Related Contents

ମାଲକାନଗିରି ଜିଲ୍ଲାର ଏମଭି ୭୯ଠାର ପୋଲିସ ପକ୍ଷରୁ ସଡକ ସୁରକ୍ଷା ସପ୍ତାହ ପାଳିତ

କାଲିମେଳା (ବୁଦ୍ଧଦେବ ମଣ୍ଡଳ): ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମ.ଭି ୭୯ଠାରେ ଥିବା ତାରକେଶ୍ୱର ଶିବ ମନ୍ଦିର ପ୍ରାଙ୍ଗଣରେ ପୋଲିସ ପକ୍ଷରୁ ସଡକ ସୁରକ୍ଷା ସପ୍ତାହ ପାଳନ କରାଯାଉଛି |

ଏମ.ଭି ୭୯ ଥାନା ଅଧିକାରୀ ଶ୍ରୀ ରଞ୍ଜନ କୁମାର ସାହୁଙ୍କ ତତ୍ୱାବଧାନରେ ଏକ ବୈଠକ ଅନୁଷ୍ଠିତ କରାଯାଇ ରାସ୍ତାଘାଟରେ ଯାତାୟାତ ସମୟରେ ନିୟମ ମାନିବାକୁ କହିବା ସହ ସଡକ ସୁରକ୍ଷା ଦିଗରେ ପଦକ୍ଷେପ ବାବଦରେ ଫୁଙ୍ଖାନୁପୁଙ୍ଖ ଆଲୋଚନା କରିଥିଲେ | ସଭା ପରେ ଏକ ପଦ ଯାତ୍ରା ହୋଇଥିଲା | ଏହି ପଦ ଯାତ୍ରାରେ ମହାବିଦ୍ୟାଳୟର ଛାତ୍ରଛାତ୍ରୀ ପୋଲିସ ଅଧିକାରୀଙ୍କ ସହ ଭାଗ ନେଇଥିଲେ | ମହାବିଦ୍ୟଳୟର ଅଧ୍ୟକ୍ଷ ସହ ଏସ ଆଇ ହରିଶ୍ଚନ୍ଦ୍ର ଗୋଲାରୀ ଏବଂ ଥାନା କର୍ମଚାରୀ ଯୋଗ ଦେଇଥିଲେ | ଯୁକ୍ତ ତିନି କଳା, +୨ କଳା ଛାତ୍ରଛାତ୍ରୀ ଏବଂ +୨ ବିଜ୍ଞାନ ଛାତ୍ରଛାତ୍ରୀ ତଥା ସ୍ଥାନୀୟ ବସ ମାଲିକ ମାନେ ମଧ୍ୟ ଉପସ୍ଥିତ ରହିଥିଲେ |

Comments are closed.