Related Contents

ପ୍ରାର୍ଥୀ ନିର୍ବାଚନ ମଣ୍ଡଳୀର ହେବା କଥା, ବିଦେଶୀ ନୁହେଁ-ଲୋଇସିଂହା ନିର୍ବାଚନ ମଣ୍ଡଳୀ

ବଲାଙ୍ଗୀର (ଓଡିଶା ନ୍ୟୁଜ୨୪): ବଲାଙ୍ଗୀର ଜିଲ୍ଲା ଲୋଇସିଂହା ନିର୍ବାଚନ ମଣ୍ଡଳୀରେ ଟିକେଟ ଆଶା ଦିନକୁ ଦିନ ଜଟିଳ ହେବାରେ ଲାଗିଛି | ୨୦୧୯ ନିର୍ବାଚନରେ ରାଜନୀତି ମଇଦାନକୁ ଓହ୍ଲେଇବା ପାଇଁ କିଛି ସରକାରୀ କର୍ମଚାରୀ ଅଣ୍ଟା ଭିଡି ଟିକେଟ ଆଶାୟୀ ତାଲିକାରେ ସାମିଲ ହୋଇଛନ୍ତି |

ତାଲିକାରେ ପ୍ରଶାସନିକ ଅଧିକାରୀ, ଯନ୍ତ୍ରୀ, ପୋଲିସ ବାବୁଙ୍କ ନାମ ମଧ୍ୟ ହେବା ନେଇ ଅଞ୍ଚଳରେ ରାଜନୈତିକ ଉଷ୍ଣତା ପ୍ରକାଶ ପାଇଛି | ୨୦୧୯ ନିର୍ବାଚନ ପାଇଁ ସମସ୍ତ ରାଜନେତିକ ଦଳରେ ଟିକେଟ ଚିନ୍ତା | ବିଜେପି ଦଳର ବହୁ ପ୍ରାର୍ଥୀ ଟିକେଟ ଆଶାରେ ରହିଛନ୍ତି | ଏହି ତାଲିକାରେ ଗତ କିଛି ଦିନ ତଳେ ସାମିଲ ହୋଇଥିଲେ ଅବସରପ୍ରାପ୍ତ ବୈଜ୍ଞାନିକ ମୁକେଶ ମହାଲିଙ୍ଗ | ୨୦୧୯ ନିର୍ବାଚନରେ ସେ ବିଜେପି ପ୍ରାଥୀ ହେବା ଆଶାରେ ଚାକିରୀ ଛାଡିଛନ୍ତି | ଆସନ୍ତା ନିର୍ବାଚନପାଇଁ ସେ ନିଜ ପ୍ରସ୍ତୁତି ଆରମ୍ଭ କରିଦେଇଛନ୍ତି | ହେଲେ ନିର୍ବାଚନ ମଣ୍ଡଳୀ ଜନସାଧାରଣ ସହଜରେ ତାଙ୍କୁ ଗ୍ରହଣ କରିବେ ବୋଲି ସେମିତି କିଛି ଜଣାପଡ଼ୁନାହିଁ | ବିଜେଡିରେ ଟିକେଟ ଆଶାୟୀ ତାଲିକା ଲମ୍ବା | ଏହି ତାଲିକାରେ ବିଧାୟକ ଯୋଗେନ୍ଦ୍ର ବେହେରାଙ୍କ ସାନପୁଅ ନିହାର ରଞ୍ଜନ ବେହେରା, ସଂପତ୍ତି ନନ୍ଦ, ନାରୀ ନେତ୍ରୀ ରଞ୍ଜୁ ରାଏମନ, ଜୟନ୍ତୀ ବାରିକ ରହିଛନ୍ତି | ଟିକେଟ ଆଶାରେ ସମସ୍ତ ଆଶାୟୀ ଜନ ସମ୍ପର୍କ ଅଭିଯାନକୁ ଜୋରଦାର କରିଛନ୍ତି | ହେଲେ ବିଜେଡିର ଅନ୍ତଃ କନ୍ଦଳ ଯୋଗୁଁ ଓ ବିଦେଶୀ ହଟାଓ ନାରା ଦେଇ କିଛି ବିଜେଡି ଗୋଷ୍ଠୀ ଆଶାୟୀ ପ୍ରାର୍ଥୀଙ୍କ ଆଶାକୁ ଫିକା କରିଦେଇଛନ୍ତି | ଯଦି ନିର୍ବାଚନ ମଣ୍ଡଳୀରେ ବିଦେଶୀ ହଟାଓ ନାରାକୁ ଦେଖି ବିଜେଡି ଟିକେଟ ଦେବ ତା ହେଲେ ସ୍ଥାନୀୟ ବିଧାୟକଙ୍କ ପୁଅ ସହ ଟିଟିଲାଗଡ଼ରୁ ଆସି ବିଜେଡିରେ ମିଶିଥିବା ରଞ୍ଜୁ ରାଇମନଙ୍କ ଆଶା ଆଶାରେ ରହିଯିବ |

ବିଦ୍ୟୁତ ବିଭାଗର ଯନ୍ତ୍ରୀ ଭାବେ କାର୍ଯ୍ୟରତ ଇ. ପ୍ରଦୀପ ବେହେରା ଚାକିରୀ ଛାଡି ନିର୍ବାଚନ ଲଢ଼ିବେ ବୋଲି ଜଣାପଡିଛି | ୨୦୧୪ ନିର୍ବାଚନ ମଧ୍ୟରେ ସେ ଆଶାୟୀ ଥିଲେ ମଧ୍ୟ ବିଜେଡି ତାଙ୍କୁ ଟିକେଟ ଦେଇ ନ ଥିଲା ଏବେ ସେ ପୁଣି ଆଶାୟୀ ଅଛନ୍ତି|ପ୍ରଶାସନିକ ଅଧିକାରୀ ଶରତ ବାଗ ମଧ୍ୟ ୨୦୧୯ରେ ବିଜେଡି ପ୍ରାର୍ଥୀ ପାଇଁ ଚେଷ୍ଟା ଚଳାଇଥିବା ଜଣାପଡିଛି | ରାଜନୈତିକ ଦଳ ପ୍ରାର୍ଥୀ ଚୂଡାନ୍ତ କରି ନ ଥିବା ବେଳେ ଅନେକ ଆଶାୟୀ ଠାରୁ କିଏ ଟିକେଟ ପାଇବ ତାକୁ ନେଇ ଅଂଚଳରେ ବେଶୀ ଚର୍ଚ୍ଚା ହେଉଛି | ହେଲେ ସବୁ ଚା ଦୋକାନ ଠୁ ଆରମ୍ଭ କରି ସବୁ ଜାଗାରେ କେବଳ ଗୋଟିଏ ଚର୍ଚ୍ଚା ଜୋର ଧରିଛି ଯେ ବିଦେଶୀ ହଟାଓ ଲୋଇସିଂହା ବଞ୍ଚାଓ ହେବା କଥା ନ ହେଲେ ରାଣ୍ଡି ପୁଅ ଅନନ୍ତା ପରି ନିର୍ବାଚନ ମଣ୍ଡଳୀ ହେବ ବୋଲି ସାଧାରଣ ଭୋଟର ଦୃଢୋକ୍ତି ପ୍ରକାଶ କରିଛନ୍ତି |

Comments are closed.