ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ, (୦୫/୪) : ଆଜିଠାରୁ ବୌଦ୍ଧରେ ନିଯୁକ୍ତି ମେଳା ପାଇଁ ସମସ୍ତ ପ୍ରସ୍ତୁତି ଚୁଡାନ୍ତ ହୋଇଯାଇଛି । ବୌଦ୍ଧ ଜିଲା ପ୍ରଶାସନ ଓ ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଆନୁକୁଲ୍ୟରେ ଗୋଟିଏ ଦିନ ପାଇଁ ହେବାକୁଥିବା ଏହି ନିଯୁକ୍ତି ମେଳା ଅପ୍ରେଲ ୬ ତାରିଖ ଦିନ ଟାଉନହଲ ବୌଦ୍ଧଠାରେ ଏବଂ ଅପ୍ରେଲ ୭ ତାରିଖଦିନ ପଞ୍ଚାୟତ ମହାବିଦ୍ୟାଳୟ କଂଟାମାଳ ଠାରେ ସକାଳ ୧୦ ଘଂଟା ଠାରୁ ଅପରାହ୍ନ ୨ ଘଂଟା ପର୍ଯ୍ୟନ୍ତ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।
ଆଜିଠାରୁ ବୌଦ୍ଧରେ ହେବାକୁଥିବା ଏହି ମେଳାକୁ ସାଫଲ୍ୟ ମଣ୍ଡିତ କରିବାକୁ ଜିଲା ପ୍ରଶାସନ ପକ୍ଷରୁ ନିବଦେନ କରାଯାଇଛି । ଏହି ମେଳାରେ ୫ମ ରୁ ୧୦ ମ ଏବଂ ଯୁକ୍ତଦୁଇ, ଯୁକ୍ତତିନି, ଆଇଟିଆଇ ଓ ଡିପ୍ଲୋମା ପାଶ କରିଥିବା ବେକାର ଯୁବକ ଯୁବତୀ (୧୮ ରୁ ୩୫ ବର୍ଷ) ଙ୍କୁ କର୍ମ ନିଯୁକ୍ତି ର ସୁଯୋଗ ମିଳିପାରିବ । ଆଶାୟୀ ପ୍ରାର୍ଥୀମାନେ ନିଜର ଆଧାରକାର୍ଡ ନକଲ, ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ନକଲ, ପାଶପୋର୍ଟ ଫଟୋ ସହିତ ନିଯୁକ୍ତି ମେଳାକୁ ଆସିବାକୁ ଜିଲ୍ଲା ନିୟୋଜନ ଅଧିକାରୀ ସୁଶାନ୍ତ କୁମାର ନାଏକ ନିବେଦନ କରିଛନ୍ତି ।
ଏହି ମେଳା ଜରିଆରେ ଜିଲାର ବେକାର ଯୁବକ ଯୁବତୀମାନେ ଘରୋଇ କମ୍ପାନୀ ତଥା ରାଜ୍ୟ ଦକ୍ଷତା ବିକାଶ ସଂସ୍ଥା ପକ୍ଷରୁ ତାଲିମ ଏବଂ କର୍ମ ନିଯୁକ୍ତିର ସୁଯୋଗ ପାଇପାରିବେ । ଏହି ମେଳାରେ ରାଜ୍ୟ ଓ ରାଜ୍ୟ ବାହାର ର ବିଭିନ୍ନ ବେସରକାରୀ ସଂସ୍ଥାର ନିଯୁକ୍ତି ଦାତା ଓ ଦକ୍ଷତା ବୃଦ୍ଧି ତାଲିମ ଦାତାମାନେ ଯୋଗଦେବେ । ବୌଦ୍ଧ ଓ କଂଟାମାଳ ଗୋଷ୍ଠୀ ଉନ୍ନୟନ ଅଧିକାରୀ, ସୂଚନା ଓ ଲୋକସମ୍ପର୍କ ଅଧିକାରୀ ରିତାକାନ୍ତି ବଳିୟାରସିଂହ, ଡେପୁଟି କାର୍ଯ୍ୟନିର୍ବାହୀ ଓରମାସ, ସିଡିପିଓ ବୌଦ୍ଧ ଓ କଣ୍ଟାମାଳ ଏହି ମେଳା ଆୟୋଜନର ସଦସ୍ୟ ଥିବାବେଳେ ଜିଲ୍ଲା କର୍ମ ନିୟୋଜନ ଅଧିକାରୀ କମିଟିର ଆବାହକ ଭାବରେ ଦାୟିତ୍ୱ ତୁଲାଇବେ ।