ରିପୋର୍ଟ : ଗୋପୀନାଥ ଗୌଡ଼ //
ରାୟଗଡା, (୧୧/୦୨) : ତା ୧୧/୦୨/୨୦୨୨ ରିଖ ଶୁକ୍ରବାର ଦିନ ସ୍ଥାନୀୟ ଗୋବିନ୍ଦ ଚନ୍ଦ୍ର ଦେବ (ଜିଲ୍ଲା) ଉଚ୍ଚ ବିଦ୍ୟାଳୟ ଠାରେ ବିଦ୍ୟାଳୟ ର ୧୯୭୮ ମସିହାର ମାଟ୍ରିକ ବ୍ୟଚ ର ସବୁଠାରୁ ଅଧିକ ନମ୍ବର ପାଇଥିବା ସଫଳତମ ଛାତ୍ର ଶ୍ରୀଯୁକ୍ତ ଶିଶିର କୁମାର ରଥ (IFS) ବର୍ତମାନ ଓଡିଶା ର ପ୍ରଧାନ ମୁଖ୍ୟ ବନ ସଂରକ୍ଷଣ (PCCF)ଙ୍କ ସଂମାନାତର୍ଥ ଏକ ସଭାର ଆୟୋଜନ କରାଯାଇଥିଲା ।
ଏହି ସଭାରେ ଜିଲ୍ଲାର ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଶ୍ରୀଯୁକ୍ତ ଭଜନଲାଲ ମାଝୀ (OES-I) ସଭାପତି ଆସନ ଅଳଙ୍କୃତ କରିଥିଲେ । ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶଶୀଭୂଷଣ ପଟ୍ଟନାୟକଙ୍କ ସ୍ୱାଗତ ସମ୍ଭାଷଣ ଦ୍ୱାରା ସଭାକାର୍ଯ୍ୟ ଆରମ୍ଭ ହେଇଥିଲା । ଏହି ସଭାରେ ମୁଖ୍ୟ ଅତିଥି ଶ୍ରୀ ରଥ ସେ ସମୟ ର ଶିକ୍ଷକ ଶ୍ରୀ ଏ. ଆପ୍ପା ରାଓ ପଟ୍ଟନାୟକ, ଶ୍ରୀ ଉଦୟ ଚନ୍ଦ୍ର ପଣ୍ଡା, ଶ୍ରୀ ରମେଶ କୁମାର ସାହୁ ଓ ଶ୍ରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀଙ୍କୁ ପୁଷ୍ପଗୁଛ ଓ ଉପଢଙ୍କନ ଦେଇ ସନମାନୀତ କରି ଥିଲେ ଓ ବର୍ତମାନ ର କୃତି ଛାତ୍ର ଛାତ୍ରୀଙ୍କୁ ମାନଙ୍କୁ ପୁରସ୍କାର ବିତରଣ କରିଥିଲେ । ଓଡିଶା ର ପ୍ରଧାନ ମୁଖ୍ୟ ବନ ସଂରକ୍ଷଣ ଶ୍ରୀଯୁକ୍ତ ଶିଶିର କୁମାର ରଥ ସେ ଦିନ ର ବିଦ୍ୟାଳୟ ର ଶିକ୍ଷାଦାନ ତଥା ନିଜ ଛାତ୍ର ଜୀବନର ସ୍ମୃତିଚାରଣ କରିଥିଲେ ।
ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ନିଜ ଚରିତ୍ର ଗଠନ ପାଇଁ ଆହ୍ୱାନ ଦେଇ ଥିଲେ । ସାମାନ୍ୟ ଘାତପ୍ରତି ଘାତ ରେ ଭାଙ୍ଗି ନପଡ଼ି , କଠିନ ପରିଶ୍ରମ ଦ୍ୱାରା ନିଜ ଭବିଷ୍ୟତ ଗଢିବା ପାଇଁ ପ୍ରୋତ୍ସାହିତ କରିଥିଲେ । ସଭାପତି ଶ୍ରୀ ଭଜନଲାଲ ମାଝୀ ଉତ୍ସହ ଓ ଉଦିପନା ର ସମୟ ଛାତ୍ର ଜୀବନ, ଏଣୁ ଏହି ଶକ୍ତି ନେଇ ଜୀବନର ଲକ୍ଷ୍ୟ କରି ଛାତ୍ର ଜୀବନ ତଥା ଭବିଷ୍ୟତ ଜୀବନ ଗଢିବା ପାଇଁ ଉଦବୋଧନ ଦେଇଥିଲେ । ଛାତ୍ରଛାତ୍ରୀ ମାନଙ୍କ ପାଇଁ ଓଡିଶା ସରକାରଙ୍କ ବିଭିନ୍ନ ଯୋଜନା ପିଲାମାନଙ୍କ ଠାରେ ସଚେତନତା ସୃଷ୍ଟି କରିଥିଲେ, ମୁଖ୍ୟ ଅତିଥିଙ୍କୁ ଉପଢଙ୍କନ ଦେଇ ସଂମ୍ମାନିତ କରିବା ପରେ ଧନ୍ୟବାଦ ପ୍ରସ୍ଥାବ ଦ୍ୱାରା ସଭା ସାଙ୍ଗ କରାଯାଇଥିଲା ।
ଏହି ସଭାରେ ଜଙ୍ଗଲ ବିଭାଗ RCCF, DFO, ACF, ରେଞ୍ଜର, ଫୋରେଷ୍ଟର, ଫୋରେଷ୍ଟଗାଡ଼ ମଧ୍ୟ ଉପସ୍ଥିତ ରହିଥିଲେ । ଏହି ସଭା ର ସଫଳତା ପାଇଁ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ଶ୍ରୀ ଅଶୋକ କୁମାର ଦାସ, ଶ୍ରୀ ଏମ. ମୁରଲୀ, ଶ୍ରୀମତୀ କାଞ୍ଚନା କୁମାରୀ ସାହୁ, କୁମାରୀ ଜ୍ୟୋସ୍ନାରାଣୀ ବେହେରା, ଶ୍ରୀ ସୁନୀଲ କୁମାର ମହାନ୍ତ ଓ ଅନ୍ୟ ସମସ୍ତ ଶିକ୍ଷୟତ୍ରୀ ସହଯୋଗ କରି ସଭା ପରିଚାଳନା କରିଥିଲେ ।