Related Contents

ରୋଷେଇ କରୁଥିବା ବେଳେ ନିଆଁ ଲାଗି ପୁଅ ମୃତ, ଅଳ୍ପକେ ବର୍ତ୍ତିଲେ ମା ଓ ବାପା

ଗୋଲାମୁଣ୍ଡା(ଯୁବରାଜ ଅଗ୍ରୱାଲ): କଳାହାଣ୍ଡି ଜିଲ୍ଳା ଗୋଲାମୁଣ୍ଡା ବ୍ଲକ ଅନ୍ତର୍ଗତ ଟେମରି ଗାଁରେ ରବିବାର ଏକ ଅଘଟଣ ଘଟିଛି ।

ରୋଷେଇ କରୁଥିବା ବେଳେ ହଠାତ ନିଆଁ ଲାଗି ଘର ଜଳି ଯିବାରୁ ଜଣଙ୍କ ମୃତ୍ୟୁ ଘଟିଛି । ସେ ହେଉଛନ୍ତି କପିଲ ପଟେଲଙ୍କ ବଡ଼ ପୁଅ ସଞ୍ଜୀବ ପଟେଲ(୨୩) ଓ ସଞ୍ଜିବଙ୍କ ମା’ ସୁକାନ୍ତି ପଟେଲ ଅଳ୍ପକେ ରକ୍ଷା ପାଇଯାଇଛନ୍ତି । କିନ୍ତୁ କେଉ କାରଣରୁ ନିଆଁ ଲାଗି ଥିଲା ଏ ଯାଏ ଜଣା ପଡିନାହିଁ | ଖବର ପାଇ ଗୋଲାମୁଣ୍ଡା ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରି ଉଭୟଙ୍କୁ ଉଦ୍ଧାର କରିଥିଲେ । ମାତ୍ର ସେତେବେଳକୁ ସଞ୍ଜୀବଙ୍କ ମୃତ୍ୟୁ ଘଟିଥିଲା । ସେହିଭଳି ସୁକାନ୍ତିଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଭର୍ତି କରି ଡ୍ରେସିଂ କରି ପରେ ଡାକ୍ତର ତାଙ୍କୁ ଭବାନୀପାଟଣା ମୁଖ୍ୟ ଚିକିସ୍ୟାଳୟକୁ ସ୍ଥାନାନ୍ତର କରିଥିଲେ | ଅପରପକ୍ଷେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

Comments are closed.