Related Contents

ଜାତୀୟ କନ୍ୟା ରତ୍ନ ସନ୍ତାନ ଦିବସ ରାୟଗଡା ସହରାଂଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ପାଳିତ

ରାୟଗଡ଼ ଜ଼ିଲ୍ଲା ପ୍ରତିନିଧି (ଅମୁଲ୍ୟ ନିଶଙ୍କ): ଜାତୀୟ କନ୍ୟା ରତ୍ନ ସନ୍ତାନ ଦିବସ ଅବଶରରେ ଏକ ନୂତନ ଅଭିନବ ଉପାୟ ଆରମ୍ଭ କରିଛନ୍ତି ଜ଼ିଲ୍ଲାପାଳ ଶ୍ରୀମତୀ ଗୁହା ପୂନମ ତାପସ କୁମାର |

ଶିଶୁ ଓ ମାତୃ ମୃତ୍ୟୁ ହାର ରୋକିବା ନିମନ୍ତେ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିଥିବା ବେଳେ ଜ଼ିଲ୍ଲାପାଳ ଏହି ଅଭିଯାନକୁ ଆଗେଇ ନେବା ନିମନ୍ତେ ପ୍ରାତମାସରେ ଜ଼ିଲ୍ଲାର ସମସ୍ତ ଗର୍ଭବତୀ ମହିଳା ମାନଙ୍କୁ ସେମାନଙ୍କର ସୁରକ୍ଷା ନିମନ୍ତେ ଚିଠି ଲେଖିବେ | ବର୍ତମାନ ସୁଦ୍ଧା ଜ଼ିଲ୍ଲାରେ ୨୩ ହଜାର ୫୦୦ଗର୍ଭବତୀ ମହିଳା ଅଛନ୍ତି | ଏହି ମାନଙ୍କ ସ୍ୱାସ୍ଥ୍ୟ ସୁରକ୍ଷା ନିମନ୍ତେ ଅଙ୍ଗନବାଡି କର୍ମୀ ଆଶା ଦିଦି ଏ ଏନ ଏମ ଜ଼ିଲ୍ଲାପାଳଂକ ବାର୍ତା ନେଇ ଗର୍ଭବତୀ ମହିଳା ମାନଂକଠାରେ ପହଁଚିବେ | ପ୍ରତିମାସର ଶେଷ ଗୁରୁବାର ଦିନ ଗର୍ଭବତୀ ମହିଳାଙ୍କ ସୁରକ୍ଷା ସମ୍ପର୍କିତ ବୈଠକ ଜ଼ିଲ୍ଲାର ୨ହଜାର ୪ଶହ ଗାଁ କଲ୍ୟାଣ ସମିତିରେ ବସିବ | ପୂର୍ବ ବର୍ଷ ଅପେକ୍ଷା ବର୍ତମାନ ମାତୃ ମୃତ୍ୟୁ ହାର ରୋକିବାରେ ରାୟଗଡା ଜ଼ିଲ୍ଲା ସ୍ୱାସ୍ଥ୍ୟ ବିଭାଗ ଉଲେଖନୀୟ କୃତିତ୍ୱ ହାସଲ କରିଛି | ସର୍ବ ଭାରତୀୟ ସ୍ତରରେ ମାତୃ ଓ ଶିଶୁ ମୃତ୍ୟ ହାର ରୋକବାରେ ଆଶାତୀତ ସଫଳ ପାଇଥିବାରୁ ଜ଼ିଲ୍ଲାପାଳ ଓ ସ୍ୱାସ୍ଥ୍ୟ ବିଭାଗକୁ ପ୍ରସଂଶା କରାଯାଇଥିଲା | ଏହି ଉତ୍ସବର ମୁଖ୍ୟ ଅତିଥି ସ୍ୱତନ୍ତ୍ର ଉନୟନ ପରିଷଦ ଅଧ୍ୟକ୍ଷ ଶ୍ରୀ ଜଗନ୍ନାଥ ନୁଁତୃକା ନିଜ ବକ୍ତବ୍ୟ ରେ କହିଥିଲେ ଉଭୟ ଝିଅ ଓ ପୁଅ ସମାନ କାହାରିକୁ ପାତରଅନ୍ତର ନ କରିବା ନିମନ୍ତେ ପରାମର୍ଶ ଦେଇଥିଲେ | ସେହିପରି ଜ଼ିଲ୍ଲାପାଳ ପ୍ରତି ମାସରେ ନିଜ ଆଡୁ ଗର୍ଭବତୀ ମହିଳାଙ୍କ ପାଖକୁ ଚିଠି ଲେଖିବା ପଦକ୍ଷେପକୁ ବହୁ ପ୍ରସଂଶା କରିଥିଲେ | ଜଣେ ନାରୀ ହିଁ ନାରୀର ମହତ୍ୱ ବୁଝିପାରିବ ବୋଲି କହିଥିଲେ | ନାରୀମାନଙ୍କ ଉନ୍ନତି ନିମନ୍ତେ ଜ଼ିଲ୍ଲାପାଳ ନେଇଥିବା ପଦକ୍ଷେପକୁ ସମଗ୍ର ରାୟଗଡାର ନାରୀମାନେ କେବେଭି ଭୁଲିପାରବେ ନାହିଁ ବୋଲି ନୁଁତୃକା କହିଥିଲେ |

ବର୍ତ୍ତମାନ ଯୁଗରେ ଶିଶୁ ଓ ମାତୃ ମୃତ୍ୟୁ ହାର କମୁଥିବା ବେଳେ ଉଭୟ କ୍ଷେତ୍ରରେ ଆହୁରି ସଫଳ ନିମନ୍ତେ ସୁରକ୍ଷିତ ମାତୃତ୍ଵ ପାଇଁ ସ୍ୱାସ୍ଥ୍ୟ କେନ୍ଦ୍ରରେ ପ୍ରସବ କରି ସୁରକ୍ଷିତ ରହିବା ନିମନ୍ତେ ପରାମର୍ଶ ଦେଇଥିଲେ | ଜ଼ିଲ୍ଲାପାଳ ଚିଠିର ପ୍ରଥମ ଧାଡିରେ ଗର୍ଭବତୀଙ୍କୁ ଶୁଭେଚ୍ଛା ଜଣାଇବା ସହିତ ଶିଶୁର ଯତ୍ନ ନେବା ନିମନ୍ତେ ଅନୁରୋଧ କରିଛନ୍ତି | ସ୍ଥାନୀୟ ସୁଶୀଳା ଦେବୀ ନର୍ସିଙ୍ଗ ଅନୁଷ୍ଠାନର ଛାତ୍ର ଛତ୍ରୀ ମାନେ ଏକ କନ୍ୟା ରତ୍ନ ସମ୍ପର୍କରେ ଏକ ନାଟକ ପରିବେଷଣ କରିଥିଲେ | ସୁନ୍ଦର ଶିଶୁ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଶିଶୁ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା | ପୂର୍ବରୁ ଜ଼ିଲ୍ଲାପାଳ ଆମ ସଂକଳ୍ପ ଓ ମିଶନ ସୂର୍ଯ୍ୟମୁଖୀ ନାଁ ରେ ସଚେତନ ପଦକ୍ଷେପ ଗ୍ରହଣ କରିଥିଲେ | ଯଦ୍ୱାରା ଶିଶୁ ମାତୃ ମୃତ୍ୟୁ ହାର ରୋକିବା ସହ ପୁଷ୍ଟିହୀନତା ରୋକିବାରେ ସ୍ୱାସ୍ଥ୍ୟ ବିଭାଗକୁ ବଡ ସଫଳତା ମିଳିଥିଲା |

ଜ଼ିଲ୍ଲାପାଳଙ୍କ ଏହି ପଦକ୍ଷେପକୁ ସି ଡ଼ି ଏମ ଓ ଶିବପ୍ରସାଦ ପାଢ଼ୀ, ଏ ଡ଼ି ଏମ ଓ ସଂଯୁକ୍ତା ସାହୁ, ଡାକ୍ତର ବି ଏଲ ଏନ ପୃଷ୍ଟି ଓ ଜ଼ିଲ୍ଲା ଜାତୀୟ ସ୍ୱାସ୍ଥ୍ୟ ମିଶନ ଜ଼ିଲ୍ଲା କାର୍ଯ୍ୟକର୍ମ ଅଧିକାରୀ ରାଜେଶ୍ୱର ପଟ୍ଟନାୟକ ସ୍ୱତନ୍ତ୍ର ଉନୟନ ପରିଷଦ ଅଧ୍ୟକ୍ଷ ଜଗନ୍ନାଥ ନୁଁତୃକା ମଂଚାସୀନ ରହି ପ୍ରସଂଶା କରିଥିଲେ | ପରିଶେଷରେ ଜ଼ିଲ୍ଲାପାଳଙ୍କ ସହିତ ଏକ କେଣ୍ଡାଲ ରାଲି ସହରାଂଚଳ ସ୍ୱାସ୍ଥ୍ୟ କେନ୍ଦ୍ରରୁ ବାହାରି ଜ଼ିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା |

Comments are closed.