେ । ପରେ ପୁଲିସ ଲୋକଙ୍କୁ ଭୟଭୀତ କରିବା ପାଇଁ ୮ ରୁ ୧୦ ଟି ଗୁଳି ଖୋଲା ଆକାଶରେ ଚଳାଇଥିଲେ । ଗୁଳି ଶବ୍ଦକୁ ମଧ୍ୟ ଲୋକେ ଭୟ ନ କରି ପ୍ରତିବାଦ କରିଥିଲେ ।
ପରେ ପୁଲିସ କର୍ମଚାରୀ ଗ୍ରାମବାସୀଙ୍କ ଆକ୍ରମଣ ର ଶିକାର ହୋଇ ଛତ୍ରଭଙ୍ଗ ହୋଇ ଯାଇଥିଲେ । ଜଣେ ପୁଲିସ କର୍ମଚାରୀ ଗାଁ ଲୋକଙ୍କ ହାବୁଡ଼ରେ ପଡ଼ିଥିଲେ । ଗାଁ ଲୋକେ ପୁଲିସ କର୍ମଚାରୀ ଜଣକୁ ଚୋର ଭାବି ମାଡମାରି ଥିଲେ । ଅନ୍ୟପଟେ ପୁଲିସ ବ୍ୟବହାର କରୁଥିବା ୨ଟି ବାଇକକୁ ମଧ୍ୟ ଗ୍ରାମବାସୀ ଜବତ କରିଥିଲେ । ପରେ କୋରାପୁଟ ଏସ ପି ଘଟଣା ସମ୍ପର୍କରେ ଜାଣି ମାଛକୁଣ୍ଡ ପୋଲିସକୁ ଗ୍ରାମକୁ ପଠାଇ ଥିଲେ । ଆହତ ହୋଇଥିବା ପୋଲିସ କର୍ମୀଙ୍କୁ ମଧ୍ୟ ରାତ୍ରିରେ ଉଦ୍ଧାର କରି ମାଛକୁଣ୍ଡ ପୋଲିସ ମାଲକାନଗିରି ପଠାଇ ଥିଲା ।
ଗ୍ରାମବାସୀଙ୍କ ଅଭିଯୋଗ ମଧ୍ୟ ରାତ୍ରରେ ମାଟିଖାଲ ଗାଁରେ ପୁଲିସ ନାମରେ ଡକାୟତ ମାନେ ପଶି ଡ଼କାୟତ କରୁଥିବା ଯୋଗୁଁ ଗ୍ରାମବାସୀ ପ୍ରତିବାଦ କରିଥିଲେ । ଗାଁ ଲୋକଙ୍କୁ ପୁଲିସ କର୍ମଚାରୀ ମାନେ ଓଲଟା ଭୟଭୀତ କରିଥିଲେ ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଏପଟେ ଅଟକ ପୁଲିସ କର୍ମଚାରୀ ମାଲକାନଗିରି ଜିଲ୍ଲା SDPO ଙ୍କ ନିର୍ଦ୍ଦେଶରେ ମାଟିଖାଲ ଗାଁରେ ଗଞ୍ଜେଇ ରହିଥିବା ନେଇ ଗଞ୍ଜେଇ ରେଡ଼ କରିବା ପାଇଁ ନିର୍ଦ୍ଦେଶ ଦେଇଥିଲେ । ମାଥିଲି, ଗୋବିନ୍ଦପାଳି ଓ ମାଲକାନଗିରି ପୁଲିସ ମିଳିତ ଭାବରେ ଚଡାଉ କରିଥିବା ଗ୍ରାମବାଦୀଙ୍କ ଦ୍ୱାରା ଅଟକ ପୁଲିସ କର୍ମଚାରୀ କହିଛନ୍ତି ।
ଘଟଣା ଘଟିବା ପରେ ଆଜି ଗ୍ରାମବାସୀ ମାଛକୁଣ୍ଡ ଥାନାକୁ ଯାଇ ପୋଲିସ ର ଏହି ଭଳି କାର୍ଯ୍ୟ କୁ ନେଇ ଲିଖିତ ଅଭିଯୋଗ କରିଛନ୍ତି ଏବଂ ପୋଲିସ ଘର କାବାଟ ଭାଙ୍ଗି ସୁନା ଗହଣା ନେବାସହ ମହିଳା ଙ୍କୁ ଅସଦା ଚରଣ କରିଥିବା ନେଇ କହିଛନ୍ତି ଅଭିଯୋଗ କରିଛନ୍ତି ।