Related Contents

ବରୀକୁ ଜନ ମତ ସର୍ଭେରେ ଆସି ବୈଦ୍ୟୁତିକ ଗଣମାଧ୍ୟମ ନିୟୁଜ ୭ ହଟହଟା

ବରୀ(ସତ୍ୟଜିତ ବାରିକ): ଆଜି ପୁର୍ବାହ୍ନରେ ରାଜ୍ୟର ବୈଦ୍ୟୁତିକ ଗଣମାଧ୍ୟମ ନିୟୁଜ୭ ଟିମ୍ ଜନ ମତ ସର୍ଭେ ପାଇଁ ଭୋଟ୍ ଓଡିଶା ବାକ୍ସ ବସାଇବାକୁ ଆସି ହଟହଟା ହୋଇ ଫେରିଯାଇଥିବା ଦେଖିବାକୁ ମିଳିଛି ।

ସୂଚନା ଅନୁଯାୟୀ ପୂର୍ବ ପ୍ରସ୍ତୁତି ଅନୁଯାଇ ଏହି ବୈଦ୍ୟୁତିକ ଗଣମାଧ୍ୟମ ଟିମ୍ ଏକ ବୋଲର ଗାଡିରେ ବରୀ-ମାଉଣ୍ଡ ବଜାରରେ ପହଞ୍ଚି ଥିଲେ । କଂଗ୍ରେସ,ବିଜେଡି,ଭାଜପା ୩ ପ୍ରମୁଖ ରାନୈତିକ ଦଳର ଶତାଧିକ ସମର୍ଥକମାନେ ବଜାରରେ ଅପେକ୍ଷା କରି ରହିଥିଲାବେଳେ ଏହି ଗଣମାଧ୍ୟମ ଟିମ୍ ଭୋଟ୍ ଓଡିଶା ବାକ୍ସରେ ୨୦୧୯ ନିର୍ବାଚନ ପାଇଁ ଜନ ମତ ସଂଗ୍ରହ କରିବାକୁ ଏକ ବାଲଟ ପତ୍ର ଦେଇଥିଲେ । ଏହି ପତ୍ରଟିକୁ ପୁରଣ କରି ଭୋଟ୍ ଓଡିଶା ବାକ୍ସରେ ପକାଇବା ପାଇଁ କହିଥିଲେ । ତେବେ ଲୋକ ଗହଳି ଯୋଗୁ ଠେଲାପେଲାରେ ଏହି ଗଣମାଧ୍ୟମ ପ୍ରତିନିଧିଙ୍କ ଠାରୁ ମତାମତ ଫର୍ମ କେତେକ ଯୁବକ ଝାମ୍ପି ନେଇଥିଲେ । ଆଉ କେତେକ ଯୁବକ ସେମାନଙ୍କ ବୋଲରକୁ ହାତରେ ବାଡାବାଡି କରିଥିଲେ । ଆସିଥିବା ବୈଦ୍ୟୁତକ ଗଣମାଧ୍ୟମର ପ୍ରତିନିଧି ଟିମ୍ କୁ ହଟହଟା ହେବାକୁ ପଡିଥିଲା । ଶେଷରେ ନିରାଶ ହୋଇ ଫେରିଯାଇଥିଲେ । ଏ ସଂକ୍ରାନ୍ତରେ ଆସିଥିବା ପ୍ରତିନିଧି ସୁରେନ୍ଦ୍ର ସାମଲଙ୍କୁ ପଚାରିବାରୁ ବିଶୃଙ୍ଖଳା ସୃଷ୍ଟି ହେବାରୁ ହଟହଟା ହୋଇ ଫେରି ଯାଉଛୁ ବୋଲି କହିଥିଲେ । ଏହି ବୈଦ୍ୟୁତିକ ଗଣମାଧ୍ୟ ନିୟୁଜ ୭ ର ଜନମତ ସର୍ଭେ ଠପ୍ ହୋଇ ଯାଇଛି । ଏ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।

Comments are closed.