Advertisements
Sunday, May 31, 2020
Home Cultural & Festival ଲୋଇସିଂହାର ବିଭିନ୍ନ ଅଞ୍ଚଳରେ ମହାଶିବରାତ୍ରି ପାଳିତ

ଲୋଇସିଂହାର ବିଭିନ୍ନ ଅଞ୍ଚଳରେ ମହାଶିବରାତ୍ରି ପାଳିତ

ଲୋଇସିଂହା (ବିମଳେନ୍ଦୁ ସାହୁ): ଲୋଇସିଂହା ଅଞ୍ଚଳର ବିଭିନ୍ନ ସ୍ଥାନରେ ମହାଶିବରାତ୍ରି ଅବସରରେ ଜାଗର ଯାତ୍ରା ଅନୁଷ୍ଠିତ ହୋଇଯାଇଛି ।

ହଜାର ହଜାର ଶ୍ରଦ୍ଧାଳୁ ଉପବାସ ପାଳନ ପୂର୍ବକ ରାତ୍ରୀ ଉଜାଗର ରହି ମହାଦେବଙ୍କ ଜଳାଭିଷେକ କରିଥିଲେ । ଯୋଗୀସର୍ଦା ସ୍ଥିତ ଯୋଗେଶ୍ବର ଶୈବପୀଠ ରେ ଭାଗବତ ପାରାୟଣ, ଶିବ ପୁରାଣ ପଠନ, ଶିବ ଯଜ୍ଞ ଏବଂ ୧୬ ପ୍ରହର ନାମଯଜ୍ଞ ସାଙ୍ଗକୁ ଶ୍ରଦ୍ଧାଳୁଙ୍କ ପାଇଁ ଦିନିକିଆ ଅନ୍ନକ୍ଷେତ୍ରର ବ୍ୟବସ୍ଥା କରାଯାଇଥିଲା । ଭାଗବତ ପାରାୟଣରେ ମହେନ୍ଦ୍ର ମିଶ୍ର ବ୍ୟାସ ଥିବାବେଳେ ନିମାଇଁ ପଧାନ କର୍ତ୍ତା ଦାୟିତ୍ୱ ନିର୍ବାହ କରିଥିଲେ । ସେହିପରି ଶିବ ପୁରାଣ ପଠନରେ ସୁଯୋଗ ମିଶ୍ର ବ୍ୟାସ ଥିବାବେଳେ ବିରବର ବାରିକ କର୍ତ୍ତା, ନାମଯଜ୍ଞରେ ନକୁଳ ପଧାନ ଏବଂ ଶିବଯଜ୍ଞରେ ରାଧାକାନ୍ତ ମିଶ୍ର ଓ ସଚ୍ଚିଦାନନ୍ଦ ମିଶ୍ର ସପତ୍ନୀକ କର୍ତ୍ତା ଦାୟିତ୍ୱ ନିର୍ବାହ କରିଥିଲେ ।

ଏହି ଅବସରରେ ଆୟୋଜିତ ତ୍ରିପୁରାସୁର ଦରବାର କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ବଲାଙ୍ଗୀର ସାଂସଦ କାଲିକେଶ ନାରାୟଣ ସିଂଦେଓ ଏବଂ ସୋନପୁର ଡ଼ିଏସପି ହେମସାଗର ନନ୍ଦ ଯୋଗଦେଇଥିଲେ । ତ୍ରିପୁରାସୁର ଭୂମିକାରେ ବିଶିଷ୍ଟ ଦୂରଦର୍ଶନ କଳାକାର ବିଜୟ ଦେବତାଙ୍କ ଅଭିନୟ ବେଶ ଉଛକୋଟିର ହୋଇପାରିଥିଲା । ଏଥି ସହିତ ଦୁଇଦିନ ଆୟୋଜିତ ରାଜ୍ୟସ୍ତରୀୟ ସମ୍ବଲପୁରୀ ଲୋକନୃତ୍ୟ ପ୍ରତିଯୋଗିତାରେ ବିଭିନ୍ନ ଅଞ୍ଚଳରୁ ଶତାଧିକ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଅର୍ଧରାତ୍ରୀ ପରେ ମନ୍ଦିର ଉପରକୁ ମହାଦୀପ ଉଠିବା ପରେ ଶ୍ରଦ୍ଧାଳୁ ଗଣ ଉପବାସ ଭଙ୍ଗ କରିଥିଲେ । ସେହିପରି ନିକଟସ୍ଥ ସାନଟୀକା ସ୍ଥିତ ଜଳେଶ୍ବର ମହାଦେବ ମନ୍ଦିର,ବୁର୍ଡାର ସ୍ବପ୍ନେଶ୍ୱର ମହାଦେବ ଏବଂ ସୁଜିଆ ମନ୍ଦିର ରେ ଜାଗର ଯାତ୍ରା ଅବସରରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ଜିଲା ବିଜେଡି ସଭାପତି ଓ ହସ୍ତତନ୍ତ ମନ୍ତ୍ରୀଙ୍କ ସହ ପଟାଙ୍ଗି ଓ କୋରାପୁଟ,ଲୋଷ୍ମୀପୁର ନିର୍ବାଚନ ମଣ୍ଡଳୀର ବିଧାୟକଙ୍କ ବନ୍ଧୁଗାଁ ଗସ୍ତ

ରିପୋର୍ଟ: ମିନା ବେହେରା //ବନ୍ଧୁଗାଁ (ତା ୨୭:୫:୨୦): କୋରାପୁଟ ଜିଲାର ବନ୍ଧୁଗାଁ ବ୍ଲକ ଠାରେ ରହିଥିବା କରନା ଭାଇରସ ରୋଗ ବିଷୟରେ ଅଞ୍ଚଳରେ ତଦାରଖ ଓ ସମୀକ୍ଷା କରିବା...

ଭାରତୀୟ ଯୁବ ମୋର୍ଚ୍ଚା ତରଫରୁ ରକ୍ତଦାନ ଶିବିର ଅନୁଷ୍ଠିତ

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର (୩୦/୦୫): ସମଗ୍ର ବିଶ୍ୱକୁ କରୋନା ଭୁତାଣୁ ପାଇଁ ପ୍ରଭାବିତ ଥିବା ବେଳେ ପଦ୍ମପୁର ଭାରତୀୟ ଜନତା ଯୁବମୋର୍ଚା ତରଫରୁ ଲଗାତାର ରକ୍ତଦାନ...

ବୁକୁରାମୁଣ୍ଡା ଠାରେ କରୋନା ଯୋଦ୍ଧାଙ୍କୁ ସମ୍ମାନ

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର (୩୦/୫): ବର୍ତ୍ତମାନ ସାରା ବିଶ୍ୱରେ କରୋନା ଭୁତାଣୁ କୋବିଡ଼-୧୯ ନିଜର କାୟା ବିସ୍ତାର କରିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ...

ଜାମସେଠ ଓ ଟେମରୀ ଗ୍ରାମରେ ବନ୍ଦେ ଉତ୍କଳ ଜନନୀ ଗାନ କରି କରୋନା ଯୋଦ୍ଧାଙ୍କୁ ସମ୍ମାନ

ରିପୋର୍ଟ: ନିରୋଜ କୁମାର ପାଣି //ପାଇକମାଳ,୩୦/୫: କୋଭିଡ ଯୋଦ୍ଧାଙ୍କୁ ସମାନ ଜଣାଇ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁରୋଧ କ୍ରମେ ପାଇକମାଳ ଜାମସେଠ ଗ୍ରାମ ପଞ୍ଚାୟତରେ ସରପଞ୍ଚ ରମ୍ଭା ତାଣ୍ଡିଙ୍କ...

Recent Comments

%d bloggers like this: