Related Contents

ପିଠା ଯୋଜନାରେ ଡୁଙ୍ଗୁରିପାଲି ପଂଚାୟତ ଲୋଇସିଂହା ବ୍ଲକରେ ପ୍ରଥମ

ଲୋଇସିଂହା(ବିମଳେନ୍ଦୁ ସାହୁ): ରାଜ୍ୟ ସରକାରଙ୍କ ଆମ ଗାଁ ଆମ ବିକାଶ କାର୍ଯ୍ୟକ୍ରମର ଅଂଶବିଶେଷ ପିଠା ଯୋଜନାରେ ବିଭିନ୍ନ ଉନ୍ନୟନମୂଳକ ଯୋଜନାର ସଫଳ ରୂପାୟନ ସକାଶେ ବଲାଙ୍ଗୀର ଜିଲା ଲୋଇସିଂହା ବ୍ଲକ ଅନ୍ତର୍ଗତ ଗଡ଼ଶଙ୍କର ଡୁଙ୍ଗୁରିପାଲି ପଂଚାୟତ ବ୍ଲକରେ ପ୍ରଥମ ସ୍ଥାନ ଅଧିକାର କରି ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛି ।

ବଲାଙ୍ଗୀର ଜିଲାପାଳଙ୍କ କାର୍ଯ୍ୟାଳୟ ପତ୍ରାଙ୍କ ନଂ ୫୦୭୫, ତା-୨୬.୧୨.୨୦୧୮ ରେ ଜିଲାପାଳ ରାଜ୍ୟ ସରକାରଙ୍କୁ ଏହି ମର୍ମରେ ଚିଠି କରିଥିବା ଜଣାଯାଇଛି । ଭୁବନେଶ୍ୱର ଠାରେ ଆୟୋଜିତ ହେବାକୁ ଥିବା ରାଜ୍ୟସ୍ତରୀୟ ସମାରୋହରେ ମୁଖ୍ୟମନ୍ତ୍ରୀ ଯୋଗ୍ୟ ବିବେଚିତ ପଂଚାୟତ ଗୁଡିକୁ ନଗଦ ଅର୍ଥରାଶି ଦେଇ ସମ୍ମାନିତ କରିବେ । ଡୁଙ୍ଗୁରିପାଲି ସରପଂଚ ତ୍ରିବେଣୀ ପଧାନ, ପୂର୍ବତନ ଜିଲା ପରିଷଦ ସଭ୍ୟ ବିଜୁ ପଧାନ, ସରପଂଚ ପ୍ରତିନିଧି ସଂଜୁ ପଧାନ, ସମିତି ସଭ୍ୟ କନକ ସାହୁ ପ୍ରମୁଖ ଏହି ଅବସରରେ ବ୍ଲକ ତଥା ଜିଲା ପ୍ରଶାସନ ଏବଂ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି ।

Comments are closed.