ରିପୋର୍ଟ : ଧ୍ରୁବରାଜ ମିଶ୍ର
ବିନିକା, (୧୭/୧) : ଓଡିଶା ରେ ନବନିଯୁକ୍ତ ଲେପ୍ରା ଇଣ୍ଡିଆ ଆମ୍ବାସାଡର ତଥା ବରିଷ୍ଠ ସାମ୍ବାଦିକ ଗୋରେଖନାଥ ସାହୁ ଆଜି ବିନିକା ବ୍ଲକ ଗୁଲୁଣ୍ଡା ସ୍ଥିତ ନିର୍ମଳଛାୟା କୁ ପରିଦର୍ଶନ କରି ଅନ୍ତେବାସୀ ଙ୍କ ସୁବିଧା ଅସୁବିଧା ପଚାରି ବୁଝିଥିଲେ ।
ଏହି ଅବସରରେ ଲେପ୍ରା ଇଣ୍ଡିଆ ଆମ୍ବାସାଡର ଶ୍ରୀ ସାହୁ ଅନ୍ତେବାସୀ ଙ୍କୁ କମ୍ବଳ ବାଣ୍ଟିବା ସହ ଶାରୀରିକ ଓ ମାନସିକ ସୁସ୍ଥତା ନିମନ୍ତେ ସେମାନଙ୍କୁ କେତେକ ସୁକ୍ଷ୍ମ ଯୋଗ, ବ୍ୟାୟାମ କରିବା ପାଇଁ ପ୍ରଶିକ୍ଷଣ ଦେଇଥିଲେ । ସ୍ୱରଚିତ ପୁସ୍ତକ ଯୋଗାନୁସରଣ ପ୍ରଦାନ କରିବାରୁ ସମସ୍ତେ ଆନନ୍ଦ ପ୍ରକାଶ କରିଥିଲେ । ଅନ୍ତେବାସୀ ମାନେ ପରବର୍ତ୍ତୀ ସମୟରେ ସେମାନଙ୍କୁ ମଶାରୀ ଦେବାକୁ ଅନୁରୋଧ କରିବା ସହିତ ସେମାନେ ରହୁଥିବା ଘରେ ବର୍ଷାଦିନେ ପାଣି ଗଲୁଥିବାରୁ ତାହା ମରାମତି ପାଇଁ ଉଚ୍ଚ କର୍ତୃପକ୍ଷ ଙ୍କ ଦୃଷ୍ଟି ଆକର୍ଷଣ କରିବାକୁ ମଧ୍ୟ ଅନୁରୋଧ କରିଥିଲେ । ଏହି ପରିଦର୍ଶନ ରେ ଶ୍ରୀ ସାହୁ ଙ୍କ ସହ ଲେପ୍ରା ଇଣ୍ଡିଆର ସଂଯୋଜକ ନୃସିଂହ ମିଶ୍ର ମଧ୍ୟ ଉପସ୍ଥିତ ଥିଲେ ।