ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, (୮/୪) : ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସାମ୍ବାଦିକ ସଂଘ ପକ୍ଷରୁ ଏବିଡ଼ିଓ ବଳରାମ ପାତ୍ରଙ୍କ ଜରିଆରେ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଲିଖିତ ଦାବିପତ୍ର ପ୍ରଦାନ କରାଯାଇଛି ।
ଆଜି କଲ୍ୟାଣସିଂହପୁର ବ୍ଲକ ସାମ୍ବାଦିକ ସଂଘ ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ବାଲେଶ୍ୱର ଜିଲ୍ଲା ନୀଳଗିରି ବ୍ଲକ ର ପ୍ରତିନିଧି ଲୋକନାଥ ଦଳେଇଙ୍କୁ ନୀଳଗିରି ପୁଲିସ ମିଥ୍ୟା ମାମଲାରେ ଗିରଫ କରି ଯେଉଁ ଭଳି ବ୍ୟବହାର କରିବା ସହ ଗୋଡ଼ରେ ବେଡି ପକାଇବା ଥିବା ଘଟଣା ବିଷୟରେ ଆଲୋଚନା କରିଥିଲେ । ଏଥିରେ ସଂଘ ର ସମସ୍ତ ସଦସ୍ୟ ଉପସ୍ଥିତ ରହିଥିଲେ । ସେ ଜଣେ ସାମ୍ବାଦିକ ନା, ଡକାୟତ ନା ଆତଙ୍କବାଦୀ ନା ନକ୍ସଲ ତାକୁ ଗୋଡ଼ରେ ବେଡି ପକାଇବା ଘଟଣାକୁ ତୀବ୍ର ନିନ୍ଦା କରି ବିରୋଧ କରିଛନ୍ତି ।
ଏହାର ପ୍ରତିବାଦରେ ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଏକତ୍ରିତ ହୋଇ କଳା ବେର୍ଜ ପରିଧାନ କରି ନୀଳଗିରି ଥାନା ଅଧିକାରୀ ବା ପୁଲିସ ଆଇନ ର ଉର୍ଦ୍ଧକୁ ଯାଇ ଯେଉଁ ନିନ୍ଦନୀୟ ଘଟଣା କରିଛନ୍ତି ତାହା ଖାକି ପୋଷାକ ପାଇଁ ଏକ ନିନ୍ଦନୀୟ ।
ଆଇନ ଅନୁଯାୟୀ ଉକ୍ତ ଅଧିକାରୀଙ୍କ ବିରୁଦ୍ଧରେ ଦଣ୍ଡିତ କରି ଚାକିରୀ କ୍ଷେତ୍ରରୁ ନିଲମ୍ବିତ କରିବା ପାଇଁ ସ୍ଥାନୀୟ ଏବିଡ଼ିଓ ବଳରାମ ପାତ୍ରଙ୍କୁ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଲିଖିତ ପତ୍ର ପ୍ରଦାନ କରାଯାଇଛି । ଏଥିରେ ବ୍ଳକ ର ସମସ୍ତ ଗଣମାଧ୍ୟମ ପ୍ରତିନିଧି ଉପସ୍ଥିତ ରହିଥିଲେ।