Related Contents

ଫୁଲବାମା ସହୀଦ ସ୍ମୃତି ଦିବାରାତ୍ର କ୍ରିକେଟ ଟୁର୍ଣ୍ଣାମେଣ୍ଟ, ମହୁଲପାଲି ଚମ୍ପିୟାନ

ପଦ୍ମପୁର (ଜଗବନ୍ଧୁ ସାହୁ): ଆତଙ୍କବାଦୀଙ୍କ ଆତ୍ମଘାତୀ ହମଲାରେ ସହୀଦ ଭାରତୀୟ ଜବାନ ମାନଙ୍କ ସ୍ମୃତିରେ ପଦ୍ମପୁର ଯୁବଗୋଷ୍ଠୀ ଆନୁକୂଲ୍ୟରେ ଗତ ୯ ତାରିଖରୁ ୧୧ ତାରିଖ ପର୍ଯ୍ୟନ୍ତ ତିନିଦିନ ଧରି ପଦ୍ମପୁର ରାଜବୋଡାସମ୍ବର ଖେଳ ପଡିଆରେ ଫୁଲବାମା ସହୀଦ ସ୍ମୃତି ଦିବାରାତ୍ର କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି ।

ପଦ୍ମପୁର ଏସ୍.ଡି. ପି.ଓ. ଶ୍ରୀ ଯୁକ୍ତ ପ୍ରଦୀପ କୁମାର ସାହୁ ମୁଖ୍ୟଅତିଥି ଭାବରେ ଯୋଗଦେଇ ଟୁର୍ଣ୍ଣାମେଣ୍ଟଟିକୁ ଉଦଘାଟନ କରିଥିଲେ । ଟୁର୍ଣ୍ଣାମେଣ୍ଟରେ ମୋଟ ୪୦ ଗୋଟି ଦଳ ଭାଗ ନେଇଥିଲେ । ଫାଇନାଲ ଖେଳଟି ମହୁଲପାଲି ବନାମ୍ ଭୁତମୁଣ୍ଡା ଦଳ ମଧ୍ୟରେ ହୋଇ ମହୁଲପାଲି ଦଳ ଚମ୍ପିୟାନ ହୋଇଥିଲା । ଭୁତମୁଣ୍ଡା ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ମାତ୍ର ୪୫ ରନ୍ କରିଥିବା ବେଳେ ମହୁଲପାଲି ଦଳ ନିର୍ଦ୍ଧାରିତ ଓଭର ର ୮ ଟି ବଲ୍ ବାକି ଥାଇ ଆବଶ୍ୟକ ରନ୍ ସଂଗ୍ରହ କରି ମ୍ୟାଚ ଟିକୁ ଜିଣି ନେଇଥିଲେ । ଫାଇନାଲ ଖେଳର ଉଦଯାପନୀ ଉତ୍ସବରେ ପଦ୍ମପୁର ବିଧାୟକ ଶ୍ରୀଯୁକ୍ତ ପ୍ରଦୀପ ପୁରୋହିତ ମୁଖ୍ୟ ଅତିଥି ଭାବରେ ଯୋଗଦେଇ ବିଜେତା ମହୁଲପାଲି ଦଳକୁ ୨୦ ହଜାର ଟଙ୍କା ଓ ଉପବିଜେତା ଦଳକୁ ୧୨ ହଜାର ଟଙ୍କା ସହିତ ଟ୍ରଫି ପୁରସ୍କୃତ କରିଥିଲେ ।

ମହୁଲପାଲି ଦଳର ପ୍ରଶାନ୍ତ କୁମାର ସାହୁ ଶ୍ରେଷ୍ଠ ଖେଳାଳି ଭାବେ ପୁରସ୍କୃତ ହୋଇଥିଲେ । ଟୁର୍ଣ୍ଣାମେଣ୍ଟ କମିଟୀ ସଭାପତି ପ୍ରମୋଦ ମେହେରଙ୍କ ସଭାପତିତ୍ୱରେ ହୋଇଯାଇଥିବା ଉଦଯାପନୀ ସଭାରେ କମିଟୀ ଉପସଭାପତି ହିତେଶ ଅଗ୍ରୱାଲ ସଭା ପରିଚାଳନା କରିଥିଲେ। ସମ୍ପାଦକ କୁନାଲ ପାଣିଗ୍ରାହୀ, କୋଷାଧ୍ୟକ୍ଷ ନରେଶ କୁମାର ସାହୁ, ସୁନୀଲ ଅଗ୍ରୱାଲ, ଅଶୋକ ମିଶ୍ର ପ୍ରମୁଖ ମଞ୍ଚାସୀନ ଥିଲେ । ପ୍ରିତେଶ ବହିଦାର, ରସପାଳ ସିଂ, ଅଞ୍ଜନ ପ୍ରଧାନ, ନାରାୟଣ ପୁରୋହିତ, ଅଭିଜିତ ପଟ୍ଟନାୟକ, ନବକିଶୋର କଣ୍ଟା, ସୁବାସ ପାତ୍ର, ଅରବିନ୍ଦ ପାଣିଗ୍ରାହୀ, ମନୀଷ ରଥ, ପ୍ରଶାନ୍ତ ସାହୁ, ବିକାଶ ବରିହା, ନରେନ୍ଦ୍ର ପ୍ରଧାନ, ନୀରୋଜ ଦାଶ, ଅମିତ ଗର୍ଗ, ରବୀନ୍ଦ୍ର ମେହେର, ବରୁଣ ସାହୁ, ସେବକ ମେହେର, ଉଦ୍ଧବ ଭିୱଆଲ, ନରସିମା, ସତ୍ୟ, ସଙ୍ଗମ, ସୋମୁ, ରାଜୀବ ପ୍ରମୁଖ ସହଯୋଗ କରିଥିଲେ। ଶେଷରେ ସମ୍ପାଦକ କୁନାଲ ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

Comments are closed.