Advertisements
Monday, July 13, 2020
Home District News ପଥର ପ୍ୟାକିଙ୍ଗ ନାମରେ କୋଟି କୋଟି ଟଙ୍କା ଲୁଟ ଅଭିଯୋଗ

ପଥର ପ୍ୟାକିଙ୍ଗ ନାମରେ କୋଟି କୋଟି ଟଙ୍କା ଲୁଟ ଅଭିଯୋଗ

ଯାଜପୁର (ସତ୍ୟଜିତ ବାରିକ): ଯାଜପୁର ଜିଲା ବରୀ ଅଞ୍ଚଳର ବନ୍ୟା ପ୍ଲବିତ ଭାବେ ଜଣା ଜମିବାଡି, ବନ୍ଧବାଡ, ଫସଲ କ୍ଷେତ ଓ ଧନ ଜୀବନକୁ ସୁରକ୍ଷା ଯୋଗାଇଦେବାପାଇଁ ରାଜ୍ୟ ସରକାରଙ୍କ ଜଳସମ୍ପଦ ବିଭାଗ ପଥର ପ୍ୟାକିଙ୍ଗ ପାଇଁ କୋଟି କୋଟି ଟଙ୍କାର ବ୍ୟୟ ଅଟକଳ କରୁଛନ୍ତି ।

ଏ ନେଇ ନଦୀ କଡପାଣି ଗର୍ଭରୁ ଚାରି ପାଞ୍ଚ ମିଟର ତଳୁ ପଥର ବନ୍ଧବାନ୍ଧି ସୁରକ୍ଷା ଯୋଗାଇଦେବାପାଇଁ ପଥର ପ୍ୟାକିଙ୍ଗ କାମ ଆରମ୍ଭ ହୋଇଛି । ଏହି ପଥର ପ୍ୟାକିଂ ବନ୍ଧ ସମ୍ପୂର୍ଣ୍ଣହେଲେ ବନ୍ୟା ସମୟରେ ଆଉ ନଦୀ ବନ୍ଧରେ ଘାଇ ହେବନାହିଁ ବୋଲି ଜଳସମ୍ପଦ ବିଭାଗ ଆକଳନ କରିଛି । ଏହି ଆକଳନକୁ ଆଖିଆଗରେ ରଖି ରାଜ୍ୟ ସରକାର ଜଳ ସମ୍ପଦ ବିଭାଗକୁ ପଥର ବନ୍ଧ ବାନ୍ଧିବାପାଇଁ କୋଟିକୋଟି ଟଙ୍କା ଦେଉଛନ୍ତି । ଏହି ଯୋଜନାରେ ଜାରକା ଜଳସମ୍ପଦ ଡିଭିଜନକୁ ୫ କୋଟି ଟଙ୍କା ଆସିଥିବା ଅନୁସନ୍ଧାନରୁ ଜଣାପଡିଛି । ସେଥିରୁ ବରୀ ଜଳସମ୍ପଦ ସବଡିଭିଜନ ଅଧିନରେ ୩କୋଟି ଟଙ୍କାର ପଥର ପ୍ୟାକିଂ ବନ୍ଧ ବ୍ୟୟ ଅଟକଳ ହୋଇଛି। ରୁଦ୍ରପୁର ନିକଟରେ ବ୍ରାହ୍ମଣୀ ନଦୀର ବାମ ପାଶ୍ୱର୍ପଥର ପ୍ୟାକିଂ କାମ ଚାଲିଛି । ୧ କୋଟି ୨୦ଲକ୍ଷ ଟଙ୍କା ବ୍ୟୟ ଅଟକଳରେ ଏହି ପଥର ପ୍ୟାକିଂ କାମ ହେଉଥିବା ଜଣାପଡିଛି । ଠିକାଦାର ୩-୪ ଫୁଟତଳରୁ ଡଫିଂ କରି ପଥର ପ୍ୟାକିଂ ପରେ ଲଂଚି କରି ପଥର ପ୍ୟାକିଂ କରୁଥିବା ଜଣାପଡିଛି । ତେବେ ଠିକାଦାର ବିଭାଗୀୟ ଯନ୍ତ୍ରୀଙ୍କ ଆଖିରେ ଧୂଳିଦେଇ ଏହି ପଥର ପ୍ୟାକିଂ କାମ କରିନେଉଥିବା ଅଭିଯୋଗ ହୋଇଛି । ଏଷ୍ଟିମେଣ୍ଟଅନୁଯାୟୀ ଠିକାଦାର କାମ କରୁନଥିବା ଅଭିଯୋଗରୁ ଜଣାପଡିଛି । ସେହିପରି ଦୁଧେଇ ନଦୀର ରାଉଳା ନିକଟ ବାମ ପାଶ୍ୱର୍ରେ ରାହୁଳାଠାରୁ ବନ୍ଧପଡା ପର‌୍ୟ୍ୟନ୍ତ ୭୧ ଲକ୍ଷ ଟଙ୍କ ବ୍ୟୟ ଅଟକଳରେ ନଦୀ କଡ ପାଣି ଗର୍ଭରୁ ପଥର ପ୍ୟାକିଂ ବନ୍ଧ କାମ ଆରମ୍ଭ ହୋଇଛି । ଠିକାଦାର ଆରମ୍ଭରୁ ଡମ୍ଫିଂ ଓ ଲଚିଂ ବାବଦରେ ଥିବା ଅର୍ଥକୁ ଲୁଟ୍ କରିବା ଅରମ୍ଭ କରି ଦେଇଛି । ଏ ନେଇ ଅତି ନିମ୍ନ ମାନର ଡମ୍ଫିଂ ହେଉଥିବାରୁ ଏହି ପଥର ପ୍ୟାକିଂ ବନ୍ଧ ନଦୀ ଜଳ ସ୍ରୋତରେ ଭୁଷୁଡ ଯିବାର ଆଶଙ୍କା ରହିଛି । ୫ ଫୁଟ ତଳୁଡମ୍ଫିଂ କରିବାର ବ୍ୟବସ୍ଥା ରହିଥିଲାବେଳେ । ଖାଲି ପଥର ଥୋଇଦେଇ କାମ ଆରମ୍ଭ କରିଛି । ଦୁଧେଇ ନଦୀର ଡାହାଣ ପାଶ୍ୱର୍ରେ ପଥର ପ୍ୟାକିଂ କାମ ଚାଲୁଥିଲାବେଳେ ଏଥିରେ ୨୦ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିବା ଜଣାପଡ଼ିଛି । ସ୍ଥାନୀୟ ଅଞ୍ଚଳର କିଛି ଯୁବକ ଏହି କାମ ନିମ୍ନମାନର ହେଉଥିବାରୁ ଗୁରୁବାର ବନ୍ଦ କରିଦେଇଥିଲେ । ବିଭାଗୀୟ ଯନ୍ତ୍ରୀଙ୍କ ହସ୍ତକ୍ଷେପ ଫଳରେ ଶୁକ୍ରବାରଠାରୁ କାମ ପୁଣି ଆରମ୍ଭ ହୋଇଛି । ତେବେ ବିଭାଗୀୟ ଯନ୍ତ୍ରୀଙ୍କ ତଦାରଖ ଅଭାବରୁ ଠିକାଦାର ଠକିଚାଲିଥିବା ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ଅଭିଯୋଗ ହୋଇଛି । ଏସବୁ ପ୍ୟାକିଂରେ ଅତି ନିମ୍ନମାନର ପଥର ବ୍ୟବହାର କରାଯାଉଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଏ ସଂକ୍ରାନ୍ତରେ ବରୀ ଜଳସମ୍ପଦ ସବଡିଭିଜନର ସହକାରୀ ଯନ୍ତ୍ରୀ ସୁବାଷ ତ୍ରିପାଠୀଙ୍କୁ ପଚାରିବାରୁ ପଥର ପ୍ୟାକିଂ କାମ ଭଲ ହେଉଛି । ଏଷ୍ଟିମେଣ୍ଟଅନୁଯାୟୀ ଠିକାଦାର କାମ କରୁଛି । ଆମର ତଦାରଖ କରାଯାଉଛି ଠିକାଦାର ଠକିପାରିବନାହିଁ ବୋଲି ତ୍ରିପାଠୀ କହିଛନ୍ତି । ଏପଟେ ଠିକାଦାର ଓ ବିଭାଗୀୟ ଅଧିକାରୀ ଙ୍କ ଭିତରେ ଭିତିରି ବୁଝାମଣା ହୋଇଛି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ସମ୍ଭାବ୍ୟ COVID-19 ଟିକା – ଥାଇଲ୍ୟାଣ୍ଡ ର ନଭେମ୍ବରରେ ମାନବ ପରୀକ୍ଷା କରିବାକୁ ଯୋଜନା

ବ୍ୟାଙ୍କକକ୍ (୧୨/୦୭): ନଭେମ୍ବରରେ ନୂତନ କରୋନାଭାଇରସ୍ ପାଇଁ ଏକ ସମ୍ଭାବ୍ୟ ଟିକା ପାଇଁ ମାନବ ପରୀକ୍ଷା ଆରମ୍ଭ କରିବାକୁ ଥାଇ ଅନୁସନ୍ଧାନକାରୀମାନେ ଯୋଜନା କରିଛନ୍ତି ଏବଂ ୧୦,୦୦୦ ଡୋଜ...

ବଡଜୋରରୁ ବିଜେପୁର ପଟକୁ ଯାଇଥିବା ରାସ୍ତା ବର୍ତ୍ତମାନ ମରଣଯନ୍ତା

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର(ତା ୧୨୵ ୭): ବରଗଡ଼ ଜିଲା ସୋହେଲା-ପଦ୍ମପୁର ବିଜୁ ଏକ୍ସପ୍ରେସ ୱେର ବଡଜୋରରୁ ବିଜେପୁର ପଟକୁ ଯାଇଥିବା ରାସ୍ତାକାମ ମରଣଯନ୍ତା ପାଲଟିଛି ।...

ସଟଡାଉନ ଦ୍ୱିତୀୟ ସପ୍ତାହର ପ୍ରଥମ ଦିନରେ ମଧ୍ୟ ସାପ୍ତାହିକ ବଜାର ଗାଁ ଗହଳି ସୁନସାନ

ରିପୋର୍ଟ: ମିନା ବେହେରା //ବନ୍ଧୁଗାଁ (ତା ୧୧:୭:୨୦): କୋରାପୁଟ ଜିଲା ସହ ରାଜ୍ୟ ଓ ଭାରତ ଓ ଦେଶ ବିଦେଶ ଠାରେ ଦିନକୁ ଦିନ ମହାମାରୀ କରୋନା ଭୟଙ୍କର...

କଳାହାଣ୍ଡି ଜିଲ୍ଲାରେ ୪ ପଜିଟିଭ ଚିହ୍ନଟ, ଭବାନୀପାଟଣାସ୍ଥିତ ପ୍ରାଇଭେଟ ହସପିଟାଲ ସିଲ

ରିପୋର୍ଟ: ପ୍ରଭୁଦତ୍ତ ପଣ୍ଡା //କଳାହାଣ୍ଡି (ତା.୧୧.୦୭.୨୦୨୦): କଳାହାଣ୍ଡି ଜିଲ୍ଲାରେ ଆଜି ତା.୧୧.୦୭.୨୦୨୦ ଶନିବାର ଦିନ ଚାରିଟି କରୋନା ପଜିଟିଭ ଚିହ୍ନଟ ହୋଇଥିବା ଜିଲ୍ଲାପ୍ରଶାସନ ପକ୍ଷରୁ ସୂଚନା ଦିଆଯାଇଛି ।...

Recent Comments

%d bloggers like this: