ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୨୫/୦୪) : ବୌଦ୍ଧ ସ୍ୱାସ୍ଥ୍ୟ ବିଭାଗ ପକ୍ଷରୁ ସୋମବାର ଜିଲ୍ଲା ପ୍ରଶିକ୍ଷଣ କକ୍ଷରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଛି । ଏଥିରେ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ଅଭୟ କୁମାର ଦାସ ଓ ବିଭିନ୍ୟ ସ୍ୱାସ୍ଥ୍ୟ କର୍ମଚାରୀ, ପରାମର୍ଶ ଦାତା, ପ୍ରଭାନ୍ଧକ ଏବଂ ଆଶା କର୍ମୀ ମାନେ ଉପସ୍ଥିତ ଥିଲେ ।
ବୌଦ୍ଧ ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ଅଭୟ କୁମାର ଦାସ ବୌଦ୍ଧ ଜିଲ୍ଲାକୁ ମାଲେରିଆ ମୁକ୍ତ କରିବା ପାଇଁ ବିଭିନ୍ୟ କାର୍ଯ୍ୟକ୍ରମ ବିଷୟରେ ଏବଂ ଜନ ସଚେତନତା ଉପରେ ଉଦବୋଧନ ଦେଇଥିଲେ । ମ୍ୟାଲେରିଆ ପରାମର୍ଶ ଦାତା ସ୍ୱାତୀ କୁମାରୀ ବୌଦ୍ଧ ଜିଲ୍ଲା ମ୍ୟାଲେରିଆ ପରିସ୍ଥିତି ଏବଂ ମ୍ୟାଲେରିଆ ନିରାକରଣ ପାଇଁ ଚାଲୁଥିବା କାର୍ଯ୍ୟକ୍ରମ, ଦମନ, କୀଟନାଶକ ସିଞ୍ଚନ, ଦୀର୍ଘସ୍ଥାଇ କୀଟନାଶକ ଉପଚାରିତ ମଶାରୀ ଏବଂ ଜନ ସଚେତନତା ଉପରେ ଆଲୋକପାତ କରିଥିଲେ ।
ବିଗତ ୫ ବର୍ଷ ମଧ୍ୟରେ ବୌଦ୍ଧ ଜିଲ୍ଲାରେ ମ୍ୟାଲେରିଆ ରୋଗୀଙ୍କ ସଂଖ୍ୟା କମିଛି । ୫ ବର୍ଷ ପୂର୍ବେ ୧୦୦୦ ଜଣଙ୍କ ମଧ୍ୟରୁ ୦୫ ଜଣ ମ୍ୟାଲେରିଆ ରୋଗୀ ଚିହ୍ନଟ ହୋଉଥିବା ବେଳେ ବର୍ତ୍ତମାନ ତାହା କମି ୦୧ କୁ ଆସିଛି । ମ୍ୟାଲେରିଆ ଚିହ୍ନଟ ଏବଂ ଚିକତ୍ସା ପାଇଁ ପ୍ରତ୍ୟକ ଆଶା ଦିଦିଙ୍କ ପାଖରେ ଆର. ଡି. ଟି. କୀଟ ଏବଂ ମ୍ୟାଲେରିଆ ବଟିକା ଉପଲବ୍ଧ ରହିଛି ଯାହା ଦ୍ୱାରା ଗ୍ରାମାଞ୍ଚଳରେ ଲୋକମାନେ ମ୍ୟାଲେରିଆ ଚିକିତ୍ସା ଅତି ସହଜରେ ପାଇପାରୁଛନ୍ତି ।
ଆସନ୍ତା ସମୟରେ ବିଭିନ୍ନ ମ୍ୟାଲେରିଆ ନିରାକରଣ କାର୍ଯ୍ୟକ୍ରମ ସହିତ ଅନ୍ୟ ବିଭାଗ ର ପାରସ୍ପରିକ ସହଯୋଗ ଦ୍ୱାରା ଜିଲ୍ଲାରୁ ମ୍ୟାଲେରିଆ ର ମୂଳୋତ୍ପାଟନ କରିବା ପାଇଁ ସଂକଳ୍ପ ନିଆଯାଇଛି ।