Related Contents

ଟ୍ରକ ଧକ୍କାରେ ସାଇକେଲ ଆରୋହୀ ମୃତ

ସୋହେଲା(ଜଗବନ୍ଧୁ ସାହୁ): ସୋହେଲା ବ୍ଲକ ଘେଁସ ଠାରେ ରାଜରାସ୍ତା ଉପରେ ଜଣେ ସାଇକେଲ ଆରୋହୀଙ୍କୁ ଟ୍ରକ ଧକ୍କା ଦେବା ଫଳରେ ଘଟଣା ସ୍ଥଳରେ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି |

ମୃତକ ଜଣକ ଘେଁସ ନିକଟସ୍ଥ ଝାଂକରପାଲି ଗ୍ରାମର କ୍ଷମାନିଧି ପଟେଲ (୫୫) ବୋଲି ଜଣାପଡିଛି | ସୂଚନା ଯୋଗ୍ୟଯେ ଶ୍ରୀ ପଟେଲ ସାଇକେଲ ଯୋଗେ ନିଜ ଗାଁ ରୁ ଘେଁସ ସାପ୍ତାହିକ ବଜାର କୁ ଆସୁଥିବା ବେଳେ ସମାନ ଦିଗରୁ ସୋହେଲା ପଟରୁ ପିବି୧୩କ୍ୟୁ ୪୧୨୭ ନମ୍ବର ଥିବା ଏକ ମାଲ ବୋଝେଇ ଟ୍ରକ ଧକ୍କା ଦେବା ଫଳରେ ଘଟଣା ସ୍ଥଳରେ ତାଙ୍କ ମୃତ୍ୟୁ ହୋଇଥିଲା | ସେ ତାଙ୍କ ପରିବାର ରେ ସ୍ତ୍ରୀ ମୁକ୍ତ ପଟେଲ, ୩ଜଣ ପୁଅ ଓ ୨ ଜଣ ଝିଅଙ୍କୁ ଛାଡି ଯାଇଛନ୍ତି |ରାସ୍ତା ତିଆରି କରୁଥିବା ସମ୍ପୃକ୍ତ ଠିକାଦାରଙ୍କ ଅସମ୍ପୂର୍ଣ୍ଣ ସୁରକ୍ଷା ବିହୀନ କାର୍ଯ୍ୟ ପାଇଁ ଲୋକଙ୍କ ମଧ୍ୟରେ ଉତ୍ୟକ୍ତ ପ୍ରକାଶ ପାଇଥିଲା | ପରେ ଖବର ପାଇଁ ମେଲଛାମୁଣ୍ଡା ଥାନା ଅଧିକାରୀ ସ୍ୱପ୍ନାରଣୀ ଗୋଚ୍ଛାୟତ ସହ ଅଗ୍ନିଶମ ବିଭାଗ ଘଟଣା ସ୍ଥଳକୁ ପହଂଚି ଘଟଣାଟିକୁ ନିରୀକ୍ଷଣ କରି ମୃତ ବ୍ୟକ୍ତି ଙ୍କ ପରିବାରକୁ ସହାୟତା ରାଶି ଦେବାର ପ୍ରତିଶୃତି ଦେଇ ଲୋକଙ୍କୁ ବୁଝାସୁଝା କରି ପରିସ୍ଥିତିକୁ ନିୟନ୍ତ୍ରଣ କରିଥିଲେ | ଆମ୍ବୁଲାନ୍ସ ଯୋଗେ ଶବକୁ ପଦ୍ମପୁର ଚିକିତ୍ସାଳୟ କୁ ବ୍ୟବଚ୍ଛେଦ ପାଇଁ ପଠାଯାଇଛି |

Comments are closed.