ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, (୨/୩) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣ ପୁର ପଞ୍ଚାୟତ ର କତଘଣ୍ଟା ଠାରୁ କରପା ପଞ୍ଚାୟତ ର ହିରସୁଲି କରାଯାଇଥିବା ପ୍ରଧାନମନ୍ତ୍ରୀ ରାସ୍ତା (ମୁତୁକୁଣୀ ରାସ୍ତା) ମରଣଯନ୍ତା ପାଲଟିଛି । ଗାଁକୁ ସମ୍ମାନ ମାଆ କୁ ସମ୍ମାନ ସରକାର ପ୍ରତ୍ୟେକ ପଞ୍ଚାୟତର ଗାଁକୁ ଗାଁ ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ରାସ୍ତା ସଂଯୋଗ କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରି ରାସ୍ତା ନିର୍ମାଣ କରାଯାଉଛି ।
ଉକ୍ତ ବ୍ଲକ ର ନାରାୟଣ ପୁର ପଞ୍ଚାୟତର କତଘଣ୍ଟା ଠାରୁ ତଳରମ୍ଭା ଦେଇ କରପା ପଞ୍ଚାୟତ ର ମୁତୁକୁଣୀ ଦେଇ ହିରସୁଲି ପର୍ଯ୍ୟନ୍ତ ଗ୍ରାମ୍ୟ ଉନ୍ନୟନ ବିଭାଗ ଭାରତ ସରକାରଙ୍କ ଦ୍ୱାରା ପ୍ରକଳ୍ପ କୁ ରାୟଗଡା ଗ୍ରାମ୍ୟ ନିର୍ମାଣ ବିଭାଜନ ବିଭାଗ ପରିଚାଳନା ରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ରେ ରାସ୍ତା ନିର୍ମାଣ କରାଯାଇଥିଲା ।
ଏହି ରାସ୍ତା ଟି ୨୦୧୮ ମସିହା ଆରମ୍ଭକରି ଥିଲେ । ପ୍ରାୟ ୬ କିଲୋମିଟର ପର୍ଯ୍ୟନ୍ତ ପ୍ରଧାନମନ୍ତ୍ରୀ ଗ୍ରାମସଡକ ଯୋଜନା ନିର୍ମାଣ କରାଯାଇଥିଲା । ତାହା ରାସ୍ତାର ଅବସ୍ଥା ଶୋଚନୀୟ ହୋଇଯାଇଛି । ସ୍ଥାନେ ସ୍ଥାନେ ଖାଲଖମା ହେବା ସହ ରାସ୍ତାରୁ ପିଚୁ ବାହାରି ବଜୁରୀ,ପଥର ବାହାରିପଡିଛି । ଉକ୍ତ ରାସ୍ତାରେ ଛୋଟ ବଡ ଯାନବାହାନ ଚଳାଚଳ ରେ ଅସୁବିଧା ସମ୍ମୁଖୀନ ହେଉଛନ୍ତି ଅଞ୍ଚଳ ବାସି । ଏହିପରି ରାସ୍ତା ରହିଥିବାରୁ ଦୁର୍ଘଟଣା ମଧ୍ୟ ହେଉଥିବା ନଜରକୁ ଆସୁଛି ।
ଏହି ରାସ୍ତାରେ ଭାରି ଯାନ ନ ଯାଉଣୁ ଯଦି ରାସ୍ତା ର ପିଛୁ ଖସି ଯାଇ ଖାଲଖମା ସୃଷ୍ଟି ହେଉଛି । ଯଦି ଭାରିଯାନ ଯାଇଥିଲେ ରାସ୍ତାର ଅବସ୍ଥା ବର୍ଷେ ନପୁରୁଣୁ ନଷ୍ଟ ହୋଇଯାଇଥାନ୍ତା ବୋଲି ଅଞ୍ଚଳବାସୀ ମିଣିଆକା ସାନିୟା, ପ୍ରେପାକା ଭିମା, ହୁଇକା ଲାସୁ, ତିଆକା ଲାଚାଣା ଓ କାଡ୍ରାକା ସମ୍ବୁରୁ କହିଛନ୍ତି । କତଘଣ୍ଟା ଠାରୁ ମୁତୁକୁଣୀ ଦେଇ ହିରସୁଲି ପର୍ଯ୍ୟନ୍ତ ୭ କିମି କରାଯାଇଥିବା ଜଣା ପଡ଼ିଛି । ଏ ବିଷୟରେ ଗ୍ରାମ୍ୟ ଉନ୍ନୟନ ବିଭାଗ କନିଷ୍ଠ ଯନ୍ତ୍ରୀ ଧବଳେଶ୍ବର ପାତ୍ର ଙ୍କୁ ପଚାରିବାରୁ ସେ କହିଲେ ରାସ୍ତାର ରକ୍ଷଣାବେକ୍ଷଣ କରିବାର ରହିଛି । ତାହା ୫ ବର୍ଷ ହେଇସାରିଛି ୫ମାସ ଭିତରେ ମରାମତି କରାଯିବ କରାଯିବ ବୋଲି କହିଛନ୍ତି ।