Related Contents

ଆମ୍ବୁଲାନ୍ସ ଦୁର୍ଘଟଣା ଗ୍ରସ୍ତ, ଡ୍ରାଇଭର ଓ ଆଶା ଦିଦି ଗୁରୁତର

ଉମରକୋଟ (ତ୍ରିନାଥ ଧୁରୁଆ): ଗର୍ଭବତୀ ମହିଳାଙ୍କୁ ଆଣିବାକୁ ଯାଇ ୧୦୮ ଗାଡ଼ି ଦୁର୍ଘଟଣା ଗ୍ରସ୍ତ | ଘଟଣାରେ ଆଶା ଦିଦି ଓ ଡ୍ରାଇଭର ଗୁରୁତର ହୋଇଛନ୍ତି |

ଏହି ଘଟଣା ଘଟିଛି ଝରିଗାଁ ବ୍ଳକ ଅନ୍ତର୍ଗତ ଗୌଡ଼ଗୁଡା ଗ୍ରାମ ନିକଟରେ । ଗର୍ଭବତୀ ମହିଳା ଓ ଆଶା ଦିଦିଙ୍କୁ ଉମରକୋଟରୁ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସୂଚନା ଅନୁଯାୟୀ ଝରିଗାଁ ବ୍ଲକ ମୁଣ୍ଡାପଦର ଗାଁର ମୋନ ଜନୀଙ୍କ ସ୍ତ୍ରୀ ଲକ୍ଷ୍ମୀ ଜନୀଙ୍କ ଗତ ରାତି ପ୍ରାୟ ୧୦ ସମୟରେ ପ୍ରସବ ବେଦନା ଆରମ୍ଭ ହେବାରୁ ଆଶା ଦିଦିକୁ ଜଣାଇ ଥିଲେ । ଆଶା ଦିଦି ୧୦୮କୁ ଫୋନ କରି ଗାଡିକୁ ଡକାଇ ଥିଲେ । ୧୦୮ଗାଡି ଗର୍ଭବତୀଙ୍କୁ ଧରି ଝରିଗାଁକୁ ଯିବା ବାଟରେ ଗୌଡ଼ଗୁଡା ଛକ ନିକଟରେ ଏକ କଲଭର୍ଟରେ ପିଟି ହୋଇଯାଇଥିଲା । ଏହି ଘଟଣାରେ ୧୦୮ଡ୍ରାଇଭର ଓ ଆଶା ଦିଦିଙ୍କୁ ଗଭୀର ଆଘାତ ଲାଗିଥିଲା | ହେଲେ ଗର୍ଭବତୀ ଓ ତାଙ୍କ ପରିବାର ଲୋକଙ୍କୁ ସାମାନ୍ୟ ଆଘାତ ହୋଇଛନ୍ତି । ଏହା ପରେ ଅନ୍ୟ ଏକ ୧୦୮ଯୋଗେ ଉମରକୋଟ ସ୍ୱାସ୍ଥ କେନ୍ଦ୍ରକୁ ଯାଇଥିଲେ । ଗର୍ଭବତୀ ମହିଳା ଓ ଆଶା ଦିଦିଙ୍କ ଅବସ୍ଥା ଗୁରୁତର ଥିବାରୁ ନବରଙ୍ଗପୁର ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଆଶା ଦିଦି ଙ୍କ ସ୍ୱାସ୍ଥ୍ୟ ବସ୍ଥା ସାମାନ୍ୟ ଥିଲା ବେଳେ ଗର୍ଭବତୀଙ୍କ ସ୍ୱାସ୍ଥ୍ୟବସ୍ଥାର ସଠିକ ସୂଚନା ମିଳିନାହିଁ ।

Comments are closed.