Saturday, August 8, 2020
Home Children Issue ଓଡିଶା ନ୍ୟୁଜ୨୪ର ପ୍ରଭାବ-୪ବର୍ଷର ଶିଶୁର ପେଟରେ ଥିବା ଟ୍ୟୁମର ପ୍ରଥମ ଅସ୍ତ୍ରୋପଚାର ଶେଷ

ଓଡିଶା ନ୍ୟୁଜ୨୪ର ପ୍ରଭାବ-୪ବର୍ଷର ଶିଶୁର ପେଟରେ ଥିବା ଟ୍ୟୁମର ପ୍ରଥମ ଅସ୍ତ୍ରୋପଚାର ଶେଷ

ବୈପାରୀଗୁଡା (ଏନ.ସନ୍ତୋଷ କୁମାର): କୋରାପୁଟ ଜିଲ୍ଲା ବୈପାରୀଗୁଡା ବ୍ଲକ ଅନ୍ତର୍ଗତ ପେଂଦାପଡ଼ା ପଂଚାୟତର ଦଳମୁଣ୍ଡା ଗ୍ରାମର ଜାଇ ପୂଜାରୀଙ୍କ ଚାରି ବର୍ଷର ପୁଅ ଦୁର୍ୟୋଧନ ପୂଜାରୀର ପେଟରେ ଥିବା ଟ୍ୟୁମର ପ୍ରଥମ ପର୍ଯ୍ୟାୟ ଅସ୍ତ୍ରୋପଚାର କଲିକତାର ରବୀନ୍ଦ୍ର ନାଥ ଟାଗୋର ମେଡିକାଲ କଲେଜରେ ଗତ ଡିସେମ୍ବର ୧୮ତାରିଖ ମଙ୍ଗଳବାର ଦିନ କରାଯାଇଛି |

ସୂଚନା ଥାଉକି ଗତ ଅକ୍ଟୋବର ମାସ ୧୩ତାରିଖ ଦିନ ଆମ ଗଣମାଧ୍ୟମରେ (ଓଡିଶା ନ୍ୟୁଜ୨୪) “ଶିଶୁର ଚିକିତ୍ସା ପାଇଁ ଅର୍ଥ ସାଜିଛି ବାଧକ” ଶୀର୍ଷକ ପ୍ରଥମେ ପ୍ରକାଶ ପାଇଥିଲା | ପରେ ସ୍ବେଚ୍ଛାସେବୀ ଯୁବକ ମାନଙ୍କ ସହାୟତାରେ ପ୍ରଥମେ କୋରାପୁଟ ମେଡିକାଲ କଲେଜକୁ ଦୁର୍ୟୋଧନଙ୍କ ସହ ପରିବାରଙ୍କୁ ନିଆଯାଇଥିଲା | ସେଠାରେ ରାଷ୍ଟ୍ରୀୟ ବାଳ ସ୍ୱାସ୍ଥ୍ୟ କାର୍ଯ୍ୟକ୍ରମ ଦ୍ୱାରା ଅକ୍ଟୋବର ୨୪ତାରିଖରେ କଟକ ଶିଶୁ ଭବନ ନିଆଯାଇଥିଲା | ସେଠାରେ ଡାକ୍ତରଙ୍କ ପରାମର୍ଶ କ୍ରମେ ନଭେମ୍ବର ୧୩ତାରିଖଦିନ କଲିକତାର ରବୀନ୍ଦ୍ର ନାଥ ଟାଗୋର ମେଡିକାଲ କଲେଜ କୁ ନିଆଯାଇଥିଲା | ଶେଷରେ ଏକ ମାସ ପରେ ଗତ ଡିସେମ୍ବର ୧୮ତାରିଖ ଦିନ ଦୁର୍ୟୋଧନ ଙ୍କ ପେଟରେ ଥିବା ଟ୍ୟୁମର ଅସ୍ତ୍ରୋପଚାର ହୋଇପାରିଛି | ଏବେ ୪ବର୍ଷର ଶିଶୁର ବାପା ଜାଇ ପୂଜାରୀ ଓ ମା ଯମୁନା ପୂଜାରୀ ଆମ ଗଣମାଧ୍ୟମ ଦ୍ୱାରା ସମସ୍ତ ସାହାଯ୍ୟକାରୀଙ୍କୁ ଓ ସରକାରଙ୍କୁ ଧନ୍ୟବାଦ ଜଣାଇଛନ୍ତି |

ସେ ପ୍ରଥମେ ଆମ ଚ୍ୟାନେଲ ଆଣିଥିବା ତାଙ୍କ ବିଷୟକୁ ସରକାରଙ୍କ ପାଖରେ ପହଞ୍ଚାଇପାରିଥିବାରୁ ଆମ ଗଣମାଧ୍ୟମ ଟିମକୁ ଧନ୍ୟବାଦ ଜଣାଇଛନ୍ତି | ଶିଶୁର ଟ୍ୟୁମର ଅସ୍ତ୍ରୋପଚାର ସଫଳତାକୁ ନେଇ ଗ୍ରାମବାସୀ ମଧ୍ୟ ଖୁସି ପ୍ରକାଶ କରିଛନ୍ତି | ବୈପାରୀଗୁଡା ର ସରପଞ୍ଚ ଭାଗିରଥି ମୁରଜିଆ, ପୂଜାରୀ ଗୁଡ଼ାର ଲଳିତ ପୂଜାରୀ, ଜୋନ୧ ବିଜେପି ସଭାପତି ଏନ ହରିପ୍ରସାଦ, ଗ୍ରାମର ଫ୍ରେଣ୍ଡ୍ସ ୟୁନିଟ କ୍ଲବ, ସ୍ପ୍ରେଦ ସ୍ବେଚ୍ଛାସେବୀ ଅନୁଷ୍ଠାନ, ବୈପାରୀଗୁଡା ଦୋକାନୀ ସଂଘ ଆର୍ଥିକ ସାହାଯ୍ୟ କରିଥବା ବେଳେ ସୋମନାଥ ନାୟକ ଓ ଜାଇ ମିନର ବାଲିଆ କଲିକତା ଠାରୁ ଘରକୁ ଫେରିବା ପର୍ଯ୍ୟନ୍ତ ସାଥିରେ ରହି ସାହାଯ୍ୟ କରିଥିଲେ | ଆଗାମୀ କିଛି ଦିନ ପରେ ଦୁର୍ୟୋଧନର ଶେଷ ପର୍ଯ୍ୟାୟ ଅସ୍ତ୍ରୋପଚାର କରାଯିବ ବୋଲି ଶିଶୁର ବାପା ଜାଇ ପୂଜାରୀ ପ୍ରକାଶ କରିଛନ୍ତି |

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ବିଦାୟ ସମ୍ବର୍ଦ୍ଧନା ସମାରୋହ, ଅମଳ ବୃଦ୍ଧି ପାଇଁ ଚାଷୀ ଓ କୃଷି କର୍ମଚାରୀଙ୍କ ସମନ୍ୱୟ ଆବଶ୍ଯକ

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (ତା ୭ ୵ ୮): ବରଗଡ଼ ଜିଲ୍ଲା ବିଜେପୁର ବ୍ଲକ କ୍ରୁଷି କାର୍ଯ୍ୟଳୟରେ ବିଦାୟ ସମ୍ବର୍ଦ୍ଧନା ସମାରୋହ ଶୁକ୍ରବାର ଅନୁଷ୍ଠିତ ହୋଇଯାଇଛି। ବ୍ଲକ କ୍ରୁଷି ଅଧିକାରୀ...

ଟ୍ରେନରେ କଟି ସମାଜସେବୀଙ୍କ ମୃତ୍ୟୁ

ରିପୋର୍ଟ: ବିମଳେନ୍ଦୁ ସାହୁ // ଲୋଇସିଂହା(୦୭/୦୮): ଶୁକ୍ରବାର ଅପରାହ୍ନ ଗୋଟାଏରେ ଲୋଇସିଂହା ନିକଟସ୍ଥ ସେମେଲମୁଣ୍ଡା ଠାରେ ଟ୍ରେନ ଲାଇନରେ କଟିଯାଇ ଜଣକର ମୃତ୍ୟୁ ହୋଇଥିବା ଜଣାଯାଇଛି । ମୃତକ ଜଣକ ହେଲେ ଲୋଇସିଂହାର...

ବନ୍ଧୁଗାଁ ବ୍ଲକରେ ବିଜେଡି ଜୋନାଲ କମିଟିର ବୈଠକ ଆୟୋଜନ ଓ ଆଲୋଚନା ଚକ୍ର

ରିପୋର୍ଟ: ମିନା ବେହେରା // ବନ୍ଧୁଗାଁ (ତା ୬:୮:୨୦): ବନ୍ଧୁଗାଁ ବ୍ଲକର କୁଟ୍ରାବେଡା ଓ କୁମ୍ଭାରୀପୁଟ ମଧ୍ୟସ୍ତ ସ୍ଥାନରେ ବିଜେଡି ଦଳ ତରଫରୁ ପଣ୍ଡିତ ବିଷୟଙ୍କ ଏକ ଜୋନାଲ କମିଟି ଓ ଆଲୋଚନା ଚକ୍ର...

ବିପିଏଲ ପରିବାରଙ୍କୁ ୱେସକୋର କରୋନା ମାଡ

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (ତା ୬ ୵ ୮ ): କରୋନା ମହାମାରୀ ଯୋଗୁଁ କାମଧନ୍ଦା ନ ପାଇଁ ସବୁଠୁଁ ବେଶୀ ସମସ୍ୟା ଭିତରେ ଦରିଦ୍ର ସୀମାରେଖା ତଳେ ଥିବା...

Recent Comments

%d bloggers like this: