Related Contents

ବ୍ରାହ୍ମଣ ସାହିରେ ରାଧାକାନ୍ତ ମନ୍ଦିରରେ ଗିରିଗୋବର୍ଦ୍ଦନ ପୂଜା

ରାୟଗଡା (ଗୋପୀନାଥ ଗୌଡ଼): ରାୟଗଡା ବ୍ରାହ୍ମଣ ସାହି ରାଧାକାନ୍ତ ମନ୍ଦିରରେ ମହାଡ଼ମ୍ବର ଓ ଉତ୍ସାହର ସହ ପାଳନ ହୋଇଛି ଗିରିଗୋବର୍ଦ୍ଧନ ପୂଜା ଓ ଅର୍ଣ୍ଣ କୁଟୀ |

ପୌରାଣିକ କିମ୍ବଦନ୍ତୀ ଅନୁସାରେ ଦ୍ୱାପର ଯୁଗରେ ଶ୍ରୀ କୃଷ୍ଣ ଧରାପୃଷ୍ଠ ରେ ଜନ୍ମ ନେଇଥିବା ସମୟରେ ଗୋପପୁର ବାସୀ ଇନ୍ଦ୍ରଙ୍କୁ ପୂଜା କରୁଥିଲେ | ଇନ୍ଦ୍ରପୂଜାକୁ ବିରୋଧ କରି ଗିରି ଗୋବର୍ଦ୍ଧନ କୁ ପୂଜା କରିବାକୁ ଗୋପପୁରବାସୀଙ୍କୁ ପରାମର୍ଶ ଦେଇଥିଲେ | ଏଥିରେ କୋପକରି ଇନ୍ଦ୍ର ଲଗାତାର ବର୍ଷ, ପବନ, ଘଡଘଡି କରିଥିଲେ | ଏହି ସବୁ ରୁ ରକ୍ଷା କରିବାକୁ ପ୍ରଭୁ ଶ୍ରୀକୃଷ୍ଣ ନିଜ ଆଙ୍ଗୁଳିରେ ଗିରିଗୋବର୍ଦ୍ଧନ ପର୍ବତକୁ ଉଠାଇ ଧରିଥିଲେ | ସେହି ଦିନଠୁ ଗୋପପୁରବାସୀ ଇନ୍ଦ୍ରଙ୍କୁ ପୂଜା କରିବା ଛାଡି ଗିରିଗୋବର୍ଦ୍ଧନ ଓ ଶ୍ରୀକୃଷ୍ଣ ଙ୍କୁ ପୂଜା କରିଥିଲେ | ରାୟଗଡା ର ସ୍ଥାନୀୟ ବ୍ରାହ୍ମଣ ସାହିରେ ଏହି ଗିରିଗୋବର୍ଦ୍ଧନ ପୂଜା ସହିତ ଅର୍ଣ୍ଣକୁଟୀ ପର୍ବ ପାଳିତ ହୋଇଯାଇଛି | ପ୍ରତ୍ୟେକ ବର୍ଷ କାର୍ତିକ ମାସ ଶୁକ୍ଳ ପ୍ରତିପଦା କୁ ଅର୍ଣ୍ଣକୁଟୀ ଦିବସ ବା ଗିରିଗୋବର୍ଦ୍ଧନ ପୂଜା କରାଯାଇଥାଏ | ରାଧାକାନ୍ତ ମନ୍ଦିର ରେ ପ୍ରତ୍ୟେକ ଦିନ ସକାଳୁ ପୂଜା କରୁଥିବା ହବିଷ୍ୟାଳି ମା ମାନେ ଏହି ପୂଜା ମହା ଆଡମ୍ବରରେ ପାଳନ କରିଥାନ୍ତି | ସକାଳର ମଙ୍ଗଳ ଆଳତି ପରେ ଧୂପ ଦୀପ ଓ ନାନା ପ୍ରକାର ବିଧି ବିଧାନ ଓ ପୂଜାର୍ଚ୍ଚନା ପରେ ଭଗବାନଙ୍କ ଠାରେ ୫୬ଭୋଗ ପରସା ଯାଇଥିଲା | ପରେ ପରେ ଛୋଟ ଛୋଟ ପିଲା ମାନଙ୍କୁ ଆଳତି ଓ ବନ୍ଦାପନା କରି ଅର୍ଣ୍ଣ ପ୍ରସାଦ ସେବନ କରାଇଥିଲେ | ମନ୍ଦିର ପୂଜକ ଗୋପୀନାଥ ପାଲୋ ଙ୍କ କହିବା ଅନୁଯାୟୀ ଆଜିକୁ ଦୀର୍ଘ ୫୬ବର୍ଷ ହେବ ଏହି ପର୍ବ ଏହି ମନ୍ଦିର ର ମହା ଆଡମ୍ବର ଓ ଉତ୍ସାହ ର ସହିତ ପାଳନ ହୋଇଆସୁଛି | ଓ ଆଗକୁ ମଧ୍ୟ ଏପରି ପାଳନ କରିବେ ବୋଲି ପ୍ରକାଶ କରିଛନ୍ତି |

Comments are closed.