ଝଡବର୍ଷାର ତାଣ୍ଡବ ପରେ ବଂଶଧାରା ତଟବର୍ତ୍ତୀ ଅଂଚଳରେ ଲୋକଙ୍କ ନାହିଁ ନ ଥିବା ଦୁର୍ଦ୍ଦଶା

ପଦ୍ମପୁର(ପ୍ରଭାତ ମିଶ୍ର): ରାୟଗଡା ଜିଲ୍ଲାରେ ଝଡବର୍ଷା ତିତିଲିର ତାଣ୍ଡବ ପ୍ରଶମିତ ହେବ ପରେ ବଂଶଧାରା ତଟବର୍ତ୍ତୀ ଚାଷୀ ଓ ଲାକଙ୍କ ଦୁର୍ଦ୍ଦଶା କହିଲେ ନ ସରେ |

ପ୍ରବଳ ବର୍ଷା ଓ ପବନରେ ରାସ୍ତାରେ ବୃକ୍ଷ ପଡି ସ୍ୱାଭାବିକ ପରିସ୍ଥିତିକୁ ଆସୁଥିଲେ ମଧ୍ୟ ପ୍ରଶାସନିକ ଭାବେ ରାସ୍ତାରେ ପଡିଥିବା ବିରାଟ ବୃକ୍ଷ ଗୁଡିକୁ ସଫାକରାଯାଉଥିଲେ ମଧ୍ୟ ରାୟଗଡା-ବ୍ରହ୍ମପୁର ୧୭ନମ୍ବର ରାଜପଥ ୨୪ଘଂଟା ପରେ ମଧ୍ୟ ଯାତାୟାତ ବନ୍ଦ ରହିଛି | ଏଭଳି ପରିସ୍ଥିତିରେ ପଦ୍ମପୁର ଅଞ୍ଚଳରେ ୨୪ଘଂଟା ପରେ ମଧ୍ୟ ପାନୀୟ ଜଳ ଯୋଗାଣ ହୋଇପାରିନଥିବା ଜଣାପଡ଼ିଥିବା ସମୟରେ ବିଶେଷକରି ବଂଶଧାରା ନଦୀ ପାର୍ଶ୍ୱରେ ଥିବା ବହୁ ଗ୍ରାମ ଭାମିନି, ସେରମା, ଲିମା ପଦର, ଗୁମୁଡା, ରା଼ଡୁ କର୍ଣପଡୁ, ଜିରା, ଡ଼େରିଗାଁ, ଡମ୍ବସର, ଚଳନିମ୍ଵ ଭଳି ଅନେକ ଗ୍ରାମର ଶତାଧିକ ଚାଷୀଙ୍କ ଏକର ଏକର ଧାନ, କପା, ପରିବା, ମାଛ ଚାଷ ସମ୍ପୂର୍ଣ୍ଣ ଉଜୁଡି ଯାଇଛି | ପରିବା ବଗିଚା ଗୁଡିକରେ ବର୍ତ୍ତମାନ ପର୍ଯ୍ୟନ୍ତ ପାଣି ଜମି ରହିଥିବା ସମୟରେ ବର୍ତ୍ତମାନ ପର୍ଯ୍ୟନ୍ତ କ୍ଷୟକ୍ଷତିର ଆକଳନ କରିବା ଅସମ୍ଭବ ଅଟେ | ବ୍ରହ୍ମପୁର ବଜାରର ପଦ୍ମପୁର, ଗୁମୁଡା, ଗୁଡାରି ତଥା ରାମନାଗୁଡ଼ା ଆଦି ଅଂଚଳକୁ ଦୈନିକ ଆସୁଥିବା ଜିନିଷଗୁଡ଼ିକ ବ୍ରହ୍ମପୁର-ରାୟଗଡା ୧୭ନମ୍ବର ରାଜ୍ୟ ରାଜପଥ ବନ୍ଦ ହୋଇଥିବା ଯୋଗୁଁ ଏହାର ପ୍ରଭାବ ସିଧା ବଜାର ବ୍ୟବସାୟ ଉପରେ ପଡିଛି | ନିତ୍ୟ ବ୍ୟବହାର୍ଯ୍ୟ ଜିନିଷ ଠାରୁ ଆରମ୍ଭ କରି ପରିବା ଦର ଆକାଶଛୁଆଁ ବୃଦ୍ଧି ପାଇଥିବା ଜଣାପଡିଛି | କ୍ଷତିଗ୍ରସ୍ତ ଚାଷୀଙ୍କ ସମସ୍ୟା ଓ ବଜାର ଦର ନିୟନ୍ତ୍ରଣ ଉପରେ ପ୍ରଶାସନ ପଦକ୍ଷେପ ନେବା ଜରୁରୀ ହୋଇପଡିଛି |

Comments are closed.