ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା, (୨୩/୦୩) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଭୈରବୀ କନିଷ୍ଠ ମହାବିଦ୍ୟାଳୟରେ ଜାତୀୟ ସେବା ଯୋଜନା ଆନୁକୂଲ୍ୟରେ ଅଧ୍ୟାପକ ତଥା ଏନ. ଏସ. ଏସ ପ୍ରୋଗ୍ରାମ ଅଫିସର ରମେଶ ଚନ୍ଦ୍ର ତାରେଣୀଆଙ୍କ ସଭାପତିତ୍ୱରେ ସହିଦ ଦିବସ ପାଳିତ ହୋଇଯାଇଛି l
ଉକ୍ତ କାର୍ଯ୍ୟକ୍ରମରେ ପୁରୁଣାକଟକ ଭୈରବୀ କନିଷ୍ଠ ମହାବିଦ୍ୟାଳୟ ର ଅଧକ୍ଷ ମନୋଜ କୁମାର ପାଠୀ ମୁଖ୍ୟ ଅତିଥି ଭାବରେ ଯୋଗଦେଇ ସହିଦ ଭଗବତ ସିଂ, ରାଜଗୁରୁ ଏବଂ ସହିଦ ଶୁକଦେବଙ୍କ ସ୍ମୃତି ଚାରଣ କରି ସହିଦ ମାନଙ୍କ ନିସ୍ଵାର୍ଥପର ଦେଶ ପ୍ରେମ ଏବଂ ସେମାନଙ୍କ ଉଚ୍ଛର୍ଗୀକୃତ ମନୋଭାବ ଉପରେ ଆଲୋକପlତ କରିଥିଲେ l ଇଂରାଜୀ ବିଭାଗ ଅଧ୍ୟାପକ ଡ଼. ପ୍ରମୋଦ କୁମାର ମହାପାତ୍ର ଏବଂ ରାଜନୀତି ବିଜ୍ଞାନ ବିଭାଗ ଅଧ୍ୟାପକ ରଂଜିତ କୁମାର ସାମଲ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l
କାର୍ଯ୍ୟକ୍ରମରେ ବହୁ ସଂଖ୍ୟାରେ ଛାତ୍ର ଛାତ୍ରୀ ଯୋଗଦେଇ ଦେଶ ପ୍ରେମରେ ଉଦଭୁଦ ହେବା ପାଇଁ ଶପଥ ନେଇଥିଲେ l ପୂର୍ବ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ମୁଖ୍ୟ ଅତିଥି ମନୋଜ ପାଠୀଙ୍କ କରକମଳରେ ପୁରସ୍କୃତ କରାଯାଇଥିଲା l କାର୍ଯ୍ୟକ୍ରମ ଶେଷରେ ଅଧ୍ୟାପକ ତାରେଣୀଆ ଧନ୍ୟବାଦ ଅର୍ପଣ କରିଥିଲେ l