ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, (୭/୨) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ କନ୍ଧ କାତିପାଡୁ ପଞ୍ଚାୟତ ର ନୂତନ କାର୍ଯ୍ୟାଳୟ ପଞ୍ଚାୟତ ଗୃହ ନିର୍ମାଣ କୁ ବନ୍ଦ କରିବା ପାଇଁ ହାଇକୋର୍ଟ ରୁ ଷ୍ଟେ ଅଡରକୁ ଆଣି ବିଡ଼ିଓ, ତହସିଲଦାର ଙ୍କୁ ପ୍ରଦାନ କରିଥିବା ଦେଖିବାକୁ ମିଳିଛି ।
ନୂତନ ପଞ୍ଚାୟତରେ ନୂତନ ପଞ୍ଚାୟତ କାର୍ଯ୍ୟାଳୟ ଗୃହ ନିର୍ମାଣ କୁ ନେଇ ଦୁଇ ଗୋଷ୍ଟି ମଧ୍ୟରେ ଗଣ୍ଡଗୋଳ ହୋଇଥିଲା । ଏହାକୁ ବନ୍ଦ କରିବାକୁ ନେଇ ବିଡ଼ିଓ , ତହସିଲଦାର ଓ ଜିଲାପାଳ ଙ୍କୁ ଲିଖିତ ଅଭିଯୋଗ ପ୍ରଦାନ କରିଥିଲେ । ଏଥିରେ ଜିଲାପାଳ ଉକ୍ତ ଗ୍ରାମବାସୀଙ୍କୁ କହିଥିଲେ ଯେ ହାଇକୋର୍ଟ ଠାରୁ ଷ୍ଟେ ଅଡର ଆଣି ପ୍ରଦାନ କଲେ । ପଞ୍ଚାୟତ କାର୍ଯ୍ୟାଳୟ ଗୃହ ନିର୍ମାଣ ବନ୍ଦ କରାଯିବ ବୋଲି କହିଥିବାରୁ ଆଜି କନ୍ଧକାତିପାଡୁ ଗାଁର ରାମସିଙ୍ଗ ହିମିରିକା, ସମନାଥ ହିମିରିକା, ମନେଶ୍ୱ ରାଓ ହିମିରିକା, ଶଙ୍କର ରାଓ ହିମିରିକା, ହାଇକୋର୍ଟ ର ଷ୍ଟେ ଅଡର ଆଣି ବିଡ଼ିଓ ସୁଧାକର ରଇତ,ତହସିଲଦାର ଦେବାଶିଷ କର ଙ୍କୁ ପ୍ରଦାନ କରିଥିଲେ ।
ଏହି ସମ୍ପର୍କରେ ବିଡ଼ିଓ ସୁଧାକର ରଇତଙ୍କୁ ପଚାରିବାରୁ ସେ କହିଲେ ରାଜସ୍ୱ ଅଧିକାରୀ ମାନଚିତ୍ର ଧରି ଆମକୁ ଯେଉଁ ସ୍ଥାନ ଦେଖାଇଥିଲେ ସେଠାରେ କାମ ଆରମ୍ଭ କରାଯାଇଥିଲା । ତାହାକୁ ନେଇ ଗାଁରେ ଗଣ୍ଡଗୋଳ ହୋଇଥିଲେ । ବର୍ତ୍ତମାନ ଗ୍ରାମବାସୀ ହାଇକୋର୍ଟ ରୁ ଷ୍ଟେ ଅଡର ଆଣି ଦେଇଛନ୍ତି । ଅଡର ଅନୁସାରେ କାର୍ଯ୍ୟ ବନ୍ଦ କରାଯିବ ଓ ହାଇକୋର୍ଟ ଓକିଲ ସହିତ କଥା ହେବୁ ବୋଲି କହିଛନ୍ତି । ଏ ବିଷୟରେ ତହସିଲଦାର ଦେବାଶିଷ କର ଙ୍କୁ ପଚାରିବାରୁ ସେ କହିଲେ ବର୍ତ୍ତମାନ ପଞ୍ଚାୟତ ଗୃହ ନିର୍ମାଣ କାର୍ଯ୍ୟ ବନ୍ଦ କରାଯାଇଛି । ୨୩ ତାରିଖ ପରେ ଏହାର ସଠିକ ଜଣାପଡିବ ବୋଲି କହିଛନ୍ତି ।