ଆବାସ ଯୋଜନାର ପ୍ରୋତ୍ସାହନ ରାଶି ୨୦୦୦୦ ଟଙ୍କା ପାଇଁ ବାରଦୁଆର ଗରିବ- ପ୍ରଶାସନ ନିଦରେ

ବୈପାରୀଗୁଡା(ଏନ. ସନ୍ତୋଷ): ସରକାରଙ୍କ ଆବାସ ଯୋଜନାକୁ ଉଚିତ ସମୟରେ ଏବଂ ସଠିକ ଭାବେ ନିର୍ମାଣ କରିବା ପାଇଁ ହିତାଧିକାରୀଙ୍କୁ ୨୦୦୦୦ଟଙ୍କା ପ୍ରୋତ୍ସାହନ ରାଶି ଦେବା ନିୟମ ଥିବା ବେଳେ ତାହା କେବଳ ମାନପତ୍ରରେ ସୀମିତ ରହିଥିବାରୁ ଦେଖିବାକୁ ମିଳୁଛି |

ସେହିପରି ଏକ ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ବୈପାରୀଗୁଡା ପଞ୍ଚାୟତର ୩ନମ୍ବର ୱାର୍ଡରେ | ଏକ ହୋଟେଲରେ କୁଲି କାମ କରୁଥିବା ଲଛମାନ ଗୌଡ଼ଙ୍କୁ ଗତ ୨୦୧୬-୧୭ ଆର୍ଥିକ ବର୍ଷ ଯୋଜନାରେ ଗୋଟିଏ ପ୍ରଧାନମନ୍ତ୍ରୀ ଆବାସ ସରକାରଙ୍କ ତରଫରୁ ପ୍ରଦାନ କରାଯାଇଥିଲା | ସରକାରଙ୍କ ନିୟମ ଅନୁଯାୟୀ ଚାରିମାସ ମଧ୍ୟରେ ତାଙ୍କ ଆବାସ ନିର୍ମାଣ କାର୍ଯ୍ୟ ସମ୍ପୂର୍ଣ କରିଥିଲେ | ଏଥିପାଇଁ ଗତ ୩୦-୬-୨୦୧୭ ତାରିଖରେ ବୈପାରୀଗୁଡା ଗୋଷ୍ଠୀ ଉନ୍ନୟନ ଅଧିକାରୀ ଦ୍ଵାରା ଲଛମାନ ଗୌଡ଼ଙ୍କୁ ସମ୍ମାନ ପ୍ରଶଂସା ପତ୍ର ପ୍ରଦାନ କରାଯାଇଥିଲା | କିନ୍ତୁ ଆଜି ପର୍ଯନ୍ତ ଲଛମାନ ଗୌଡ଼ ପ୍ରୋତ୍ସାହନ ରାଶି ୨୦୦୦୦ ଟଙ୍କା ମିଳି ପାରିନାହିଁ | ଲଛମାନ ଗୌଡ଼ କହିବା ଅନୁଶାରେ କ୍ରମାଗତ ଭାବେ ଗ୍ରାମ ରୋଜଗାର ସେବକ, ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ଓ ଗୋଷ୍ଠୀ ଉର୍ନୟନ ଅଧିକାରୀଙ୍କୁ ଏହି ବିଷୟରେ ଅଭିଯୋଗ କଲେ ମଧ୍ୟ କୋଣସି ଅଧିକାରୀ ଅଭିଯୋଗକୁ ଗୁରୁତ୍ୱ ନେଇନାହାନ୍ତି |

ଗରିବ ଲୋକଙ୍କୁ ସରକାର ଅନ୍ୟାୟ କରୁଛନ୍ତି ବୋଲି ଗଣମାଧ୍ୟମରେ ଅଭିଯୋଗ କରୁଛନ୍ତି ଲଛମାନ ଗୌଡ଼ | ଏହି ପ୍ରୋତ୍ସାହନ ରାଶି ପ୍ରଦାନ ପାଇଁ ସରକାର ପକ୍ଷରୁ ତୁରନ୍ତ ପଦକ୍ଷେପ ଆବଶ୍ୟକ ରହିଛି ଏବଂ ଗରିବଲୋକଙ୍କ ପ୍ରତି ସରକାରଙ୍କ ଦୃଷ୍ଟି ଦେବା ଦରକାର ବୋଲି ସାଧାରଣରେ ଆଲୋଚନା ହେଉଛି |

Comments are closed.