Related Contents

ଟ୍ରକ ମାଡିଯିବାରୁ ୨ଜଣଙ୍କ ମୃତ୍ୟୁ ଓ ୨ଜଣ ଗୁରୁତର

ବିନିକା(ଧ୍ରୁବରାଜ ମିଶ୍ର): ବିନିକା ଗୋଡଭଗା ମୁଖ୍ୟ ରାସ୍ତା ଚେରୁପାଲୀ ଛକ ଠାରେ ବସକୁ ଅପେକ୍ଷା କରିଥିବା ବେଳେ ଗ୍ୟାସ ସିଲିଣ୍ଡର ଭର୍ତି ଏକ ଟ୍ରକ ( ନ ଓଆର ୦୨ ୱାଇ ୪୨୩୨) ମାଡିଯିବାରୁ ୨ଜଣଙ୍କ ମୃତ୍ୟୁ ହୋଇଛି |

ଅନ୍ୟ ଦୁଇ ଜଣ ଗୁରୁତରଙ୍କୁ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି | ଟ୍ରକ ମାଡିଯିବାରୁ ଚେରୁପାଲୀ ଗାଁର ରୂଖ ଭରାସାଗର (୩୫) ଓ ସଉଳପୁର ଗାଁର ସୁରେନ୍ଦ୍ର ଗରିଆ (୫୦) ଙ୍କ ଘଟଣାସ୍ଥଳରେ ମୃତ୍ୟ ହୋଇ ଯାଇଥିଲା | ଏଥିରେ ଗୁରୁତର ଜୟଦେବ ସାଣ୍ଡ ଓ ରୁନୁ ଭରାସାଗରଙ୍କୁ ପ୍ରଥମେ ବିନିକାରେ ପ୍ରାଥମିକ ଚିକିତ୍ସା ପରେ ସୋନପୁର ଓ ବୁର୍ଲା ଡ଼ାକ୍ତରଖାନାକୁ ପଠାଯାଇଛି | ଏହାକୁ ନେଇ ଶହ ଶହ ଲୋକେ ବିନିକା ସିଦ୍ଧାର୍ଥ କଲେଜ ଗେଟ ଠାରେ ରାସ୍ତା ରୋକ କରିଥିଲେ | ଦୀର୍ଘ ସମୟ ଧରି ପୁଲିସ ଓ ପ୍ରଶାସନ ସହ ଆଲୋଚନା କଲା ପରେ ପ୍ରତିଶୃତି ଦେବାରୁ ରାସ୍ତା ରୋକ ହଟିଥିଲା |

Comments are closed.