ରିପୋର୍ଟ – ଧ୍ରୁବରାଜ ମିଶ୍ର //
ସୋନପୁର, (୨୩/୪) : ରାଷ୍ଟ୍ରୀୟ ହିନ୍ଦୁ ପରିଷଦ ଅଧ୍ୟକ୍ଷ ପ୍ରବୀଣ ତୋଗାଡିଆ ଆଜି ସୁବର୍ଣ୍ଣପୁର ଜିଲ୍ଲାର ସର୍କିଟ ହାଉସଠାରେ ସାମ୍ବାଦିକ ମାନଙ୍କୁ ସମ୍ବୋଧିତ କରିଛନ୍ତି । ଜିଲ୍ଲାର ସୁବର୍ଣ୍ଣପୁରୀ ପାଟବସ୍ତ୍ରର ପ୍ରଶଂସା କରିବା ସହିତ ପଶ୍ଚିମ ଓଡିଶାର ବୁଣାକାରମାନଙ୍କ ଆର୍ଥିକ ଉନ୍ନତି କରିବା ପାଇଁ ତାଙ୍କ ଯୋଜନା ରହିଛି ବୋଲି କହିଛନ୍ତି ।
ରାଷ୍ଟ୍ରୀୟ ହିନ୍ଦୁ ପରିଷଦ ଅଧ୍ୟକ୍ଷ ପ୍ରବୀଣ ତୋଗାଡ଼ିଆଙ୍କ ସୁବର୍ଣ୍ଣପୁର ଜିଲ୍ଲା ଗ୍ରସ୍ତ । ବୁଣାକାର ମାନଙ୍କ ଉଚିତ ପାରିଶ୍ରମିକ ସହିତ ସୁବର୍ଣ୍ଣପୁରୀ ପାଟବସ୍ତ୍ର ଓ ହସ୍ତତନ୍ତ ଆନ୍ତର୍ଜାତିକ ବଜାରରେ ଚହଳ ପକାଇଥିବା ବେଳେ ସୁବର୍ଣ୍ଣପୁରକୁ ଏକ ହବରେ ପରିଣତ କରିବା ପାଇଁ ଉଦ୍ୟମ ଜାରି ରହିଥିବା କହିଛନ୍ତି । ସେହିପରି ଗୋ ସଂପଦର ସୁରକ୍ଷା ,ଗୋଚାରଣ ଭୂଇଁର ସୁରକ୍ଷା, ହିନ୍ଦୁ ସଂପ୍ରଦାୟର ସୁରକ୍ଷା ସହିତ ଶାନ୍ତି ଜୀବନ ଯାପନ ତଥା ପଶ୍ଚିମ ଓଡିଶାର ବୁଣାକାର ତଥା ଦେଶର ଶ୍ରମଜିବୀଙ୍କ ଜୀବନ ଜିବିକା ଉପରେ ଉଦବେଗ ପ୍ରକାଶ କରିଛନ୍ତି । ଅନ୍ତତଃ ଶ୍ରମଜିବୀମାନଙ୍କୁ ବାର୍ଷିକ ଛଅ ହଜାର ଟଂକା କେନ୍ଦ୍ର ସରକାର ଆର୍ଥିକ ସହାୟତା ପ୍ରଦାନ କରିବା ପାଇଁ ଦାବି କରିଛନ୍ତି ।
ସହରରେ ବୟନ ଶିଳ୍ପ କ୍ଷେତ୍ରରେ ଉତ୍କର୍ଷ ଲାଭ କରିଥିବା ବୁଣାକାରମାନଙ୍କୁ ସାକ୍ଷାତ କରିବା ସହିତ ବିଭିନ୍ନ ଯାଗାରେ ବୟନ କଳା ,ହସ୍ତତନ୍ତ ଉତ୍ପାଦିତ ସାମଗ୍ରୀ ବୁଲି ଦେଖିଛନ୍ତି । ହିନ୍ଦୁ ସଂପ୍ରଦାୟର ସରଳ ଓ ସୁନ୍ଦର ଜୀବନ ଯାପନ ପାଇଁ ସରକାର ସବୁ ପ୍ରକାର ଉଦ୍ୟମ କରିବା ପାଇଁ ଅନୁରୋଧ କରିଛନ୍ତି । ଆନ୍ତରାଷ୍ଟ୍ରିୟ ହିନ୍ଦୁ ପରିଷଦ ତଥା ଆନ୍ତରାଷ୍ଟ୍ରିୟ ବଜରଂଗ ଦଳର ଅଧ୍ୟକ୍ଷ ପ୍ରବୀଣ ତୋଗାଡିଆ ଅଯୋଧ୍ୟା ,କାଶୀ ଓ ମଥୁରା ଉପରେ ନିଜର ପ୍ରତିକ୍ରିୟା ବି ରଖିଛନ୍ତି । ରାମ ମନ୍ଦିର ନିର୍ମାଣକୁ ସ୍ବାଗତ କରିବା ସହିତ ଦୀର୍ଘ ଦିନର ହିନ୍ଦୁ ସଂପ୍ରଦାୟର ଆଶା ପୂରଣ ହୋଇଛି ବୋଲି ମତ ପ୍ରଦାନ କରିଛନ୍ତି l