Related Contents

ପାକିସ୍ତାନ ଜିନ୍ଦାବାଦ କହି ସରକାରୀ ବସଯାତ୍ରୀଙ୍କୁ ମାରପିଟ, ୨ଜଣ ସନ୍ଦିଗ୍ଧ ଥାନାରେ ଅଟକ

ବିନିକା (ଧ୍ରୁବରାଜ ମିଶ୍ର): ବିନିକା ସୋନପୁର ଯାଉଥିବା ସରକାରୀ ବସରୁ ଗତକାଲି ପାକିସ୍ତାନ ସପକ୍ଷରେ ଜିନ୍ଦାବାଦ ସ୍ଲୋଗାନ ଦେଇ ବସଯାତ୍ରୀଙ୍କୁ ମାରପିଟ କରି ଭୟଭୀତ କରୁଥିବାରୁ ୨ଜଣ ସନ୍ଦିଗ୍ଧ ଯୁବକଙ୍କୁ ବିନିକା ପୋଲିସ ଥାନାକୁ ଆଣି ଅଟକ ରଖିଛନ୍ତି |

ଘଟଣାରୁ ପ୍ରକାଶ ଯେ ଉକ୍ତ ସରକାରୀ ବସ ବରଗଡ଼ରୁ ବାହାରି ବିନିକା ସୋନପୁର ଦେଇ ଭୁବନେଶ୍ୱର ଯାଉଥିଲା | ସନ୍ଧ୍ୟାରେ ବିନିକା ବସ ସ୍ଟାନ୍ଡ ରୁ ବାହାରି ଫୁଳମୁଠି ପର୍ଯ୍ୟନ୍ତ ଯିବା ପରେ ବସ ଭିତରେ ଥିବା ୨ଜଣ ଯୁବକ ବସଯାତ୍ରୀଙ୍କୁ ମାରପିଟ ସହ ଭୟଭୀତ କରୁଥିଲେ | ସ୍ଥାନୀୟ ଲୋକ ଦେଖି ବସକୁ ଅଟକାଇ ଥିଲେ | ସେ ସମୟରେ ସନ୍ଦିଗ୍ଧ ଯୁବକ ଦୁଇ ଜଣ ପାକିସ୍ତାନ ଜିନ୍ଦାବାଦ କହି ମାରପିଟ କରୁଥିବା ଦେଖାଯାଇଥିଲା | ବିନିକା ପୋଲିସ ଖବର ପାଇ ବସ ମଧ୍ୟରୁ ଉକ୍ତ ଯୁବକ ଦ୍ବୟଙ୍କୁ ଥାନାରେ ଅଟକ ରଖିଛି | ଘଟଣା ଜଣାପଡିବା ପରେ ଅନେକ ଲୋକ ଥାନା ଓ ଡାକ୍ତରଖାନାରେ ରୁଣ୍ଡ ହୋଇଥିଲେ | ସେମାନେ ଉକ୍ତ ସନ୍ଦିଗ୍ଧ ଯୁବକ ଆଗରେ ଭାରତ ଜିନ୍ଦାବାଦ ଓ ପାକିସ୍ତାନ ମୁର୍ଦ୍ଧାବାଦ ନାରା ଦେଇଥିଲେ | ଯୁବକ ଦ୍ବୟ ଅଣଓଡ଼ିଆ ହୋଇଥିବାରୁ ତାଙ୍କ ପରିଚୟ ମିଳିପାରିନାହିଁ |

Comments are closed.