ଅସହାୟ ପରିବାରକୁ ସରକାରୀ ସହାୟତା ଯୋଗାଇଦେବକୁ ଦାବି

ବିନିକା (ଧ୍ରୁବରାଜ ମିଶ୍ର): ବିନିକା ବ୍ଲକ ଭଣ୍ଡାର ଗ୍ରାମ ପଂଚାୟତ ପିତେଇପାଲି ଗ୍ରାମର ବିଜେ ସୁନା ମଧୁମେୟ ରୋଗରେ ପୀଡିତ ହୋଇ ପ୍ରାୟ ୪ମାସ ତଳେ ମୃତ୍ୟୁ ବରଣ କରିଥିଲେ |

ତାଙ୍କର ବିଧବା ପତ୍ନୀ ବାସନ୍ତୀ ଓ ଦୁଇ ଝିଅ ଅଞ୍ଜଳି (୯) ଓ ସୁବଳୟ (୭) ଅଛନ୍ତି | ବଡ ଝିଅ ୪ର୍ଥ ଶ୍ରେଣୀ ଓ ସାନ ଝିଅ ୨ୟ ଶ୍ରେଣୀ ରେ ପଢୁଛନ୍ତି | ବାସହୀନ ଅବସ୍ଥାରେ ସପରିବାର ଅନ୍ୟଘରେ ଆଶ୍ରୟ ନେଇଛନ୍ତି | ତାଙ୍କ ସ୍ୱାମୀଙ୍କ ନାମରେ ଥିବା ଖାଉଟି କାର୍ଡ ହଜିଯାଇଥିବାରୁ ଖାଉଟି ସାମଗ୍ରୀ ପାଉନଥିବା କହିଛନ୍ତି ବାସନ୍ତୀ | ଝିଅ ଅଞ୍ଜଳି ସ୍କୁଲରୁ ଫେରି ଆଖ ପାଖ ଗାଁ ରେ ଭିକ୍ଷାବୃତ୍ତି କରେ ବୋଲି କହିଛି ତାର ମା ବାସନ୍ତୀ | ତେଣୁ ଜିଲ୍ଲା ପ୍ରଶାସନ ଦୃଷ୍ଟି ଦେଇ ବାସନ୍ତୀଙ୍କ ନାମରେ ଖାଉଟି କାର୍ଡ ଓ ବାସସ୍ଥାନ ପାଇଁ ସରକାରୀ ଆବଶ୍ୟକ ଜମି ସମେତ ଆବାସ ଯୋଜନାରେ ଖଣ୍ଡିଏ ପକ୍କାଘର ଯୋଗାଇ ଦେବାକୁ ଦାବି ହେଉଛି |

Comments are closed.