ନବରଙ୍ଗପୁର ଜିଲ୍ଲା ଓକିଲ ସଂଘ ପକ୍ଷରୁ ପ୍ରଧାନମନ୍ତ୍ରୀଙ୍କୁ ଦାବିପତ୍ର ପ୍ରଦାନ

ନବରଙ୍ଗପୁର ଜିଲ୍ଲା ପ୍ରତିନିଧି (ଏ.ସତୀଶ): ନବରଙ୍ଗପୁର ଜିଲ୍ଲା ଓକିଲ ସଂଘ ପକ୍ଷରୁ ଜିଲ୍ଲା ଦୌରା ଜର୍ଜ ଓ ଜିଲ୍ଲାପାଳଙ୍କ ଜରିଆରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିଭିନ୍ନ ଦାବି ନେଇ ଏକ ଦାବି ପତ୍ର ପ୍ରଦାନ କରାଯାଇଥିଲା ।

ମୁଖ୍ୟତଃ ଓକିଲ ଓ ତାଙ୍କ ପରିବାର ପାଇଁ ୨୦ ଲକ୍ଷ ଟଙ୍କାର ବୀମାରେ ସାମିଲ କରିବା । ଭାରତରେ ଯେ କୌଣସି ଚିକିତ୍ସାଲୟରେ ଓକିଲ ମାନଙ୍କୁ ମୁକ୍ତ ଚିକିତ୍ସାସୁବିଧା ଯୋଗାଇଦେବା, ୫ ବର୍ଷରୁ ଉର୍ଦ୍ଧ କାର୍ଯ୍ୟରତ ଓକିଲ ମାନଙ୍କୁ ମାସିକ ଦଶ ହଜାର ଟଙ୍କା ଷ୍ଟାଇପେଣ୍ଡ ପ୍ରଦାନ କରିବା, ବିନା ସୁଧରେ ଘର ନିର୍ମାଣ ନିମନ୍ତେ ଋଣ ଯୋଗାଇ ଦେବା, ଓକିଲ ମାନଙ୍କୁ ବାର୍ଦ୍ଧକ୍ୟ ଭତ୍ତା ଯୋଜନାରେ ସାମିଲ କରିବା, ୬୫ ବର୍ଷରୁ କମ ବୟସର ଓକିଲଙ୍କ ଦୁର୍ଘଟଣା, ହତ୍ୟା କିମ୍ବା ରୋଗରେ ମୃତ୍ୟୁ ହେଲେ ୫୦ ଲକ୍ଷ ଟଙ୍କା ରାଶିର ସହାୟତା ଯୋଗାଇ ଦେବାକୁ ଦାବି କରାଯାଇଥିଲା । ଦାବିପତ୍ର ପ୍ରଦାନରେ ଜିଲ୍ଲା ଆଇନଜୀବୀ ସଙ୍ଘର ସଭାପତି ନରସିଂହ ତ୍ରିପାଠୀ, ସମ୍ପାଦକ ରାମ ପ୍ରସାଦ ପାତ୍ର, ବରିଷ୍ଠ ଆଇନଜୀବୀ ଏନ. ଅହମ୍ମଦ ସମେତ ବହୁ ସଂଖ୍ୟକ ଆଇନଜୀବୀ ମାନେ ଯୋଗ ଦେଇଥିଲେ ।

Comments are closed.