ରିପୋର୍ଟ : ସୁଭାସିସ ନାୟକ
ନୂଆଦିଲ୍ଲୀ, (୨୯/୦୧) : ସମଗ୍ର ବିଶ୍ୱରେ ଭାରତ ତୃତୀୟ ଦେଶ, ଯେଉଁଠାରେ କରୋନା ମହାମାରୀ ଯୋଗୁଁ ଅଧିକ ଦିନ ସ୍କୁଲ ବନ୍ଦ ରହିଛି । ୟୁନିସେଫ ର ଏହି ତଥ୍ୟ କହୁଛି ଯେ, ବିଶ୍ୱ ର ଦ୍ୱିତୀୟ ଜନବହୁଳ ଦେଶ ଭାରତରେ ପିଲାମାନେ ଦୀର୍ଘ ସମୟ ଧରି ବିଦ୍ୟାଳୟ ପରିବେଶରୁ ବଞ୍ଚିତ ହୋଇଛନ୍ତି, ଯାହା ସେମାନଙ୍କ ବିକାଶ ପାଇଁ ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ ।
ସଂକ୍ରମଣ ର ତୃତୀୟ ଲହର ଯୋଗୁଁ ବିଦ୍ୟାଳୟ ଗୁଡ଼ିକ ବନ୍ଦ ରହିଛି । ଭାରତରେ ପିଲାମାନେ ଦୀର୍ଘ ସମୟ ଧରି ବିଦ୍ୟାଳୟ ପରିବେଶରୁ ବଞ୍ଚିତ ହୋଇଛନ୍ତି । ବର୍ତ୍ତମାନ ଅନେକ ରାଜ୍ୟ କରୋନା ପ୍ରତିବନ୍ଧକ କୁ ହ୍ରାସ କରିବା ଆରମ୍ଭ କରିଛନ୍ତି । ଅନେକ ବିଶେଷଜ୍ଞ ପରାମର୍ଶ ଦେଉଛନ୍ତି ଯେ, ଏବେ ସରକାର ବିଦ୍ୟାଳୟ ଗୁଡ଼ିକ ଖୋଲିବା ଉଚିତ୍ । ନିକଟରେ କେନ୍ଦ୍ର ସରକାର ଏହା ମଧ୍ୟ ସୂଚାଇ ଦେଇଛନ୍ତି ଯେ, ବିଦ୍ୟାଳୟ ଖୋଲିବା ନେଇ ଶୀଘ୍ର ଗାଇଡଲାଇନ୍ ଜାରି କରାଯାଇପାରେ ।
ସମଗ୍ର ବିଶ୍ୱରେ ଦୀର୍ଘ ସମୟ ଧରି ସ୍କୁଲ ବନ୍ଦ ହେବାର ସଂଖ୍ୟା ଅନୁସାରେ, ଭାରତରେ ୮୨ ସପ୍ତାହ ଅର୍ଥାତ୍ ୫୭୪ ଦିନ ପର୍ଯ୍ୟନ୍ତ ସ୍କୁଲ ବନ୍ଦ ରହିଛି । ସେତିକି ଦିନ ପର୍ଯ୍ୟନ୍ତ ବୋଲିଭିଆ ଏବଂ ନେପାଳରେ ମଧ୍ୟ ସ୍କୁଲ ବନ୍ଦ ରହିଛି । ଉଗାଣ୍ଡାରେ ସ୍କୁଲ ଗୁଡ଼ିକ ୮୩ ସପ୍ତାହ ପର୍ଯ୍ୟନ୍ତ ବନ୍ଦ ରହିଲା । ଭାରତରେ ପ୍ରାୟ ୨୦ ସପ୍ତାହ ପର୍ଯ୍ୟନ୍ତ ବିଦ୍ୟାଳୟ ଗୁଡ଼ିକ ସମ୍ପୂର୍ଣ୍ଣ ବନ୍ଦ ରହିଥିଲା, ବାକି ସପ୍ତାହ ଗୁଡିକ ଆଂଶିକ ବନ୍ଦ ଜାରି ରହିଥିଲା ।