Related Contents

ସ୍ୱଚ୍ଛ ଓ ପରିସ୍କାର ପରିବେଶ ଗଠନ ହୋଇପାରିଲେ ସୁସ୍ଥ ଓଡିଶା ସ୍ୱଚ୍ଛ ଓଡିଶା ସ୍ଲୋଗାନଟି ସଫଳ ହେବ-ଜ଼ିଲ୍ଲା ପାଳ ରାୟଗଡା

ରାୟଗଡା ଜ଼ିଲ୍ଲା ପ୍ରତିନିଧି (ଅମୁଲ୍ୟ ନିଶଙ୍କ): ରାୟଗଡା ଜ଼ିଲ୍ଲା ପ୍ରସାଶନର ପଂଚାୟତରାଜ ବିଭାଗ ଓ ୟୁନିସେଫର ମିଳିତ ଆନୁକୂଲ୍ୟରେ ନଭେମ୍ବର ୧୯ତାରିଖରେ ବିଶ୍ଵ ଶୌଚାଳୟ ଦିଵଶ ପାଳିତ ହୋଇଯାଇଛି |

ଏହି ପରିପେକ୍ଷୀରେ ସହର ନିକଟସ୍ଥ ଖାଲୀଗୁଡ଼ା ଠାରୁ କତାପେଟା ପର୍ଯ୍ୟନ୍ତ ଶୌଚାଳୟ ବ୍ୟବହାରକୁ ନେଇ ସଚେତନ ସୃଷ୍ଟି କରିବା ଉଦ୍ଦେଶ୍ୟରେ ଏକ ମାନବ ଶୃଙ୍ଖଳ କାର୍ଯ୍ୟକ୍ରମ ଆୟୋଜନ କରାଯାଇଥିଲା | ଏଥିରେ ମୁଖ୍ୟ ଅତିଥି ରୂପେ ଜ଼ିଲ୍ଲାପାଳ ଶ୍ରୀମତୀ ଗୁହା ପୂନମ ତାପସ କୁମାର ଯୋଗଦେଇ ମାନବ ଶୃଙ୍ଖଳ କାର୍ଯ୍ୟକ୍ରମର ମୂଳ ଉଦେଶ୍ୟ ବିଷୟରେ ବୁଝାଇଥିଲେ ଯେ ସମସ୍ତଙ୍କ ହାତ ମିଶି ପାରିଲେ ଜ଼ିଲ୍ଲାଟି ସ୍ୱଚ୍ଛ ପରିବେଶ ଓ ପରିସ୍କାର ପରିବେଶ ମଧ୍ୟରେ ଗଠନ ହେଲେ ସୁସ୍ଥ ଓଡିଶା ଓ ସ୍ୱଚ୍ଛ ଓଡିଶା ସ୍ଲୋଗାନଟି ସଫଳ ହେବ ବୋଲି କହିଥିଲେ | ଉପଜ଼ିଲ୍ଲାପାଳ ଶ୍ରୀ ପ୍ରବୀର କୁମାର ନାୟକ ଶୌଚାଳୟ ଵ୍ୟଵହାର ଓ ବାହ୍ୟ ମଳ ତ୍ୟାଗ କରିବା ଦ୍ୱାରା ହେଉଥିବା ଅନିଷ୍ଟ ସମ୍ପର୍କରେ ଆଲୋକପାତ କରିଥିଲେ | ଏହି ଅବସରରେ ଜ଼ିଲ୍ଲାପାଳ ଓ ଉପଜ଼ିଲ୍ଲାପାଳ ଶୌଚାଳୟ ବ୍ୟବହାର ନିମନ୍ତେ ଉପସ୍ଥିତ ଜନସାଧାରଣଙ୍କୁ ଶପଥ ପାଠ କରାଇଥିଲେ | ବି ଡି ଓ ରାଜେନ୍ଦ୍ର ମାଝୀ ବିବରଣୀ ପ୍ରଦାନକରି କହିଥିଲେ ଯେ ଏହି ବ୍ଲକରେ ମୋଟ ୨୬ହଜାର ୩୬୯ଟି ପରିବାର ମଧ୍ୟରୁ ୨୩ହଜାର ଶୌଚାଳୟ ନିର୍ମାଣ ସମାପ୍ତ ହୋଇଥିବା ବେଳେ ମାତ୍ର ୩୩୬୯ଜଣଙ୍କ ଶୌଚାଳୟ ନିର୍ମାଣ ବାକି ଅଛି | ଏହି ବ୍ଲକର ୭ଟି ପଂଚାୟତକୁ ସମ୍ପୂର୍ଣ ଭାବେ ମଳମୁକ୍ତ ଗ୍ରାମ ରୂପେ ଘୋଷଣା କରାଯାଇଛି | ଏ ବି ଡି ଓ ନୃସିଂହ ଚରଣ ପଟ୍ଟନାୟକ କାର୍ଯ୍ୟକ୍ରମ କୁ ସଂଯୋଜନା କରିଥିଲେ | ଏହି କାର୍ଯ୍ୟକ୍ରମରେ ଗ୍ରାମ୍ୟ ଜଳ ଯୋଗାଣ ଅଧିକାରୀ ରିତେଶ ସାହୁ, ସି ଡି ପି ଓ ପୁଷ୍ପାଞ୍ଜଳି ମିଶ୍ର, ଡାକ୍ତର ସୁନୀଲ ମହାପାତ୍ର, ୟୁନିସେଫ ପ୍ରତିନିଧି ଜ୍ଞାନ ରଞ୍ଜନ ବାରିକ, ଜ଼ିଲ୍ଲା ପରିଷଦ ସଭ୍ୟ ପି ଗୌରୀ ଶଙ୍କର ଏ ବି ଓ ବଳରାମଂ ହୁଇକା ମଂଚାସୀନ ଥିଲେ | ଏହି କାର୍ଯ୍ୟକ୍ରମକୁ ବିଭାଗୀୟ କନିଷ୍ଟ ଯନ୍ତ୍ରୀ ଅଜିତ କୁମାର ମିଶ୍ର, ବୃନ୍ଦାବନ ମେହେର, ପି ଇ ଓ ଅଜିତ କୁମାର ହୋତା ଶିକ୍ଷକ ନିଲଂଚଳ ମିଶ୍ର ପରିଚାଳନା କରିଥିଲେ | ପି ଏ ଗୋପାଳ ପଣ୍ଡା ଧନ୍ୟବାଦ ଅର୍ପଣ କରିଥିଲେ | ଏହି ମାନବ ଶୃଙ୍ଖଳ କାର୍ଯ୍ୟକ୍ରମ କୁ ଜ଼ିଲ୍ଲାପାଳ ଶ୍ରୀମତୀ ଗୁହା ପୂନମ ତାପସ କୁମାର ଉଦଘାଟନ କରିଥିଲେ |

Comments are closed.