ପୋଖରୀ ହେଲା କାଳ-ପାଣିରେ ବୁଡି ଚାରି ବର୍ଷର ପୁଅର ମୃତ୍ୟୁ

ବିଂଝାରପୁର (ଆକାଶ କୁମାର ମଲ୍ଲିକ): ବିଂଝାରପୁର ବ୍ଲକ କପିଳା ଗ୍ରାମର ଦଣ୍ଡାସାହି ନିକଟସ୍ଥ ସନ୍ତୋଷ ମଲ୍ଲିକଙ୍କ ପୁତ୍ର କନ ମଲ୍ଲିକ (ବୟସ-୪) ପୋଖରୀ ବୁଡି ମୃତ୍ୟୁ ହୋଇଛି |

ସୂଚନା ଅନୁସାରେ ଗତ ବନ୍ୟା ଓ ବାତ୍ୟା ସମୟରେ ଏହି ଦଣ୍ଡାସାହି ଗ୍ରାମଟି ଓ ସ୍କୁଲଟି ପାଣି ଘେରରେ ଥିଲା | ଏବେ ପୁଣି ଲଘୁଚାପ ଜନିତ ଲଗାଣ ବର୍ଷାରେ ପୁଣି ଗ୍ରାମ ସହ ସ୍କୁଲଟି ପାଣି ଘେରରେ ରହିଛି | ଗାଁ ରେ ସନ୍ତୋଷ ମଲ୍ଲିକଙ୍କ ଘରକୁ ଲାଗି ପୋଖରୀ ସବୁ ବେଳେ ପାଣି ଭର୍ତ୍ତି ରହିଥାଏ ଓ ବନ୍ୟା ପାଣିରେ ଘରକୁ ପାଣି ମଧ୍ୟ ପଶିଯାଏ ଫଳ ସ୍ବରୁପ ଆଜି ଏକ ଦୁଃଖଦ ଘଟଣା ଘଟିଯାଇଛି | ସ୍ଥାନୀୟ ଲୋକଙ୍କ କହିବା ଅନୁସାରେ ସନ୍ତୋଷ ମଲ୍ଲିକଙ୍କ ପୁଅ ଖେଳୁଥିବା ସମୟରେ ଗୋଡ ଖସି ଯିବାରୁ ପୋଖରୀ ପାଣିରେ ବୁଡି ଯାଇ ମୃତ୍ୟୁ ବରଣ କରିଛି ଏଣୁ ଯଥା ସମ୍ଭବ ଏହି ଗରିବ ପରିବାରକୁ ସରକାରୀ ସହାୟତା ଦିଆଯାଉ | ତତ ସହିତ ଏ ପୋଖରୀକୁ ପୋତାଯାଇ ବନ୍ଦ କରିଦିଆଯାଉ | ପୋଖରୀକୁ ବନ୍ଦ କରିବାକୁ ଗତ ୫ବର୍ଷ ହେବ ପ୍ରଶାସନକୁ ଜଣାଇ ଆସୁଥିଲେ ମଧ୍ୟ କେହି ଶୁଣୁ ନ ଥିଲେ, ଏବେ ପ୍ରଶାସନ ଏହାର ତୁରନ୍ତ ସମାଧାନ କରନ୍ତୁ | ବର୍ତ୍ତମାନ ଏହି ଦୁଃଖଦ ଘଟଣା ପାଇଁ କିଏ ଦାୟୀ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି |

Comments are closed.