ରିପୋର୍ଟ : ଧ୍ରୁବରାଜ ମିଶ୍ର
ସୋନପୁର, (୧୩/୩) : କଳା ଓ ସଂସ୍କୃତି ର ଅଗ୍ରଣୀ ଅନୁଷ୍ଠାନ ପଏଁରୀ ପକ୍ଷରୁ ସୁବର୍ଣ୍ଣପୁର ଠାରେ ଗ୍ରାମୀଣ ଲୋକକଳା ର ବିକାଶ ଏବଂ ସଂରକ୍ଷଣକୁ ନେଇ ଏକ ରାଜ୍ୟ ସ୍ତରୀୟ ଆଲୋଚନା ଚକ୍ର ଅନୁଷ୍ଠିତ ହୋଇ ଯାଇଛି ।
“ସାଂପ୍ରତିକ ପରିସ୍ଥିତିରେ ଲୋକକଳା ଏବଂ କଳାକାର” ଶୀର୍ଷକ ଆଲୋଚନା ଚକ୍ରରେ ସୁବର୍ଣ୍ଣପୁର ମାଟିରେ ଆବାହମାନ କାଳରୁ ରହିଥିବା ପାରମ୍ପାରିକ ଗୀତ, ନୃତ୍ୟ ଓ ବାଦ୍ୟ ର ସଂରକ୍ଷଣ ସହ ବିକାଶ ଆଜି ର ଦିନରେ ଏକ ବଡ ଆହ୍ୱାନ ବୋଲି ବଶିଷ୍ଟ ସଂସ୍କୃତି ବିଷାରଦମାନେ ଆଲୋଚନା କରିଥିଲେ । ଲଡୁ କିଶୋର ମଲ୍ଲିକଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଂପାନରେ ଶିକ୍ଷାବିଦ୍ ବ୍ରଜମୋହନ ଦାନୀ, ନାଟଶ୍ରୀ ଗଦାଧର ବାରିକ, ଓଡିଶା ସାହିତ୍ୟ ଏକାଡେମୀ ର ସଭ୍ୟ ଡଃ ଦେବାଶିଷ ପାଣ୍ଡିଆ, ସ୍ତମ୍ଭକାର ଘାସିରାମ ପଣ୍ଡା, ଲୋକ ସଂସ୍କୃତି ଗବେଷକ ଡଃ ପୁରୁଷୋତ୍ତମ ମିଶ୍ର, ଓଡିଶା ସଂଗୀତ ନାଟକ ଏକାଡେମୀ ସଦସ୍ୟ ଶାଶ୍ୱତ ତ୍ରିପାଠୀ, ବିଶିଷ୍ଟ ସିନେ ଅଭିନେତା ପ୍ରଦ୍ୟୁମ୍ନ ସାହୁ ପ୍ରମୁଖ ଯୋଗ ଦେଇ ସୁବର୍ଣ୍ଣପୁର ର ବର୍ଣ୍ଣିଳ ସଂସ୍କୃତି ର ପ୍ରଚାର ପ୍ରସାର ସହ ପ୍ରାଚୀନ ଗ୍ରାମୀଣ କଳା ର ବିକାଶରେ ଯୁବପୀଢିକୁ ଯୋଡିବାକୁ ଆହ୍ୱାନ ଦେଇଥିଲେ ।
ପଏଁରୀ ଅନୁଷ୍ଠାନ ର ସଂପାଦକ ଚୌଧୁରୀ ବିଭାରଙ୍କ ସଂଯୋଜନାରେ ଆୟୋଜିତ ସଂପାନରେ ଜିଲ୍ଲା ର ୬ ଟି ବ୍ଲକ ରୁ ଶତାଧିକ ଗ୍ରାମୀଣ କଳାକାର ଅଂଶଗ୍ରହଣ କରି ମତ ବିନିମୟ କରିଥିଲେ ।