ରିପୋର୍ଟ : ବିରଞ୍ଚି ପ୍ରସାଦ
ରାୟଗଡା, (୧୦/୦୪) : ଆଜି ତା ୧୦/୪/୨୨ ରିଖ ରବିବାର ଦିନ ସରସ୍ୱତୀ ଶିଶୁ ବିଦ୍ୟା ମନ୍ଦିର ଗୁଣପୁର ରେ ପବିତ୍ର ଶ୍ରୀରାମ ନବମୀ ଉତ୍ସବ ଯଥା ରୀତି ପାଳନ ହୋଇଯାଇଛି ।
ଏହି ଅବସରରେ ସ୍ଥାନୀୟ ପ୍ରସୂତି ବିଶେଷଜ୍ଞ ଡାକ୍ତର ଶ୍ରୀ ପ୍ରଦୀପ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ ଶ୍ରୀରାମ ଙ୍କ ଗୁଣ ଗାଥା ଓ ରାମ ନାମ ମାହାତ୍ମ୍ୟ ବିଷୟରେ ମାର୍ଗ ଦର୍ଶନ କରିଥିଲେ l ସରସ୍ୱତୀ ଶିଶୁ ବିଦ୍ୟା ମନ୍ଦିର ର ପ୍ରଧାନ ଆଚାର୍ଯ୍ୟ ଶ୍ରୀ ପ୍ରଫୁଲ୍ଲ କୁମାର ଶତପଥୀ ଶ୍ରୀରାମ ଙ୍କ ଆଦର୍ଶ କୁ ଅନୁସରଣ କରି ନିଜ ଜୀବନଚର୍ଯ୍ୟା ରେ ସେହି ମହତ ଗୁଣକୁ ପ୍ରତିପାଦନ କରିବା ପାଇଁ କହିଥିଲେ l
ଶିଶୁ ବାଟିକା ରୁ ୪ ର୍ଥ ଶ୍ରେଣୀ ଶିଶୁମାନେ ରାମାୟଣ ଆଧାରିତ ବିଭିନ୍ନ ବେଶରେ ସଜ୍ଜିତ ହୋଇ ପୁରୁଣା ବସ ରହିବା ସ୍ଥାନ ଠାରୁ ଶ୍ରୀରାମ ମନ୍ଦିର କୁ ଶୋଭାଯାତ୍ରା ରେ ବାହାରିଥିଲେ l ଆଚାର୍ଯ୍ୟ ଶ୍ରୀମତୀ ରେଣୁକା ପାତ୍ର ସଂଯୋଜନା ଓ ଅତିଥି ପରିଚୟ ପ୍ରଦାନ କରିଥିଲେ । ଅନୁଷ୍ଠାନ ର ସମ୍ପାଦକ ଶ୍ରୀ ସୋମନାଥ ଗୌଡ଼ ଉପସ୍ଥିତ ରହି ଶ୍ରୀରାମ ଙ୍କ ଆଦର୍ଶ ଓ ଗୁଣାବଳି ଗୁଡିକ ଉପରେ ଆଲୋକ ପାତ କରିଥିବା ବେଳେ ଯୁଗ୍ମ ସମ୍ପାଦକ ଶ୍ରୀ ମୋହନ ଚନ୍ଦ୍ର ସାହୁ ଓ ସଦସ୍ୟା ଶ୍ରୀମତୀ ପ୍ରତିଭା ରଥ ଉପସ୍ଥିତ ରହି କାର୍ଯ୍ୟକ୍ରମ ତଦାରଖ କରିଥିଲେ l
ଆଚାର୍ଯ୍ୟ ଶ୍ରୀ ପରିତ୍ରାଣ ମହାପାତ୍ର ଶ୍ରୀରାମଙ୍କ ତତ୍ତ୍ୱ କୁ ସଂକ୍ଷିପ୍ତ ରେ ନିଜର ବକ୍ତବ୍ୟରେ ପ୍ରତିପାଦନ କରିଥିଲେ ଶେଷ ରେ ବେଶଧାରୀ ଶିଶୁ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା l