Advertisements
Monday, July 13, 2020
Home headline କେଉଁ ବିଜେଡି ଗୋଷ୍ଠି ହାତକୁ ଯିବ ନବରଙ୍ଗପୁର ବିଧାନସଭା ଆସନର ଟିକେଟ

କେଉଁ ବିଜେଡି ଗୋଷ୍ଠି ହାତକୁ ଯିବ ନବରଙ୍ଗପୁର ବିଧାନସଭା ଆସନର ଟିକେଟ

ନବରଙ୍ଗପୁର ଜିଲ୍ଲା ପ୍ରତିନିଧି(ଏ.ସତୀଶ): ନିର୍ବାଚନ ଯେତିକି ପାଖେଇ ଆସୁଛି ନବରଙ୍ଗପୁର ଜିଲ୍ଲା ରାଜନୀତି ସେତିକି ସରଗରମ ହେବାରେ ଲାଗିଛି ।

ସେହିପରି ନବରଙ୍ଗପୁର ବିଧାନସଭା ଆସନରେ ବିଜେଡି ଆଶାୟୀ ପାର୍ଥିଙ୍କ ସଂଖ୍ୟା ବାଡିବାରେ ଲାଗିଛି ।ବର୍ତମାନର ନବରଙ୍ଗପୁର ନିର୍ବାଚନ ମଣ୍ଡଳୀର ଲଗାତାର ଦୁଇଥର ବିଜୟୀ ହୋଇଥିବା ବିଧାୟକ ମନୋହର ରନ୍ଧାରୀଙ୍କୁ ନବରଙ୍ଗପୁର ବିଧାନସଭା ଆସନ ବଦଳରେ ଡାବୁଗାଁ ନିର୍ବାଚନ ଆସନରେ ପାର୍ଥି ହେବା ନେଇ ଯେଉଁ ଚର୍ଚ୍ଚା ଚାଲିଛି ତାହାକୁ ନେଇ ରାଜନୀତି ଜୋର ଧରିଛି । ଏହାକୁ ନେଇ ନବରଙ୍ଗପୁର ନିର୍ବାଚନ ମଣ୍ଡଳୀରେ ଆଶାୟୀ ପାର୍ଥିଙ୍କ ସଂଖ୍ୟା ବଡିବାରେ ଲାଗିଛି । ଜିଲ୍ଲା ବିଜେଡି ସାଧାରଣ ସମ୍ପାଦକ ରବି ପଟନାୟକ ଅଧ୍ୟକ୍ଷତାରେ ସ୍ଥାନୀୟ ସୌରା ସାହି କଲ୍ୟାଣ ମଣ୍ଡପ ଠାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି ।ଉକ୍ତ ସାମ୍ବାଦିକ ସମ୍ମିଳନୀରେ ଆଶାୟୀ ପାର୍ଥି ବ୍ଲକ ସଭାପତି ତଥା ଜିଲ୍ଲା ପରିଷଦ ସଭ୍ୟ ବେଦବ୍ୟାସ ଭତ୍ରା , ନବରଙ୍ଗପୁର ବ୍ଲକ ଅଧ୍ୟକ୍ଷ। ହୀରାମଣି ପୂଜାରୀ , ନନ୍ଦାହାଣ୍ଡି ବ୍ଲକ ଅଧ୍ୟକ୍ଷ ସନ୍ୟାସୀ ସୌରା , ଜିଲ୍ଲାପରିଷଡ଼ ସଭ୍ୟା ମମତା ଦେରୁଆ , ତେନ୍ତୁଳିଖୁଣ୍ଟି ଜିଲ୍ଲା ପରିଷଦ ସଭ୍ୟା ଚମ୍ପବତୀ ମୁଦୁଲି , ନବରଙ୍ଗପୁର ଜିଲ୍ଲା ପରିଷଦ ସଭ୍ୟା କମଳା ବିଶୋଇ ପ୍ରମୁଖ ମଞ୍ଚାସିନ ଥିଲେ ।

ରନ୍ଧାରୀ ଦୁଇଥର ବିଧାୟକ ହେବାରେ ବେଦବ୍ୟାସ ଭତ୍ରା ପ୍ରମୁଖ ଭୂମିକା ଗ୍ରହଣ କରିଥିବା ଉପସ୍ଥିତ କର୍ମୀମାନେ କହିଥିଲେ । ମୁ ଜଣେ ୨୦ ବର୍ଷର ବିଜେଡି ଦଳର ଏକ ଶୃଙ୍ଖଳିତ କର୍ମୀ ଭାବେ ଦଳ ପାଇଁ କାମ କରିବା ସହ ନବରଙ୍ଗପୁର ବ୍ଲକ ଅଧ୍ୟକ୍ଷ ଭାବେ କାର୍ଯ୍ୟ ତୁଲାଇଛି ବୋଲି ବେଦବ୍ୟାସ କହିଥିଲେ ।ଏହିପରି ସ୍ଥଳେ ଜଣେ ଚାକିରୀ ଛାଡ଼ି ଦଳରେ ଯୋଗ ଦେଇଥିବା ବ୍ୟକ୍ତିଙ୍କୁ ଦଳୀୟ ଟିକେଟ ପ୍ରଦାନ କରାଯିବ ନେଇ ଯେଉଁ ଚର୍ଚ୍ଚା ହେଉଛି ଏହାକୁ ଉପସ୍ଥିତ ସମସ୍ତ ବିଜେଡି ନେତା ଓ କର୍ମୀମାନେ ନାପସନ୍ଦ କରିଛନ୍ତି । ଉକ୍ତ ବିଜେଡି ସାମ୍ବାଦିକ ସମ୍ମିଳନୀରେ ଜିଲ୍ଲା ସଭାପତି , ଉପସଭାପତି ଉପସ୍ଥିତ ନ ଥିଲେ । ନବରଙ୍ଗପୁର ଜିଲ୍ଲା ପର୍ଯ୍ୟବେକ୍ଷକ ବ୍ରହ୍ମଗିରି ବିଧାୟକ ସଞ୍ଜୟ ଦାସ ବର୍ମା ବହୁବାର ନବରଙ୍ଗପୁର ଜିଲ୍ଲା ଗସ୍ତରେ ଆସୁଥିବା ସମୟରେ ନବରଙ୍ଗପୁର ନିର୍ବାଚନ ମଣ୍ଡଳୀର ନେତା ଓ କର୍ମୀ ମାନଙ୍କ ସହ କୌଣସି ଅଲୋଚନ କରୁ ନ ଥିବା ଅଭିଯୋଗ କରିଥିଲେ ।

ନବରଙ୍ଗପୁର ନିର୍ବାଚନ ମଣ୍ଡଳୀ ରେ ବିଜେଡିର ଗୋଷ୍ଠି କନ୍ଦଳ ପଦାରେ ପଡିଛି ।ବିଜେଡିର ଗୋଟିଏ ଗୋଷ୍ଠି ପୂର୍ବତନ କଂଗ୍ରେସ ସାଂସଦଙ୍କ ପୁତୁରା ତଥା ପୂର୍ବତନ କଂଗ୍ରେସ ଜିଲ୍ଲାପରିଷଦ ଅଧ୍ୟକ୍ଷ ଙ୍କ ପୁଅ ସଦାଶିବ ପ୍ରଧାନୀଙ୍କୁ ବିଜେଡିର ଟିକେଟ ପାଇଁ ଦାବି କରୁଥିବା ବେଳେ ସେପଟେ ସ୍ୱତନ୍ତ୍ର ବିକାଶ ପରିଷଦ ଉପାଧ୍ୟକ୍ଷା ମଞ୍ଜୁଳା ମାଝୀ ଆଶାୟୀ ପର୍ଥୀ ଭାବେ ସଂଗଠନ ସଦୃଡ଼ କରିବାରେ ଲାଗିଛନ୍ତି । ନବରଙ୍ଗପୁର ବିଧାନସଭା ନିର୍ବାଚନ ମଣ୍ଡଳୀରେ ଦଳୀୟ ଟିକେଟ ନ ମିଳିଲେ ନିର୍ବାଚନ ମଣ୍ଡଲୀ ର ସମସ୍ତ ଅଧ୍ୟକ୍ଷ, ଅଧ୍ୟକ୍ଷା ଜିଲ୍ଲା ପରିଷଦ ସଭ୍ୟ ସଭ୍ୟା ,ସରପଞ୍ଚ ଓ ସମସ୍ତ କର୍ମୀମାନଙ୍କ ସହ ଆଲୋଚନା କରି ପରବର୍ତ୍ତୀ ପଦକ୍ଷେପ ନିଆଯିବ ବୋଲି ଆଶାୟୀ ପାର୍ଥି ବେଦବ୍ୟାସ ଭତ୍ରା ସାମ୍ବାଦିକଙ୍କ ପ୍ରଶ୍ନ ର ଉତ୍ତର ଦେଇ ଏହା କହିଥିଲେ ।ଏପରିସ୍ଥିତରେ କାହା ହାତକୁ ଯିବ ନବରଙ୍ଗପୁର ବିଧାନସଭା ଆସନର ଟିକେଟ ତାହାକୁ ନେଇ ଚର୍ଚ୍ଚା ଜୋର ଧରିଛି । ଏହି ସମ୍ମଳିନୀରେ ସରୋଜ ମହାଙ୍କୁଡ଼ , ଶ୍ରୀଧର ରାଓ ସହ ବିଜେଡିର ବ୍ଲକ ଅଧ୍ୟକ୍ଷ ଅଧ୍ୟକ୍ଷ। ,ଜିଲ୍ଲା ପରିଷଦ ସଭ୍ୟ ସଭ୍ୟା , ସରପଞ୍ଚ ସମେତ ଶତାଧିକ କର୍ମୀ ଯୋଗ ଦେଇଥିଲେ ।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ବିଜେପି ବିଧାୟକ ଦେବେନ୍ଦ୍ର ନାଥ ରୟ ବଙ୍ଗଳାର ଉତ୍ତର ଦିନାଜପୁରରେ ଝୁଲୁଥିବା ଦେଖିବାକୁ ମିଳିଛି : ଦଳ କହିଛି ଟିଏମସି ଦ୍ୱାରା ହତ୍ୟା

କଲିକତା (୧୩/୦୭-ଓଡିଶାନ୍ୟୁଜ୨୪ ବ୍ୟୁରୋ ): ସୋମବାର ସକାଳେ ଉତ୍ତର ଦିନାଜପୁର ଜିଲ୍ଲାର ହେମତାବାଦ ଅଞ୍ଚଳରେ ଥିବା ତାଙ୍କ ଘର ନିକଟରେ ବିଜେପିର ବରିଷ୍ଠ ନେତା ଦେବେନ୍ଦ୍ର ନାଥ ରୟଙ୍କ...

ଜୁଲାଇ ଶେଷ ସୁଦ୍ଧା ମାଟ୍ରିକ ପରୀକ୍ଷା ଫଳ ପ୍ରକାଶ ନେଇ ସୂଚନା ଦେଲେ ମନ୍ତ୍ରୀ

ରିପୋର୍ଟ: ଓଡିଶାନ୍ୟୁଜ୨୪ବ୍ୟୁରୋ //ଭୁବନେଶ୍ୱର (୧୩।୦୭): ମାଟ୍ରିକ ପରୀକ୍ଷା ଖାତାଦେଖା ଶେଷ ହୋଇଛି । ଟାବୁଲେସନ ଆରମ୍ଭ ହୋଇଯାଇଛି । ଖୁବ୍‌ଶୀଘ୍ର ଫଳ ପ୍ରକାଶ ନେଇ ତାରିଖ ଘୋଷଣା ହେବ...

ସିବିଏସଇ ଦ୍ୱାଦଶ ପରୀକ୍ଷା ଫଳ ପ୍ରକାଶିତ, ବୋର୍ଡ ଓ୍ୱେବସାଇଟ୍‌ରେ ରେଜଲ୍ଟ

ନୂଆଦିଲ୍ଲୀ, ୧୩।୦୭: ସିବିଏସଇ ଦ୍ୱାଦଶ ପରୀକ୍ଷା ଫଳ ପ୍ରକାଶ ପାଇଛି । ଛାତ୍ରଛାତ୍ରୀମାନେ ବୋର୍ଡର ଓ୍ୱେବସାଇଟରେ ନିଜର ଫଳ ଦେଖିପାରିବେ । କରୋନା ଭାଇରସ ପାଇଁ ରେଜଲ୍ଟ ପ୍ରକାଶରେ...

ଚିକିତ୍ସା ଅବହେଳାରୁ ଶିଶୁମୃତ୍ୟୁ ଅଭିଯୋଗ, ମିଳିଲାନି ଆମ୍ବୁଲାନ୍ସ ବାଇକ ଯୋଗେ ବୁହାହେଲା ଶିଶୁର ଶବ

ରିପୋର୍ଟ: ଜଗଦୀଶ ଦାସ //ରାଇକିଆ(୧୩/୦୭): ସରକାର ସ୍ୱାସ୍ଥ୍ୟର ଉନ୍ନତି ପାଇଁ ବିଭିନ୍ନ ଯୋଜନା କରିଛନ୍ତି ର୍ତ୍ତମାନ ପରିସ୍ଥିତି କିନ୍ତୁ ଆଦିବାସୀ ଅଧ୍ୟୁଷିତ କନ୍ଧମାଳରେ ସ୍ୱାସ୍ଥ୍ୟ ସେବା ଏକରକମ ଭୁଶୁଡିଯାଇଛି...

Recent Comments

%d bloggers like this: