ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା, (୧୨/୦୪) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଭୈରବୀ କନିଷ୍ଠ ମହାବିଦ୍ୟାଳୟରେ ଦୀର୍ଘ ଆଠ ଦିନ ଧରି ଚାଲିଥିବା ମହିଳା ଆତ୍ମରକ୍ଷା ପ୍ରଶିକ୍ଷଣ ଶିବିର ଅଧ୍ୟାପକ ସଦାଶିବ ଜେନାଙ୍କ ସଭାପତିତ୍ୱରେ ଆଜି ଉଦଯାପିତ ହୋଇଯାଇଛି |
ଆତ୍ମରକ୍ଷା ପ୍ରଶିକ୍ଷଣ ଶିବିର ଉଦଯାପନୀ ଉତ୍ସବରେ ମହାବିଦ୍ୟାଳୟ ର ଅଧକ୍ଷ ମନୋଜ କୁମାର ପାଠୀ ମୁଖ୍ୟ ଅତିଥି ଭାବରେ ଯୋଗ ଦେଇ ଶିବିରାର୍ଥୀଙ୍କୁ ନିଜ ଜୀବନର ସୁରକ୍ଷା ପାଇଁ ପାଇଥିବା ତାଲିମକୁ ଠିକ ସମୟରେ ପ୍ରୟୋଗ କରିବା ଲାଗି ଆହ୍ୱାନ ଦେଇଥିଲେ | 
ଅଧ୍ୟାପିକା ଧରିତ୍ରୀରାଣୀ କାନୁନଗୋ, ଅଧ୍ୟାପକ ପ୍ରଶାନ୍ତ କୁମାର ସେଠି ସମ୍ମlନିତ ଅତିଥି ଭାବରେ ଯୋଗ ଦେଇଥିଲେ. ଶିବିରକୁ ଅଧ୍ୟାପକ ପ୍ରଦୋଷ ପ୍ରଧାନ ଏବଂଅଧ୍ୟାପିକା ସଞ୍ଜନା କୁମାରୀ ଆପଟ୍ଟ ପରିଚାଳନା କରିବା ସହିତ ଶିଳ୍ପାରାଣୀ ବେହେରା ୧୪୯ ଜଣ ଶିବି୍ରାର୍ଥୀଙ୍କୁ ପ୍ରଶିକ୍ଷଣ ଦେଇଥିଲେ | ଉଦଯାପନୀ ର ଶେଷ ସୋପାନରେ ସମସ୍ତ ଶିବିରାର୍ଥୀଙ୍କୁ ମାନପତ୍ର ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା ବୋଲି ଅଧକ୍ଷ ମନୋଜ ପାଠୀ ସୂଚନା ଦେଇଛନ୍ତି |