Related Contents

ରାୟଗଡା କେନ୍ଦ୍ରୀୟ ବିଦ୍ୟାଳୟ ଛାତ୍ରୀ ୨୬ତମ ଜାତୀୟ ଶିଶୁ ବିଜ୍ଞାନ କଂଗ୍ରେସ ପାଇଁ ମନୋନୀତ

ରାୟଗଡା ଜ଼ିଲ୍ଲା ପ୍ରତିନିଧି (ଅମୁଲ୍ୟ ନିସଙ୍କ): ଭୁବନେଶ୍ୱର ଠାରେ ଚଳିତ ମାସ ୨, ୩, ୪ ତାରିଖ ୩ ଦିନ ଧରି ଭୁବନେଶ୍ୱର ସି ଆର ପି ଏଫ ଛକ ନିକଟସ୍ଥ କେନ୍ଦ୍ରୀୟ ବିଦ୍ୟାଳୟ ନ.୨ଠାରେ ଅନୁଷ୍ଠିତ ହୋଇଯାଇଥିବା ୨୬ ତମ ଜାତୀୟ ଶିଶୁ ବିଜ୍ଞାନ କଂଗ୍ରେସ ପ୍ରତିଯୋଗିତାରେ ରାୟଗଡା ଜ଼ିଲ୍ଲା କେନ୍ଦ୍ରୀୟ ବିଦ୍ୟାଳୟ ବରିଷ୍ଠ ବିଭାଗରେ ଅଂଶ ଗ୍ରହଣ କରି ଶିବାଙ୍ଗି ରାଜ୍ୟ ସ୍ତରରେ ପ୍ରଥମ ସ୍ଥାନ ଅଧିକାର କରିଛନ୍ତି |

ରାୟଗଡା କେନ୍ଦ୍ରୀୟ ବିଦ୍ୟାଳୟ ସଂଗଠନର ପରିଚାଳନା କମିଟି ଅଧ୍ୟକ୍ଷ ତଥା ରାୟଗଡା ଜ଼ିଲ୍ଲାପାଳ ଶ୍ରୀମତୀ ଗୁହା ପୂନମ ତାପସ କୁମାର ଆଇଏ ଏସ ଶିବାଙ୍ଗିଙ୍କୁ ଅଭିନନ୍ଦନ ସହ ଶୁଭେଚ୍ଛା ଜଣାଇଛନ୍ତି | ତା ସହିତ ତାଙ୍କର ଉତ୍ତୋରତ୍ତର ଉଜ୍ୱଳ ଭବିଷ୍ୟତ କାମନା କରିଛନ୍ତି | ବିଦ୍ୟାଳୟର ଅଧ୍ୟକ୍ଷ ଶ୍ରୀ ଦୁର୍ଗା ପ୍ରସାଦ ପଣ୍ଡା ଓ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ସମସ୍ତ କର୍ମଚାରୀ ମଧ୍ୟ ଶିବାଙ୍ଗିଙ୍କୁ ଶୁଭେଚ୍ଛା ଜଣାଇଛନ୍ତି | ଆସନ୍ତା ମାସ ଡ଼ିସେମ୍ବର ପ୍ରଥମ ସପ୍ତାହରେ କାନପୁର ଠାରେ ଆଇ ଆଇ ଟି ଠାରେ ୨୬ ତମ ଜାତୀୟ ଶିଶୁ ବିଜ୍ଞାନ କଂଗ୍ରେସ ପ୍ରତିଯୋଗିତା ଅନୁଷ୍ଠିତ ହେବ | ଜାତୀୟ ସ୍ତରର ପ୍ରତିଯୋଗିତାରେ ଓଡିଶା କେନ୍ଦ୍ରୀୟ ବିଦ୍ୟାଳୟ ସଂଗଠନ ପକ୍ଷରୁ ଶିବାଙ୍ଗି ପ୍ରତିନିଧିତ୍ବ କରିବେ | ଏହି ପ୍ରତିଯୋଗିତାରେ ଗାଇଡଭାବେ ପିଜିଟି ବାୟୋଲୋଜି ବିଭାଗର ଶିକ୍ଷକ ରାମ ଇସଃ କୁମାର ସୂଚନା ଦେଇଛନ୍ତି |

Comments are closed.