ରିପୋର୍ଟ : ସୁଶାନ୍ତ ବେହେରା
ହରଭଙ୍ଗା, (୩୦/୦୪) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମଥୁରା ପଞ୍ଚାୟତ ଦନ୍ତାପାଲି ସ୍ଥିତ ମାହେଶ୍ୱରୀ ଗୋ ଶାଳା ରେ ବିଶ୍ୱ ପ୍ରାଣୀ ଚିକିତ୍ସା ଦିବସ ପାଳିତ ହୋଇଯାଇଛି l
ମାହେଶ୍ୱରୀ ଗୋ ଶାଳା ଅଧକ୍ଷ ନିର୍ଗୁଣ ମହାକୁଡ଼ ଓ ସମ୍ପାଦକ କୃତ୍ତିବାସ ପଲିଆଙ୍କ ତତ୍ୱାବଧାନରେ ପ୍ରାୟ ତିନି ଶହ ଅସହାୟ ବୁଲା ଗୋ ମାତାଙ୍କୁ ନେଇ ପ୍ରାୟ ତିନିବର୍ଷ ହେଲା ପ୍ରତି ପାଳନ କରି ଆସୁଛନ୍ତି l ଆଜି ସକାଳେ, ଗୋ ଚିକିତ୍ସା, ଗୋ ମାତା ସ୍ନାନ, ଗୋ ପୂଜନ, ଗୋ ବନ୍ଦନା ପରେ ଏକ ବୈଠକ ଅନୁଷ୍ଠିତ ହୋଇଥିଲା l
ଏଥିରେ ମୁଖ୍ୟ ଅତିଥି ଭାବେ ପୂର୍ବ କୃଷି ଅଧିକାରୀ ତଥା ହରଭଙ୍ଗା ବ୍ଲକ ଆତ୍ମା ଅଧକ୍ଷ ପୂର୍ଣ୍ଣଚନ୍ଦ୍ର ଗାଈଗୋରିଆ ଯୋଗଦେଇ ଗୋ ଶାଳା ର ଉନ୍ନତି କାମନା କରିଥିଲେ l ଗୋ ପୂଜନରେ ବାବା ଖଗେଶ୍ୱର ବାନପ୍ରସ୍ତୀ, ରାଜୀବ ବାବା, ଗୋ ଚିକିତ୍ସକ ଅଶୋକ ଶତପଥୀ ଯୋଗଦେଇ ଗୋ ଚିକିତ୍ସା କରିଥିଲେ l ୩୦ ଗୋଟି ନୁଆଁ ବାଛୁରୀଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ l
କାର୍ଯ୍ୟକାରୀ ସଦସ୍ୟ ପରମାନନ୍ଦ ପ୍ରଧାନ, ଗୋଶାଳା ତତ୍ୱାବଧାରକ ଭାଗ୍ୟଧର ମହାକୁଡ଼ ମଞ୍ଚାସିନ ଥିଲେ l ବିଭିନ୍ନ ଆଲୋଚନାରେ ଜୁନ ମାସରେ ରାଜ୍ୟ ସ୍ତରୀୟ ଗୋସେବକ ସମ୍ବିଳନୀ ଆୟୋଜନ l ଉକ୍ତ ଉତ୍ସବରେ ବରଣ୍ୟ ମହାମହିମ ଓଡିଶା ରାଜ୍ୟପାଳଙ୍କୁ ମୁଖ୍ୟ ଅତିଥି ଭାବେ ଆମନ୍ତ୍ରଣ କରିବା ସହିତ ପୁରୀ ବାଲିଘାଇ ମଠାଧିଶ ପ୍ରଜ୍ଞାନନନ୍ଦ ସରସ୍ଵତୀ ଙ୍କୁ ଅନ୍ୟତମ ବିଶିଷ୍ଟ ଅତିଥି ଭାବେ ଆମନ୍ତ୍ରଣ କରିବା ପାଇଁ ସ୍ଥିର କରାଯାଇଛି l
ଉକ୍ତ ଦିବସରେ ଜିଲ୍ଲା ସ୍ତରୀୟ ବିଶ୍ୱ ପ୍ରାଣୀ ଚିକିତ୍ସା ଦିବସରେ ଏକ ଚାରୀ ଜଣିଆ ପ୍ରତିନିଧି ଦଳ ଭାଗ ନେଇ ଗୋ ଶାଳା ର ଉନ୍ନତି ପାଇଁ ଉପସ୍ଥାପନା କରିଥିଲେ l