ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା, (୦୪/୦୪) : ଚୈତ୍ର ମାସ କୃଷ୍ଣପକ୍ଷ ତୃତୀୟ ତିଥିରେ ଆଜି ଠାରୁ ୩ ଦିନ ଧରି ହରଭଙ୍ଗା ଅଂଚଳ ର ଆରାଧ୍ୟଦେବୀ ମା’ ରୁଦ୍ରକାଳୀ ଙ୍କ ନୂତନ ମନ୍ଦିର ପ୍ରତିଷ୍ଠା ଉତ୍ସବ ମହାସମାରୋହରେ ପାଳିତ ହେବ ବୋଲି ହରଭଙ୍ଗା ଗ୍ରାମବାସୀଙ୍କ ସୂତ୍ରରୁ ପ୍ରକାଶ ।
ମା’ ରୁଦ୍ରକାଳୀ ଙ୍କ ନୂତନ ମନ୍ଦିର ଉପଲକ୍ଷେ ଆଜି ସକାଳେ ୮ ଟା ସମୟରେ ହରଭଙ୍ଗା ଗ୍ରାମ ର ସହ ସହ ସଂଖ୍ୟାରେ ମହିଳା ଓ ପୁରୁଷ ମହାନଦୀରେ ପୂଜା ଅର୍ଚ୍ଚନା କରି ଜଳ ପୂର୍ଣ୍ଣ କଳସ ଧରି ନାମସଂକୀର୍ତନ କରି ବିରାଟ ପଦଯାତ୍ରାରେ ପୂଜାମଣ୍ଡପ ଆସିଥିଲେ । କାର୍ଯ୍ୟକ୍ରମ ଅନୁଯାୟୀ-ଅଙ୍କୁରାରୋପଣ, କଳଶ ଯାତ୍ରା, ଗର୍ଭଧାନ ୫ ତାରିଖରେ-ମହାସ୍ନାନ, ପ୍ରାଣ ପ୍ରତିଷ୍ଠା, ଉପଚାରଣ ପୂଜା, ସ୍ତମ୍ବ ତୋରଣ ପୂଜା, ଚଣ୍ଡୀ ହୋମ ଓ ୬ ତାରିଖରେ ବିହିତ ପୂଜା, ରୁଦ୍ର ଚଣ୍ଡୀ ପାଠ, ଯୁପଧ୍ଵଜ ପୂଜା, କଳସ ସ୍ନାନ, ଦିବା ୨.୩୦ ମଧ୍ୟେ ବିଗ୍ରହ ପ୍ରବେଶ ଓ ପୂର୍ଣ୍ଣାହୁତି ।
ଏହି ପୂଜା କାର୍ଯ୍ୟକ୍ରମ ରେ ପଣ୍ଡିତ ରଂଜନ ମହାପାତ୍ର, ଟଙ୍କଧର ସାବତ, ହରିହର ପୁରହିତ, ସତ୍ୟପ୍ରକାଶ ତ୍ରିପାଠୀ, ପିଣ୍ଟୁ ମିଶ୍ର, ପ୍ରଦୀପ କୁମାର ଦାସ, ସୁବୋଧ ମହାପାତ୍ର, ରଂଜିତ ପୁରହିତ କର୍ତ୍ତା ଭାବେ ନାରାୟଣ ଦନାୟକ ଓ ତାଙ୍କ ପତ୍ନୀ ସୁଷମା ଦନାୟକ କାର୍ଯ୍ୟ ସମ୍ପାଦନ କରିଥିଲେ । ମଣ୍ଡପ ନିକଟରେ ନାମ, ଯଜ୍ଞ, ପ୍ରବଚନ ଆଦି ଅନୁଷ୍ଠିତ ହେଉଛି । ମନୋରଞ୍ଜନ କାର୍ଯ୍ୟକ୍ରମ ପାଈଁ -ମିନା ବଜ଼ାର, ଅପେରା ଆଦି ଅନୁଷ୍ଠିତ ହୋଇଥିଲା । ଏହି ଉତ୍ସବ ଦେଖିବାକୁ ବହୁ ସଂଖ୍ୟାରେ ଜନ ସମାଗମ ହୋଇଅଛି । ଭକ୍ତ ମାନଙ୍କ ପାଈଁ ଅର୍ଣ୍ଣଛତ୍ର ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ହରଭଙ୍ଗା ଅଂଚଳ ବାସି ସହଯୋଗ କରିଥିଲେ ।