ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, (୨୭/୧) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସିଙ୍ଗାରି ପଞ୍ଚାୟତ ରେ ବିନା ଅନୁମତି ରେ ପିତୃ ଅର୍ଜିତ ଚାଷ ଜମିରେ ସ୍କୁଲଗୃହ ନିର୍ମାଣ କରୁଥିବା ନେଇ ଜିଲାପାଳ ଙ୍କୁ ଲିଖିତ ଅଭିଯୋଗ ହୋଇଛି ।
ଭରତ ପ୍ରଧାନୀ ଙ୍କ ପିତାଙ୍କ ନାମରେ ରେକର୍ଡ ଭୁକ୍ତ ଚାଷ ଜମିରେ ସିଙ୍ଗାରି ମୌଜା ଖାତା ନମ୍ବର ୬ ପ୍ଲଟ ନମ୍ବର ୭୪୩,୭୫୯,୭୬୦ ପ୍ରାୟ ଅଧା ଏକର ରୁ ଅଧିକ ଚାଷ ଜମିରେ ବିନା ଅନୁମତିରେ ଶିକ୍ଷାବିଭାଗ ତରଫରୁ ଏକ ସରକାରୀ ଗୃହ ନିର୍ମାଣ କରାଯାଉଛି । ସରକାରଙ୍କ ତରଫରୁ କୌଣସି ଅଧିକାରୀ ବିନା ଅନୁମତିରେ ପ୍ରାପ୍ତ କରି ସେହିଠାରେଗୃହ ନିର୍ମାଣ ନିମନ୍ତେ କିପରି ନିର୍ଦ୍ଧେଶ ଦେଲେ ତାହା ଏକ ଆଲୋଚନା ର ବିଷୟ । ଏହି ପରିବାର ଏକ ଯୌଥ ପରିବାର।ସେମାନଙ୍କର ମୁଖ୍ୟତ ଚାଷ କରିବା, ତାହା ଦ୍ୱାରା ପରିବାର ଭରଣ ପୋଷଣ କରିଥାନ୍ତି ।
ଉକ୍ତ ପରିବାର ଲୋକେ ସରକାରୀ ଅନୁଷ୍ଠାନ ଓ ଗୃହ ନିର୍ମାଣ କରିବାକୁ କୌଣସି ପ୍ରକାର ବିରୋଧ କରୁ ନାହୁଁ । ଗ୍ରାମ ର ଶିକ୍ଷାନୁଷ୍ଠାନ ଯେତେ ପ୍ରକାର କାର୍ଯ୍ୟହେଲେ ସରକାରୀ କାର୍ଯ୍ୟକୁ ପ୍ରଶଂସା କରୁଛନ୍ତି । କିନ୍ତୁ ଉକ୍ତ କାର୍ଯ୍ୟକୁ ନିନ୍ଦା କରୁଥିବା ନେଇ ଜିଲାପାଳ ସୋରାଜ କୁମାର ମିଶ୍ର ଙ୍କୁ ଓ ସ୍ଥାନୀୟ ତହସିଲଦାର ଦେବାଶିଷ କର ଙ୍କୁ ଲିଖିତ ପ୍ରଦାନ କରିଛନ୍ତି । ଶିକ୍ଷା ବିଭାଗ ତରଫରୁ କେଉଁ ବିଦ୍ୟାଳୟ ସରକାରୀ ଜମି ରେ ଅଛି ଓ କେଉଁ ବିଦ୍ୟାଳୟ ବେସରକାରୀ ଜମି ରେ ଅଛି ଚିହ୍ନଟ କରିବା ପାଇଁ ନିର୍ଦ୍ଧେଶ ରହିଥିଲା । ତାହାକୁ ନେଇ ଅଧିକାରୀ ମାନେ ବିଦ୍ୟାଳୟ କୁ ସଠିକ ଭାବେ ତଦାରଖ କରିବା ପରେ ସିଙ୍ଗାରି ପଞ୍ଚାୟତରେ କିଛି ବିଦ୍ୟାଳୟ ବେସରକାରୀ ଜମିରେ ଥିବା ଜଣାପଡିଥିଲା ।
ସିଙ୍ଗାରି ରେ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ୧୯୫୨ ମସିହାରେ ବାଞ୍ଜେରି ଜାଗା ବୋଲି ବିଦ୍ୟାଳୟ କରିଥିଲେ । ତାହା ବର୍ତ୍ତମାନ ବେସରକାରୀ ଜମି ବୋଲି ଚିହ୍ନଟ ହେବା ପରେ ଉକ୍ତ ଜମି ମାଲିକ ବିଦ୍ୟାଳୟ ଉଠାଇବା ପାଇଁ କହିଆସୁଛନ୍ତି । ବର୍ତ୍ତମାନ ବିଦ୍ୟାଳୟ ପରିସରରେ ଛାତ୍ରଛାତ୍ରୀ ଙ୍କ ପାଇଁ ମଧ୍ୟାହ୍ନ ଭୋଜନ ଡାଇନିଂ ହଲ ୫ ଲକ୍ଷ ଟଙ୍କା ଅଟକଳ ମୂଲ୍ୟରେ କୋଠା ନିର୍ମାଣ ଚାଲିଛି । ଏହାକୁ ବିରୋଧ କରି ଜମି ମାଲିକ ଜିଲାପାଳ ଓ ତହସିଲଦାର ଙ୍କୁ ଲିଖିତ ଅଭିଯୋଗ କରିଛନ୍ତି । ଏ ବିଷୟରେ କ୍ଲୋଷ୍ଟର ସ୍ତରୀୟ ଅଧିକାରୀ ପ୍ରଫୁଲ୍ଲ ଷଡଙ୍ଗୀ ଙ୍କୁ ପଚାରିବାରୁ ସେ କହିଲେ ଏହି ଘର କରିବା ପୂର୍ବରୁ ଜମି ମାଲିକ କୁ ପଚାରିଥିଲି, ସେମାନେ ଘର ନ କରିବା ପାଇଁ କହିଥିବା ଲିଖିତ ଗୋଷ୍ଠି ଶିକ୍ଷା ଅଧିକାରୀ କାର୍ଯ୍ୟାଳୟରେ ଦେଇଥିବା କହିଛନ୍ତି ।
ଏ ବିଷୟରେ ତହସିଲଦାର ଦେବାଶିଷ କରଙ୍କୁ ପଚାରିବାରୁ ସେ କହିଲେ ବିଦ୍ୟାଳୟ ଗୁଡ଼ିକର ପଟା କରିବା ପାଇଁ କୁହାଯାଇଥିଲା । ଜାଗା ଚିହ୍ନଟ ପରେ ସେମାନେ ନିଜ ଜାଗା ବୋଲି ଜାଣିପାରିଲେ । ବର୍ତ୍ତମାନ ସେମାନେ ଅରାଜି ହେଲେ ବିଦ୍ୟାଳୟ ହୋଇପାରିବନି । ସେମିତିକିଛି ଖବର ମୋ ନଜରକୁ ଆସିନି ବୋଲି କହିଛନ୍ତି ।