Related Contents

ବିଭିନ୍ନ ଦାବିନେଇ ଏପିଆଇ ପକ୍ଷରୁ ଜାତୀୟ ରାଜପଥ ଅବରୋଧ

ଲୋଇସିଂହା(ବିମଳେନ୍ଦୁ ସାହୁ): ଲୋଇସିଂହା ବିଧାନସଭା ନିର୍ବାଚନ ମଣ୍ଡଳୀର ବିଭିନ୍ନ ସମସ୍ୟାର ସମାଧାନ ଦାବିରେ ଆମ୍ବେଦକର ପାର୍ଟି ଅଫ ଇଣ୍ଡିଆ(ଏପିଆଇ) ତରଫରୁ ଲୋଇସିଂହା ବ୍ଲକ ଛକ ଠାରେ ୨୬ ନଂ ଜାତୀୟ ରାଜପଥ ଅବରୋଧ କରାଯାଇଥିଲା ।

ପ୍ରାୟ ଏକ ଘଣ୍ଟା ଧରି ଜାତୀୟ ରାଜପଥର ଉଭୟ ପାର୍ଶ୍ଵରେ ଶତାଧିକ ଯାନବାହନ ଅଟକି ରହିବା ଫଳରେ ଯାତାୟାତ ବାଧାପ୍ରାପ୍ତ ହୋଇଥିଲା । ଲୋଇସିଂହା ଆଞ୍ଚଳିକ ବିକାଶ ପରିଷଦର ଆବାହକ ଲାଲମନ ନାଗଙ୍କ ନେତୃତ୍ୱରେ ଏପିଆଇ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦିନେଶ ନାଗ, ଆଦିବାସୀ ନେତା ଶ୍ୟାମସୁନ୍ଦର ଭୋଇଙ୍କ ସମେତ ଶତାଧିକ ଏପିଆଇ କର୍ମୀ ବ୍ୟାନର ଏବଂ ପ୍ଲାକାର୍ଡ ପ୍ରଦର୍ଶନ ପୂର୍ବକ ରାଜପଥ ଅବରୋଧ କରିଥିଲେ । ଲୋଇସିଂହା ଓ ଆଗଲପୁର ବ୍ଲକରେ ନିର୍ମିତ ପ୍ରାୟ ୧୯ ଗୋଟି ବାବୁ ଜଗଜୀବନ ରାମ ଛାତ୍ରୀ ନିବାସକୁ କାର୍ଯ୍ୟକାରୀ କରିବା ସହିତ ଲୋଇସିଂହାକୁ ଏନଏସି ଏବଂ ଉପଖଣ୍ଡର ମାନ୍ୟତା ପ୍ରଦାନ କରିବା, ଲୋଇସିଂହା ଠାରେ ଅତିରିକ୍ତ ଦୌରାଜଜ୍ କୋର୍ଟ ସ୍ଥାପନ, ଲୋଇସିଂହା ଡାକ୍ତରଖାନାକୁ ଉପଖଣ୍ଡିୟ ଡାକ୍ତରଖାନାର ମାନ୍ୟତା ଦେଇ ଶହେ ଶଯ୍ୟା ବ୍ୟବସ୍ଥା କରିବା, ସର୍ବସାଧାରଣ ଶୋଚାଳୟ ନିର୍ମାଣ, ବ୍ଲକ ଛକରେ ଉପ ଡାକଘର ସ୍ଥାପନ, ଲୋଇସିଂହା ଠାରେ ଶିତଲଭଣ୍ଡାର ନିର୍ମାଣ, ଶିକ୍ଷିତ ବେକାର ଯୁବକ ଯୁବତୀଙ୍କ କର୍ମନିଯୁକ୍ତି ପାଇଁ ଶିଳ୍ପାନୁଷ୍ଠାନ ପ୍ରତିଷ୍ଠା, ଅବସର ବିନୋଦନ ପାଇଁ ପାର୍କ ନିର୍ମାଣ ସହିତ ଏକ ଅତ୍ୟାଧୁନିକ କଲ୍ୟାଣ ମଣ୍ଡପ ନିର୍ମାଣ, ମରୁଡ଼ିରୁ ରକ୍ଷା ପାଇଁ ଉପଯୁକ୍ତ ଜଳସେଚନର ସୁବିଧା ସାଙ୍ଗକୁ ରାଜସ୍ୱ ବିଭାଗର ପତ୍ର ସଂଖ୍ୟା R.D.M-LRA-PGOT-0070-2017-20373, Dt.24.06.2017 କୁ କାର୍ଯ୍ୟକାରୀ କରାଯାଇ ଭୂମିହୀନ ମାନଙ୍କୁ ବାସପଯୋଗୀ ୪ ଡ଼ିସିମିଲ ଏବଂ ଚାଷ ଉପଯୋଗୀ ୪ ହେକ୍ଟର ଜମି ପ୍ରଦାନ କରାଯିବା ପ୍ରମୁଖ ୧୪ ଦଫା ଦାବିରେ ଆମ୍ବେଦକର ପାର୍ଟି ଅଫ ଇଣ୍ଡିଆ ତରଫରୁ ଜାତୀୟ ରାଜପଥ ଅବରୋଧ କରାଯିବା ସାଙ୍ଗକୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।

ଲୋଇସିଂହା ଆଇଆଇସି ଲଳିତା ଲାକ୍ରା, ଏସଆଇ ଜେକେ ମହାନ୍ତି, ଏଏସଆଇ ଆର୍ତ୍ତତ୍ରାଣ ସାହୁ, ବିଡ଼ିଓ ରାମଚନ୍ଦ୍ର ଖଡ଼ିଆ ପ୍ରମୁଖ ଘଟଣାସ୍ଥଳରେ ପହଞ୍ଚି ବିକ୍ଷୋଭକାରୀଙ୍କ ସହିତ ଆଲୋଚନା କରିଥିଲେ। ଏହି ଅବସରରେ ଏପିଆଇ ତରଫରୁ ସ୍ଥାନୀୟ ବିଡ଼ିଓଙ୍କ ଜରିଆରେ ୧୪ଦଫା ଦାବି ସମ୍ବଳିତ ଦାବିପତ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଦାନ କରାଯିବା ପରେ ରାସ୍ତା ଅବରୋଧ ହଟିଥିଲା ।

Comments are closed.