Related Contents

ବରୀ – ଘରେ ନିଆଁ ଲାଗି ଝିଅ ବାହାଘର ଆସବାବପତ୍ର ସହ ସୁନା ଟଙ୍କା ପୋଡି ପାଉଁଶ

ବରୀ(ସତ୍ୟଜିତ ବାରିକ): ବରୀ ବ୍ଲକ ଅନ୍ୟାସୀପୁର ପଂଚାୟତ ଅନ୍ୟାସୀପୁର ଗ୍ରାମର ସୁରେନ୍ଦ୍ର ସେଠୀଙ୍କ ଘର ସମ୍ପୂର୍ଣ୍ଣ ପୋଡି ଯାଇଥିବା ଅଭିଯୋଗ ହୋଇଛି |

ସୂଚନା ଥାଉ କି ଗତ ରାତି ପ୍ରାୟ ୧୨.୪୫ ସମୟରେ ସୁରେନ୍ଦ୍ର ଙ୍କ ଘରେ ନିଆଁ ଲାଗି ଯାଇଥିଲା | ସେହି ଘରେ ସୁରେନ୍ଦ୍ର ଙ୍କ ବଡ ଝିଅ ଓ ଛୋଟ ପିଲା ଦୁଇ ଜଣ ଶୋଇଥିଲେ | ହଠାତ ତାଙ୍କ ବଡ ଝିଅ ପାଟି କରିବାରୁ ବାପା ଭାଇ ଭାଉଜ ଓ ଅନ୍ୟମାନେ ଉଠି ଡାକ ପକାଇଥିଲେ | ହେଲେ ଗାଁ ଠାରୁ କିଛି ଦୂରରେ ସୁରେନ୍ଦ୍ରଙ୍କ ଘର ଥିବାରୁ ଓ ଘନ କୁହୁଡିରେ କିଛି ଦେଖାଯାଉ ନ ଥିବାରୁ ଲୋକମାନେ ଆସି ପହଂଚି ଫାୟାର ବାଲାଙ୍କୁ ଫୋନ କରିବାରେ ବିଳମ୍ବ ହୋଇଥିଲା | ଅଗ୍ନିଶମ କର୍ମଚାରୀ ଆସି ପହଁଚିଲା ବେଳକୁ ଘର ପ୍ରାୟ ୯୦% ଭାଗ ଜଳି ଯାଇଥିଲା | ସୁରେନ୍ଦ୍ର ଦିନ ମଜୁରିଆ ଓ ୮ଜଣ ସଦସ୍ୟ ବିଶିଷ୍ଟ ପରିବାର | ତାଙ୍କ ଉପରେ ସମସ୍ତେ ନିର୍ଭର କରି ଚାଲନ୍ତି |

ସେ ନିଜ ଝିଅ ବାହାଘର ପାଇଁ ନାଗଡ଼ ୩୦,୦୦୦ ଟଙ୍କା, ସୁନା ଗହଣା, ଧାନ ୧୫ ବସ୍ତା, ବିରି, ମୁଗ, ଓ ଘରର ଆସବାବ ପତ୍ର ମିଶି ପ୍ରୟ ୪ଲକ୍ଷ ଟଙ୍କା ରୁ ଅଧିକ ହେବ ବୋଲି କହିଥିଲେ | ମୋର ସାହା ଭରସା ଆଉ ନାହିଁ ବୋଲି କାନ୍ଦି କାନ୍ଦି ସେ ପ୍ରଶାସନ କୁ ଗୁହାରି କରିଛନ୍ତି | ସ୍ଥାନୀୟ ସରପଞ୍ଚ ରାତିରେ ଆସି ସେମାନଙ୍କୁ ସ୍ବାନ୍ତନା ଦେଇ ଚାଲିଯାଇଥିଲେ | ଗ୍ରାମର ଲୋକମାନେ ଦାବି କରିଛନ୍ତି କି ସୁରେନ୍ଦ୍ରଙ୍କୁ ସରକାରଙ୍କ ତରଫରୁ ସାହାଯ୍ୟ ମିଳିବ ନିହାତି ଦରକାର, ସରକାର ଏ ଗରିବ ପ୍ରତି ଦୟା କରି ସମସ୍ତ ସୁବିଧା ଯୋଗାଇ ଦେବାକୁ ଦାବି କରାଯାଇଛି |

Comments are closed.