ରିପୋର୍ଟ : ଗୋପୀନାଥ ଗୌଡ଼ //
ରାୟଗଡ, ତା.(୨୮/୦୨) : ରାଜ୍ୟ ନିର୍ବାଚନ ଆୟୋଗଙ୍କ ଗେଜେଟରେ ତାଙ୍କ ବିଜ୍ଞପ୍ତି ସଂଖ୍ୟା ୩୫୭୫ ତା ୨୫/୦୨/୨୦୨୨ ତାରିଖରେ ବିଜ୍ଞପ୍ତିରେ ରାୟଗଡ ପୌର ପରିଷଦ ନିର୍ବାଚନ ପାଇଁ ନିର୍ବାଚନ କାର୍ଯ୍ୟକ୍ରମ ଘୋଷଣା କରିବା ପରେ ଆଜି ପୌରପାଳିକା ନିର୍ବାଚନ ଅଧିକାରୀ ତଥା ଉପଜିଲ୍ଲାପାଳ ଶ୍ରୀ ପ୍ରତାପ ଚନ୍ଦ୍ର ପ୍ରଧାନ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶନ କରିଛନ୍ତି l
ଉପ-ଜିଲ୍ଲାପାଳ ତଥା ନିର୍ବାଚନ ଅଧିକାରୀ, ଶ୍ରୀ ପ୍ରଧାନ ସ୍ଥାନୀୟ ପୌର କାର୍ଯ୍ୟାଳୟ ଠାରେ ଆଜି ବିଜ୍ଞପ୍ତି ପ୍ରକାଶିନ କରିଛନ୍ତି । ରାୟଗଡ ପୌର ପରିଷଦ ନିମନ୍ତେ ଅଧ୍ୟକ୍ଷ ପଦ ସହିତ ୨୪ ଗୋଟି ୱାର୍ଡ ଗୁଡିକର ସଭ୍ୟପଦ ନିମନ୍ତେ ଆସନ୍ତା ତା ୨୪.୦୩.୨୦୨୨ ରିଖରେ ନିର୍ବାଚନ ଅନୁଷ୍ଠିତ ହେବ l ଆସନ୍ତା ମାର୍ଚ୍ଚ ୨ ତାରିଖରୁ ମାର୍ଚ୍ଚ ୭ ତାରିଖ (ସରକାରୀ ଛୁଟି ସହିତ) ପର୍ଯ୍ୟନ୍ତ ଉପଜିଲ୍ଲାପାଳ ରାୟଗଡ ତଥା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ରେ ସକାଳ ୧୧.୦୦ ଘଟିକାରୁ ଅପରାହ୍ଣ ୩.୦୦ ଘଟିକା ମଧ୍ୟରେ ନୋମିନେସନ ଫୋରମ ନେଇ ଦାଖଲ କରିପାରିବେ l ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀ ଆସନ୍ତା ୯/୦୩/୨୦୨୨ ରିଖରେ ଦିବା ୧୧.୦୦ ଘଟିକରୁ ଶେଷ ପର୍ଯ୍ୟନ୍ତ ମନୋନୟନ ପତ୍ରଗୁଡ଼ିକ ଜାଞ୍ଚ କରିବେ l
ପ୍ରାର୍ଥୀ ଇଚାକଲେ ଆସନ୍ତା ମାର୍ଚ୍ଚ ୧୪ ତାରିଖରେ ଅପରାହ୍ନ ୩.୦୦ ଘଟିକା ପୂର୍ବରୁ ପ୍ରତ୍ୟାହାର କରି ପାରିବେ l ଆବଶ୍ୟକ ସ୍ଥଳେ ଆସନ୍ତା ୨୪/୦୩/୨୨ ରିଖରେ ସକାଳ ୮.୦୦ ଘଟିକlରୁ ଅପରାହ୍ନ ୫.୦୦ ଘଟିକା ମଧ୍ୟରେ ତପସିଲଭୁକ୍ତ ଭୋଟ ଗ୍ରହଣ କେନ୍ଦ୍ରରେ ଭୋଟ ଗ୍ରହଣ ଅନୁଷ୍ଠିତ ହେବ ଓ ଆସନ୍ତା ୨୬/୦୩/୨୨ ରିଖଦିନ ପୂର୍ବାହ୍ନ ୮.୦୦ ଘଟିକାରୁ ଭୋଟ ଗଣତି ଅନୁଷ୍ଠିତ ହେବ l
ରାୟଗଡ ପୌର ପରିଷଦର ମୋଟ ୫୬,୫୯୭ ଜଣଙ୍କର ଭୋଟର ମତଦାନ କରିବେ l ଆଗାମୀ ପୌର ନିର୍ବାଚନରେ ୨୪ ଟି ୱାର୍ଡରୁ ୬୯ ଟି ମତଦାନ କେନ୍ଦ୍ରରେ ମତଦାନ କରିବେ । ରାୟଗଡ ପୌର ପାଳିକାରେ ୫୬,୫୯୭ ଜଣ ଭୋଟର ମଧ୍ୟରୁ ପୁରୁଷ ଭୋଟର ସଂଖ୍ୟା ୨୭,୪୭୨ ଜଣ ଥିବା ବେଳେ ମହିଳା ଭୋଟର ସଂଖ୍ୟା ୨୯,୦୭୨ ଜଣ ଏବଂ ଟ୍ରାନ୍ସଜେଣ୍ଡର ୫୩ ଜଣ ଅଛନ୍ତି ।