ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, ତା(୫/୨) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ରେ ସରସ୍ବତି ପୂଜା ପରିବର୍ତ୍ତେ ଗାଁ ଗାଁ ରେ ଆଦିବାସୀ ଙ୍କ ପରମ୍ପରା ଅନୁଯାୟୀ ମାଁ ଠାକୁରାଣୀଙ୍କ ବାଲାଣି ପର୍ବ ପାଳନ କରାଯାଉଛି । ସେହିପରି ପଡେଇକାନି ରେ ମାଁ ଠାକୁରାଣୀଙ୍କ ବାଲାଣି ପର୍ଵ ପାଳିତ ହୋଇ ଯାଇଛି ।
ଏହି ଠାକୁରାଣୀ ପର୍ବ ରେ ଆଦିବାସୀ ପାରମ୍ପରିକ ରୀତିନୀତି ଅନୁସାରେ ଜ୍ଵର, ବେମାର ହେଲେ ବେଜୁ, ବେଜୁଣି ଙ୍କ ଦ୍ଵାରା ମାନସିକ କରିଥାନ୍ତି । ମାନସିକ ପୂର୍ଣ୍ଣ ହେଲେ ବଲାଣି ଦିନରେ ମାନସିକ କରିଥିବା ପୂଜା ଗୁଡିକ ବେଜୁ ବେଜୁଣି ମଧ୍ୟରେ ମାନସିକ କରିଥିବା ବଳୀ କୁକୁଡ଼ା, ପାରା, ଛେଲି, ମେଣ୍ଢା ଓ ନଡ଼ିଆ ଇତ୍ୟାଦି କୁ ବାଲାଣି ଜାଗାରେ ପୂଜା କରାଯାଏ । ଏହିପରି ଆଦିବାସୀ ମାନେ ମାର୍ଗଶିର ମାସ ଠାରୁ ମାଘ ମାସ ମଧ୍ୟରେ କରିଥାନ୍ତି । ଏହି ବଲାଣି ପର୍ବ ପୂର୍ବ ଠାରୁ ପାଳିତ ହୋଇ ଆସୁଛି । ପଡେଇକାନି ରେ ମଧ୍ୟ ପାଳିତ ହୋଇଛି ।
ଏହି ବାଲାଣି ପର୍ବ ରେ ବାଜା, ମୋଇରୀ ବଜେଇ ପୂର୍ଵ ରାତ୍ରରେ ବେଜୁ, ବେଜୁଣି ମାନେ ନାଛନ୍ତି । ସେହି ସମୟରେ ବେଜୁ ବେଜୁଣି ଦେହରେ ଦେବୀ ପ୍ରଶ୍ନ ହୁଅନ୍ତି । ସେହି ବିଶ୍ଵାସ ରେ ଦୁଃଖୀ ଗାରିବି ମାନେ ମାନସିକ କାରିଥାନ୍ତି । ବାଲାଣି ସମୟରେ ଗାଁ କୁଟୁମ୍ବ ଘରକୁ ଘର ଟଙ୍କା ଆଦାୟ କରି ଗୋରୁ, ଛେଲି, ମେଣ୍ଢା, କୁକୁଡ଼ା, ପାରା, ନଡ଼ିଆ ଇତ୍ୟାଦି କୁ ପୂଜା କରୁଥିବା ଦେଖିବାକୁ ମିଳିଥାଏ ।