Related Contents

ସରକାରୀ ବାବୁଙ୍କ ଅନୁପସ୍ଥିତ ପାଇଁ ପିଠା କାର୍ଯ୍ୟକ୍ରମରେ ଗଣ୍ଡଗୋଳ

କାଲିମେଳା (ବୁଦ୍ଧଦେବ ମଣ୍ଡଳ): ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଭୁବନପଲ୍ଲୀ ଗ୍ରାମ ପଂଚାୟତରେ ଅନୁଷ୍ଠିତ ପିଠା କାର୍ଯ୍ୟକ୍ରମରେ ଅପ୍ରୀତିକର ପରିସ୍ଥିତି ଦେଖିବାକୁ ମିଳିଛି |

ସରକାରୀ ଯୋଜନା ମୁତାବକ ବିଭିନ୍ନ ସୁବିଧା ସୁଯୋଗରୁ ବଂଚିତ ରହୁଥିବା ଅଭିଯୋଗରେ ଲୋକମାନେ ପିଠା କାର୍ଯ୍ୟକ୍ରମରେ ହଂଗାମା କରିଥିଲେ | ଏହି କାର୍ଯ୍ୟକ୍ରମରେ ବିଭିନ୍ନ ବିଭାଗୀୟ ଅଧିକାରୀଙ୍କ ଅନୁପସ୍ଥିତ ରହିବା ସହ ସରକାରଙ୍କ ଖାଦ୍ୟ ସୁରକ୍ଷା ଆଇନ, ପେନସନ ଯୋଜନା ଓ ବିଭିନ୍ନ ଜନହିତକର ଯୋଜନାରେ ଏହି ପଂଚାୟତର ଅନେକ ଲୋକ ବାଦ ପଡ଼ିଥିଲେ | ଲୋକମାନେ ପ୍ରଥମେ ବୁଝାବୁଝୀ କରିଥିଲେ ହେଲେ ପରେ ଉତକ୍ଷିପ୍ତ ହୋଇ ଠେଲାପେଲା ହୋଇ ଗଣ୍ଡଗୋଳ କରିଥିଲେ | ଲୋକମାନେ ୫ ରୁ ୮ କିମି ଚାଲି କି ତ କିଛି ଲୋକ ଅଟୋ ଭଡା କରି ଆସିଥିଲେ ସରକାରୀ ସହାୟତା ପାଇବା ଆଶାରେ, ମାତ୍ର କିଛି ଫଳ ହେଲାନାହିଁ | ଗ୍ରାମ ପଂଚାୟତ ସମ୍ପ୍ରସାରଣ ଅଧିକାରୀଙ୍କୁ ପଚାରିବାରୁ ସେ କିଛି ଉତ୍ତର ନ ଦେଇ ଚାଲିଯାଇଥିଲେ | ଏହି କାର୍ଯ୍ୟକ୍ରମରେ ସରକାରୀ କର୍ମଚାରୀଙ୍କ ଅବହେଳା ପାଇଁ ଲୋକେ ଅତ୍ୟନ୍ତ ମର୍ମାହତ ହୋଇଛନ୍ତି |

Comments are closed.