ମୁଖ୍ୟମନ୍ତ୍ରୀଙ୍କ ଜୟପୁର ଗସ୍ତ, ୧୧୩୬ କୋଟି ୪୧ଲକ୍ଷ ଟଙ୍କାର ପ୍ରକଳ୍ପ ଉଦଘାଟନ

ଜୟପୁର(ସୌମ୍ୟରଂଜନ ସାହୁ): ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଓଡ଼ିଶାର ଭୋଟରଙ୍କୁ ଆକୃଷ୍ଟ କରିବା ପାଇଁ ମୁଖ୍ୟମନ୍ତ୍ରୀଙ୍କ ବିଭିନ୍ନ ପ୍ରକଳ୍ପ ଲୋକାର୍ପଣ ଦୌଡ଼ରେ ଆଜି କୋରାପୁଟବାସୀଙ୍କୁ ୧୧୦ କୋଟିର ପ୍ରକଳ୍ପ ଭେଟି ଦେଇଛନ୍ତି ମୁଖ୍ୟମନ୍ତ୍ରୀ |

ଆଜି ସ୍ଥାନୀୟ ଏକମ୍ବା ପଡିଆରେ ବିଜୁ ଯୁବ ବାହିନୀର ଯୁବ ସମାବେଶ ରେ ମୁଖ୍ୟମନ୍ତ୍ରୀ ଯୋଗ ଦେଇ କୋରାପୁଟ ଓ ମାଲକାନଗିରି ଜିଲ୍ଲାର ବିଜୁ ଯୁବ ବାହିନୀର ସ୍ବେଚ୍ଛାସେବୀଙ୍କୁ ଉଦବୋଧନ ଦେଇଥିଲେ | ଯୁବପିଢିଙ୍କୁ ସମାଜସେବାର ପ୍ରକୃତ ଭାବାର୍ଥ ବୁଝେଇଥିଲେ | ଏହି କାର୍ଯ୍ୟକ୍ରମରେ ୧୧୩୬ କୋଟି ୪୧ ଲକ୍ଷ ଟଙ୍କାର ଜନହିତକର ପ୍ରକଳ୍ପର ଉଦଘାଟନ କରିଥିଲେ | ଏଥିରେ ୯୯୨ କୋଟି ୮୫ଲକ୍ଷ ବ୍ୟୟରେ ନିର୍ମାଣ ହୋଇଥିବା ତେଲିଙ୍ଗିର ମଧ୍ୟମ ଜଳସେଚନ ପ୍ରକଳ୍ପ ଦ୍ୱାରା ଜୟପୁର ଓ ବୋରିଗୁମ୍ମା ବ୍ଲକର ୫୨ଟି ଗ୍ରାମର ଚାଷୀଙ୍କ ପାଇଁ ସୁବିଧା ହେବ ବୋଲି ଜଣାପଡିଛି |

ବିଭିନ୍ନ ବ୍ଲକର ୪୧ ଟି ଅଙ୍ଗନବାଡି କେନ୍ଦ୍ର , ଲମତାପୁଟ,କୁନ୍ଦୁରା, ଦଶମନ୍ତପୁର, ବନ୍ଧୁଗାଁ, ନନ୍ଦପୁର, ବ୍ଲକରେ ଗ୍ରାମ୍ୟ ପାନୀୟ ଜଳଯୋଗାଣ ପ୍ରକଳ୍ପ, ଜୟପୁର ଓ କୋଟପାଡ ସହରାଞ୍ଚଳରେ ପାନୀୟ ଜଳଯୋଗାଣ ପ୍ରକଳ୍ପ, ପଟାଂଗୀରେ ୧୩୨/୩୩ ଗ୍ରୀଡ଼ ସବ ଷ୍ଟେସନ, ସେମିଲିଗୁଡା ଦେଇଗୁଡ଼ାରେ ଉଚ୍ଚତମ ସେତୁ, ପଟାଂଗୀ ବ୍ଲକର ବଡ଼ପୁଟ ରାସ୍ତା ପରି ବିଭିନ୍ନ ପ୍ରକଳ୍ପର ଲୋକାର୍ପଣ କରାଯାଇଥିଲା | ଏହି କାର୍ଯ୍ୟକ୍ରମକୁ କୋରାପୁଟ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ, ଡ଼ିଆଇଜି ଆଶିଷ ସିଂ, ଏସପି ଡ଼. କନୱାର ବିଶାଳ ସିଂ ତଦାରଖ କରିଥିଲେ |

Comments are closed.