ରିପୋର୍ଟ : ଗୋପୀନାଥ ଗୌଡ଼
ରାୟଗଡ, ତା.(୧୯/୧୨) : ଅବକାରୀ ବିଭାଗ ଦ୍ୱାରା ଅତର୍କିତ ଚଢ଼ାଉ କରାଯାଇ ବିପୁଳ ପରିମାଣରେ ଗଞ୍ଜେଇ ଜବତ କରିବା ସହିତ ଦୁଇଜଣ ଅଭିଯୁକ୍ତଙ୍କୁ ଗିରଫ କରାଯାଇଛି ।
ରାୟଗଡ଼ା ଜିଲ୍ଲାପାଳ ଶ୍ରୀ ସରୋଜ କୁମାର ମିଶ୍ରଙ୍କ ନିର୍ଦ୍ଦେଶରେ ଅବକାରୀ ଅଧିକ୍ଷକ ରାୟଗଡ଼ ଶ୍ରୀମତି ନିନା ବେଉରାଙ୍କ ତତ୍ୱାବଧାନରେ ରାୟଗଡ଼ ସଦର ମହକୁମାରୁ ଏକ ସ୍ୱତନ୍ତ୍ର ଦଳ ଗଠନ କରି ବିଷମକଟକ ଅବକାରୀ ଥାନା ର ଭାରପ୍ରାପ୍ତ ଅଧିକାରୀ ଏବଂ ସମସ୍ତ କର୍ମଚାରୀ ଗତ ତା:-୧୮/୧୨/୨୦୨୧ ରିଖରେ ଚନ୍ଦ୍ରପୁର ଥାନା ଅନ୍ତର୍ଗତ ଗଗୁଆପଦର ଗ୍ରାମରେ ଅବକାରୀ ବିଭାଗ ଦ୍ୱାରା ଅତର୍କିତ ଚଢ଼ାଉ କରି ୬୪ କି.ଗ୍ରା. ଚୋରା ଗଞ୍ଜେଇ ଜବତ କରାଯାଇଛି । ଉକ୍ତ ଧରପଗଡ଼ରେ ଦୁଇ ଜଣ ଆସାମୀ ଯଥା :- (୧) ଉପେନ୍ଦ୍ର ବେଡ୍ରେକା ଏବଂ (୨) ନରେନ୍ଦ୍ର ବେଡ୍ରେକାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଜବତ ଗଞ୍ଜେଇ ଆନୁମାନିକ ମୂଲ୍ୟ ଟ. ୩,୨୦,୦୦୦ ହେବ ବୋଲି ବିଭାଗୀୟ ସୂତ୍ରରୁ ପ୍ରକାଶ ।
ଉକ୍ତ ଧରପଗଡ଼ରେ ରାୟଗଡ଼ା ଭାରପ୍ରାପ୍ତ ଅଧିକାରୀ ଶ୍ରୀ ସୂର୍ଯ୍ୟ ନାରାୟଣ ରଥ, ଲୋହାର ଅବକାରୀ ଥାନା ଶ୍ରୀ ରଘୁନାଥ ମୁଣ୍ଡା, ଜିଲ୍ଲା ଭ୍ରମୟମାଣ ଅବକାରୀ ଥାନା ର ସମସ୍ତ କର୍ମଚାରୀ ଏବଂ ବିଷମକଟକ ଅବକାରୀ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ରାଶି ନାୟକ ଓ ସମସ୍ତ କର୍ମଚାରୀ ସାମିଲ ଥିଲେ ।