ରାୟଗଡା ଜିଲ୍ଲା ମହିଳା ସ୍ୱାସ୍ଥ୍ୟ କର୍ମୀ ସଙ୍ଘର ବୈଠକ

ରାୟଗଡା ଜିଲ୍ଲା ପ୍ରତିନିଧି (ଅମୁଲ୍ୟ ନିସଙ୍କ): ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଜିଲ୍ଲା ମହିଳା ସ୍ୱାସ୍ଥ୍ୟ କର୍ମୀ ସଙ୍ଘର ବୈଠକ ସଭାନେତ୍ରୀ ବୈଜୟନ୍ତି ଖଟୁଆଙ୍କ ସଭାପତିତ୍ୱରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଥିଲା ।

ଗ୍ରାମାଞ୍ଚଳ ଏବଂ ଦୁର୍ଗମ ଅଂଚଳରେ କଷ୍ଟ ସ୍ୱୀକାର କରି କାର୍ଯ୍ୟ କରୁଥିଲେ ମଧ୍ୟ ରାଜ୍ୟ ସରକାର ସେମାନଙ୍କ ନ୍ୟାଯ୍ୟ ଦାବୀ ପ୍ରତି ଦୃଷ୍ଟି ଦେଉନଥିବା ଅଭିଯୋଗ କରାଯାଇଥିଲା । ଏହି ବୈଠକରେ ଆରଏସିପିର ତ୍ରୁଟି ସୁଧାର କରି କାର୍ଯ୍ୟକାରୀ କରିବା, ନିର୍ଦ୍ଧାରିତ ସମୟ ମଧ୍ୟରେ ପଦୋନ୍ନତି ପ୍ରଦାନ, ଗ୍ରେଡପେ ୨୮୦୦କୁ ବୃଦ୍ଧି, ସ୍ୱତନ୍ତ୍ର କେବିକେ ଭତ୍ତା ପ୍ରଦାନ, ଘର ଭଡା ୨୫୦ ରୁ ୨୫୦୦ କୁ ବୃଦ୍ଧି, ଗସ୍ତ ଖର୍ଚ୍ଚ ୨୦୦ ରୁ ୧୫୦୦ କରିବା, କ୍ୟାଡର ରୁଲକୁ ସଂଶୋଧନ କରିବା, ଠିକା ଭିତ୍ତିରେ ଏଏନ୍ଏମ ନିଯୁକ୍ତି ବନ୍ଦ କରି ସ୍ଥାୟୀ ନିଯୁକ୍ତି ପ୍ରଦାନ ଉପରେ ବୈଠକରେ ଗୁରୁତ୍ୱ ଦିଆଯାଇଥିଲା । ଏହି ବୈଠକରେ ସମ୍ପାଦିକା ସଂଯୁକ୍ତା ଶତପଥୀ, ପ୍ରଭାତୀ ନାୟକ, ମଂଜୁବାଲା ପାଳ, କେ ଇନ୍ଦିରା, ପୁଷ୍ପାଞ୍ଜଳି, ପ୍ରଭାତୀ ଜେନା ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।

Comments are closed.