Related Contents

ଗ୍ରାମାଂଚଳରେ ପାନୀୟ ଜଳର ଅଭାବ-ପୌର ଅଂଚଳରେ ପାନୀୟ ଜଳ ପ୍ରକଳ୍ପ ଲୋକାର୍ପଣ

ରାୟଗଡା ଜ଼ିଲ୍ଲା ପ୍ରତିନିଧି (ଅମୁଲ୍ୟ ନିଶଙ୍କ): ରାୟଗଡା ଜ଼ିଲ୍ଲା ସଦର ମହକୁମା ଠାରୁ ମାତ୍ର ୧୦କିଲୋମିଟର ଦୂର ହଲୁୱା ପଂଚାୟତ ଅନ୍ତର୍ଗତ ଜ଼ପାଖଲ ଗ୍ରାମରେ ଥିବା ନଳକୂପମାନ ଅଚଳ ଯୋଗୁଁ ଗ୍ରାମବାସୀ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ଅନ୍ୟ କୌଣସି ବ୍ୟବସ୍ଥା ନଥିବାରୁ ଗ୍ରାମବାସୀ ନିକଟରେ ଥିବା ଏକ ନଦୀପାଣି ଉପରେ ନିର୍ଭର କରି ଚଳୁଛନ୍ତି |

ଏହି ଜ଼ପାଖଲ ଗ୍ରାମରେ ୧୦୦ ଟି ପରିବାରର ୫୦୦ଲୋକବାସ କରନ୍ତି | କିନ୍ତୁ ବହୁଦିନ ତଳେ ପ୍ରସାଶନ ତରଫରୁ ଏକ ଗୋଟିଏ ମାତ୍ର ନଳକୂପ ଖନନ କରାଯାଇଥିଲା କିନ୍ତୁ ତାହା ଅଚଳ ହେବାରୁ ଗ୍ରାମବାସୀ ରାୟଗଡା ଗୋଷ୍ଟି ଉନୟନ ଅଧିକାରୀଙ୍କୁ ଜଣାଇଥିଲେ | ମାତ୍ର କୌଣସି ସୁଫଳ ନ ମିଳିବାରୁ ଗ୍ରାମବାସୀ ଜ଼ିଲ୍ଲାପାଳଙ୍କ କାର୍ଯ୍ୟଳୟକୁ ଆସି ଅଭିଯୋଗ କରିଥିଲେ | ଖୁବ ଶୀଘ୍ର ନଳକୂପ ମରାମତି କରାଯିବ ବୋଲି ଜ଼ିଲ୍ଲାପାଳ କହିଛନ୍ତି | ଅନ୍ୟପଟେ ଜନ ସ୍ୱାସ୍ଥ୍ୟ ବିଭାଗ ତରଫରୁ ୪କୋଟି ଟଙ୍କା ବ୍ୟୟରେ ସହରର ପ୍ରାୟ ୧୧କିଲୋମିଟର ନୂତନ ଅଂଚଳରେ ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ଯେଉଁ ପାଇପ ଲାଇନ ବିଛା ଯାଇଛି ତାହାକୁ ଲୋକାର୍ପଣ କରାଯାଇଛି | ଯଦ୍ୱାରା ଏହି ଅଂଚଳର ୬୦ହଜାରରୁ ଉର୍ଦ୍ଧ ଜନସାଧାରଣ ଉପକୃତ ହେବେ ଠିକ ସେହିପରି ଗୁଣୁପୁର ଠାରେ ଜନସ୍ୱାସ୍ଥ୍ୟ ବିଭାଗ ତରଫରୁ ୩ଟି ବିଶୁଦ୍ଧ ପାନୀୟ ଜଳଯୋଗାଣ ପ୍ରକଳ୍ପ ଲୋକାର୍ପଣ କରାଯାଇଛି | ସହରର ସୌରା ପ୍ରଧାନୀ ଗୁଡା ପୁରୁଣା ଗୁଣୁପୁର ଓ ମରାଠିଗୁଡ଼ା ଠାରେ ୯୫୦୦ମିଟର ପାଇପ ଲାଇନ ସଂଯୋଗକରି ୧କୋଟି ୮୦ଲକ୍ଷ ବ୍ୟୟରେ ତିନଟି ପ୍ରକଳ୍ପ ଲୋକାର୍ପଣ କରାଯାଇଛି | ସେହିପରି ଗୁଡାରି ପୌରାଞ୍ଚଳ ରେ ୨୪ଲକ୍ଷ ଟଙ୍କାର ଏକ ପାନୀୟଜଳ ପ୍ରକଳ୍ପକୁ ମଧ୍ୟ୍ୟ ଲୋକାର୍ପଣ କରାଯାଇଛି | ରାଜ୍ୟସଭା ସାଂସଦ ଏନ ଭାସ୍କର ରାଓ, ରାୟଗଡା ବିଧାୟକ ଲାଲବିହାରୀ ହିମିରିକା, ଜ଼ିଲ୍ଲାପାଳ ଗୁହା ପୂନମ ତାପସ କୁମାର, ବିଭାଗୀୟ ନିର୍ବାହୀ ଯନ୍ତ୍ରୀ ଶରତ କୁମାର ପଟ୍ଟନାୟକ, ସହକାରୀ ଯନ୍ତ୍ରୀ ଅମୀୟ କୁମାର ସେଠି ରାୟଗଡ଼ରେ ଉପସ୍ଥିତ ରହି ପ୍ରକଳ୍ପକୁ ଲୋକାର୍ପଣ କରିଥିବା ବେଳେ ଗୁଣୁପୁର ଠାରେ ରାଜ୍ୟସଭା ସାଂସଦ ଏନ ଭାସ୍କର ରାଓ ଗୁଣୁପୁର ବିଧାୟକ ତ୍ରିନାଥ ଗମାଙ୍ଗ ବିଭାଗୀୟ ନିର୍ବାହୀ ଯନ୍ତ୍ରୀ ଶରତ କୁମାର ପାଣିଗ୍ରାହୀ ସହକାରୀ ଯନ୍ତ୍ରୀ ବିଷ୍ଣୁ ପ୍ରସାଦ ଅଗ୍ରୱାଲ ବି ଜେ ଡି ନେତା ସାନ ଗୌଡ଼ ବି ତିରୁପତି ଉପସ୍ଥିତ ରହି ପ୍ରକଳ୍ପ ଲୋକାର୍ପଣ କରିଥିଲେ |

Comments are closed.