କାଟିକଣା ତଥା ପାଣିଛତ୍ର ଅଂଚଳବାସି ମୌଳିକ ସୁବିଧାରୁ ବଂଚିତ

ରାୟଗଡା (ଅମୁଲ୍ୟ ନିସଙ୍କ): ରାୟଗଡ଼ ଜ଼ିଲ୍ଲା ଅନ୍ତର୍ଗତ କୋଲନରା ବ୍ଲକର ଭୋଇମୋଡା ଗ୍ରାମପଂଚାୟତକୁ ଭାଗକରି ଦୁଇଟି ପଞ୍ଚାୟତ ଯଥା ଭୋଇମାଡା ଓ ନୂତନ ଭାବେ କଟିକଣା ଗ୍ରାମପଂଚାୟତ ଗଠନ କରାଯାଇଥିଲା | ପଂଚାୟତ ଗଠନର ଦୀର୍ଘ ଦୁଇ ବର୍ଷ ବିତିଯାଇଥିଲେ ମଧ୍ୟ ପଂଚାୟତର ସ୍ଥାୟୀ ଗୃହ ବର୍ତମାନ ସୁଦ୍ଧା ନିର୍ମାଣ କରାଯାଇନାହିଁ |

ଯଦ୍ୱାରା ଗ୍ରାମର ଏକ ଗୋଷ୍ଟି କେନ୍ଦ୍ରରେ କାର୍ଯ୍ୟାଳୟ ଚାଲିଛି | ସ୍ଥାନୀୟ ବାସିନ୍ଧା ସ୍ଥାୟୀ ପଂଚାୟତ ଗୃହ ନିର୍ମାଣ ନିମନ୍ତେ ଦାବିକରିଛନ୍ତି | ଠିକ ସେହିପରି ଜନସାଧାରଣଙ୍କ ଯାତାୟାତ ନିମନ୍ତେ ରାୟଗଡ଼ ଠାରୁ ଏକ ରାଜ୍ୟ ସଡକ ପରିବହନ ନିଗମର ଏକ ବସ ତତ୍କାଳୀନ ଜ଼ିଲ୍ଲାପାଳ ଶ୍ରୀମତୀ ଗୁହା ପୂନମ ତାପସ କୁମାରଙ୍କ ଉଦ୍ୟମ ଯୋଗୁଁ ଗତ ୧୮.୦୨. ୨୦୧୮ରେ ଆରମ୍ଭ ହୋଇଥିଲା କିନ୍ତୁ ନିଗମ କର୍ତୃପକ୍ଷ ଗତ ୨୨.୧୧. ୨୦୧୮ ରେ ଏହି ବସ ଚଲାଚଳ ବନ୍ଦ କରଦେଇଛନ୍ତି | ଯଦ୍ୱାରା ଜନସାଧାରଣ ବିପଦସଂଙ୍କୁଳ ଅବସ୍ଥାରେ ଟାଟା ମାଜିକ କମାଣ୍ଡର ରେ ଦୀର୍ଘ ୧୮କିଲୋମଟର ଘାଟିରାସ୍ତା ପାଣିଛତ୍ର ଠାରୁ ମୁକୁନ୍ଦପୁର ପର୍ଯ୍ୟନ୍ତ ଯିବା ଆସିବା କରିଥାନ୍ତି | ତୁରନ୍ତ ଏହି ବସ ସେବା ନିମନ୍ତେ ଜନସାଧାରଣ ଦାବିକରିଛନ୍ତି |

Comments are closed.